୫ଜି ସ୍ପେକ୍ଟ୍ରମ୍ ନିଲାମ: ୨୧୨ କୋଟିରେ ୫ଜି ସ୍ପେକ୍ଟ୍ରମ କିଣିଲେ ଗୌତମ ଆଦାନୀ
Advertisement
ନୂଆଦିଲ୍ଲୀ : ୫ଜି ସ୍ପେକ୍ଟ୍ରମ୍ ନିଲାମ ପ୍ରକ୍ରିୟା ଶେଷ ହୋଇଛି । ଏହି ନିଲାମରେ ଏସିଆର ସବୁଠାରୁ ଧନୀ ଗୌତମ ଆଦାନୀଙ୍କ ଗ୍ରୁପ୍ ମଧ୍ୟ ଅଂଶଗ୍ରହଣ କରିଥିଲେ । ଆଦାନୀ ଗ୍ରୁପ୍ ୨୬ ଗିଗାହଟଜ୍ ମିଲିମିଟର ତରଙ୍ଗ ବ୍ୟାଣ୍ଡରେ ୨୧୨ କୋଟି ଟଙ୍କାରେ ସ୍ପେକ୍ଟ୍ରମ କିଣିଛି, ଯାହା ଏହାର ବ୍ୟବସାୟ ଏବଂ ଡାଟା କେନ୍ଦ୍ରକୁ ମଜବୁତ କରିବ । ଆଦାନୀ ଗ୍ରୁପ୍ ଡାଟା ସେଣ୍ଟର ତଥା ଏହାର ସୁପର ଆପ୍ ପାଇଁ ସ୍ପେକ୍ଟ୍ରମ୍ ବ୍ୟବହାର କରିବାକୁ ଯୋଜନା କରିଛି । ବିଦ୍ୟୁତ୍ ବଣ୍ଟନ ଠାରୁ ବିମାନବନ୍ଦର ଏବଂ ଗ୍ୟାସ୍ ରିଟେଲିଂ ଠାରୁ ବନ୍ଦର ପର୍ଯ୍ୟନ୍ତ ବ୍ୟବସାୟକୁ ସହାୟତା କରିବାକୁ ଏହି ସୁପର ଆପ୍ ଡିଜାଇନ୍ କରାଯାଇଛି ।
ଅନ୍ୟପକ୍ଷରେ ଗୌତମ ଆଦାନୀ କହିଛନ୍ତି ଯେ ବନ୍ଦରରୁ ବିଦ୍ୟୁତ୍ ପର୍ଯ୍ୟନ୍ତ ଶିଳ୍ପ ୫ଜି ସ୍ପେକ୍ଟ୍ରମ ପ୍ରବେଶ କରି ତାଙ୍କ କମ୍ପାନୀଗୁଡ଼ିକୁ ନୂତନ ଅତିରିକ୍ତ ସେବା ପ୍ରଦାନ କରିବାରେ ସାହାଯ୍ୟ କରିବ । ଆଦାନୀ ଡାଟା ନେଟୱାର୍କ ଲିମିଟେଡ୍, ଆଦାନୀ ଏଣ୍ଟରପ୍ରରଇଜେସ୍ ଲିମିଟେଡ୍ର ଏକ ୟୁନିଟ୍, ୨୦ ବର୍ଷ ପାଇଁ ୨୬ ଗିଗାହଟଜ ମିଲିମିଟର ତରଙ୍ଗ ବ୍ୟାଣ୍ଡରେ ୪୦୦ ମେଗାହଟଜ ସ୍ପେକ୍ଟ୍ରମ ବ୍ୟବହାର କରିବାକୁ ନିଲାମ ଅଧିକାର ଜିତିଛି । ଏହି ଗୋଷ୍ଠୀ ନିଲାମରେ ବିକ୍ରି ହୋଇଥିବା ସମସ୍ତ ସ୍ପେକ୍ଟ୍ରମର ଏକ ପ୍ରତିଶତରୁ କମ୍ କିଣିଛି ଏବଂ ଏହାର କ୍ରୟ ମୂଲ୍ୟ ସରକାର ଗ୍ରହଣ କରିଥିବା ୧.୫ ଲକ୍ଷ କୋଟି ଟଙ୍କାର ଏକ କ୍ଷୁଦ୍ର ଅଂଶ ।