(Video) ବିବାହ ପରେ ପ୍ରଥମ ଭାଲେଣ୍ଟାଇନ୍ ଡେ’ ରେ ସଲମାନଙ୍କ ସହ ରହିବେ କ୍ୟାଟ୍ରିନା!

ବିବାହ ପରେ ପୁଣି ଅଭିନେତ୍ରୀ କ୍ୟାଟ୍ରିନା କୈଫ ସଲମାନ ଏକାଠି ନଜର ଆସିବାକୁ ଯାଉଛନ୍ତି । ଆଉ ତାହା ବିବାହ ପରେ ପ୍ରଥମ ଭାଲେଣ୍ଟାଇନ୍ ଡେ’ ରେ । ସୁପରଷ୍ଟାର ସଲମାନ ଖାନ ମୁମ୍ବାଇର ୟଶ ରାଜ ଫିଲ୍ମ ଷ୍ଟୁଡିଓରେ ଆସନ୍ତା ଫେବୃୟାରୀ ୫ ଠାରୁ ‘ଟାଇଗର ୩’ର ଶୁଟିଂ ଆରମ୍ଭ କରିବାକୁ ଯାଉଛନ୍ତି । ଏହି ଶୁଟିଂ ପାଇଁ ମୁମ୍ବାଇର ଅନେ୍ଧରିରେ ଅବସ୍ଥିତ ୟଶ ରାଜ ଫିଲ୍ମ ଷ୍ଟୁଡିଓରେ ଜବରଦସ୍ତ ପ୍ରସ୍ତୁତି ଦେଖିବାକୁ ମିଳୁଛି । ଶୁଟିଂରେ ଜଡିତ ସମସ୍ତ ଅଭିନେତା ଏବଂ ଟେକ୍ନିସିଆନଙ୍କ କରୋନା ଟେଷ୍ଟ କରାଯାଇଛି ।

ଫିଲ୍ମର ଶୁଟିଂ ଶେଷ ହେବା ପର୍ଯ୍ୟନ୍ତ ସମସ୍ତେ ବାୟୋ ବବଲରେ ରହିବେ । ତେବେ ଅଭିନେତ୍ରୀ କ୍ୟାଟ୍ରିନା କୈଫ ମଧ୍ୟ ସଲମାନଙ୍କ ସହ ଏଠାରେ ରହିବେ । ୟଶ ରାଜ ଫିଲ୍ମ ଷ୍ଟୁଡିଓରେ ପ୍ରସ୍ତାବିତ ଶୁଟିଂ ପ୍ରାୟ ଏକ ସପ୍ତାହ ପର୍ଯ୍ୟନ୍ତ ଚାଲିବ ଏବଂ ତା’ପରେ ଆସନ୍ତା ସପ୍ତାହରେ ଫେବୃୟାରୀ ୧୨ ଏବଂ ୧୩ ରେ ସଲମାନ ଏବଂ କ୍ୟାଟ୍ରିନା ଶୁଟିଂ ପାଇଁ ଦିଲ୍ଲୀ ଯିବେ । ଭାଲେଣ୍ଟାଇନ୍ସ ଡେ’ରେ ଦୁହେଁ ଫିଲ୍ମ ‘ଟାଇଗର-୩’ ଶୁଟିଂ କରିବେ । ଏହିପରି ଭାବରେ ବିବାହ ପରେ ପ୍ରଥମ ଭାଲେଣ୍ଟାଇନ୍ସ ଡେ’ ସଲମାନଙ୍କ ସହ ବିତାଇବାକୁ ଯାଉଛନ୍ତି କ୍ୟାଟ୍ରିନା । ଦିଲ୍ଲୀରେ ଏହି ଫିଲ୍ମର ଶୁଟିଂ ପ୍ରାୟ ଦୁଇ ସପ୍ତାହ ପର୍ଯ୍ୟନ୍ତ ଚାଲିବ । ମେଗା ବଜେଟରେ ନିର୍ମିତ ଏହି ଫିଲ୍ମଟି ହିନ୍ଦୀ ଏବଂ ଇଂରାଜୀ ବ୍ୟତୀତ ଅନ୍ୟାନ୍ୟ ଭାରତୀୟ ଭାଷାରେ ମୁକ୍ତିଲାଭ କରିବାର ଯୋଜନା ରହିଛି । ନିକଟରେ କ୍ୟାଟ୍ରିନା ଅଭିନେତା ବିକି କୌଶଲଙ୍କୁ ବିବାହ କରିଛନ୍ତି । ବିବାହ ପରେ ଉଭୟ ଫିଲ୍ମ ଶୁଟିଂରେ ବ୍ୟସ୍ତ ଅଛନ୍ତି ।