ଚାଲାଣ କାଟିବାରୁ ବାଇକ୍ ସହ ଏପରି କଲେ ଯୁବକ, ଯାହାକୁ ଦେଖି ପୋଲିସର ଉଡିଲା ହୋସ୍, ଦେଖନ୍ତୁ ଭିଡିଓ..
ନୂଆଦିଲ୍ଲୀ,୧ ।୧୨: ସାରା ଦେଶରେ ଟ୍ରାଫିକ୍ ନିୟମ କଡାକଡି କରାଯାଇଛି । ନିୟମ ମାନୁନଥିବା ଚାଳକଙ୍କ ପାଇଁ ଚାଲାଣ କାଟୁଛନ୍ତି ପୋଲିସ । ସେହିପରି ପୋଲିସ ଜଣେ ଯୁବକଙ୍କ ବାଇକର ଚାଲାଣ କାଟିବାରୁ ସେ ରାଗି ବାଇକ୍ ସହ କିଛି ଏପରି କଲେ, ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ତେବେ ଘଟଣାଟି ଉତ୍ତରପ୍ରଦେଶର ମେରୁଟ ଜିଲ୍ଲାର ବେଗମପୁଲ ଚୌରାହିରେ ଘଟିଛି । ଏଠାରେ ପୋଲିସ ଜଣେ ଯୁବକଙ୍କ ବାଇକର ଇ-ଚାଲାଣ କାଟିଥିଲେ । ଏହା ପରେ ଯୁବକ ଜଣକ ପ୍ରଥମେ ରାଗିଯାଇ ବାଇକକୁ ରାସ୍ତାରେ କଚାଡି ଦେବା ସହ ହଙ୍ଗାମା କରିଥିଲେ । ବାଇକକୁ ୨ରୁ ୩ ଥର କଚାଡି ଭାଙ୍ଗିବା ସହ ବାଇକ ଉପରେ ବସି କାନ୍ଦି ପକାଇଲେ ସେହି ଯୁବକ । ଯୁବକଙ୍କ ଏହି ଦୃଶ୍ୟ ଦେଖି ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲା । ଯୁବକଙ୍କ ନିକଟରେ ପୋଲିସ ସମେତ ଲୋକଙ୍କ ଭିଡ ଲାଗିଥିଲା ।
Agitated over traffic challan, a biker in UP's Meerut took out his anger on his motorcycle. He later sat on the fallen bike and started crying as traffic cops stood and watched the entire drama unfolding on a busy street in the city. @Uppolice pic.twitter.com/lZ8TfQYUWt
— Piyush Rai (@Benarasiyaa) November 25, 2019
ପରେ ପୋଲିସ ସେହି ଯୁବକଙ୍କୁ ବୁଝାଇ ଥିଲେ । ଅନ୍ୟପଟେ ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
