କେନ୍ଦ୍ରାପଡ଼ାରେ ଘରେ ପଶି ଗୁଳି ମାରିଲେ ଦୁର୍ବୃତ୍ତ: ସ୍ୱାମୀ ମୃତ, ସ୍ତ୍ରୀ ଓ ପୁଅ ଗୁରୁତର

କେନ୍ଦ୍ରାପଡ଼ା(ଓଡ଼ିଶା ଭାସ୍କର): କେନ୍ଦ୍ରାପଡ଼ା ମହାକାଳପଡ଼ାରେ ଦିନ ଦ୍ୱିପହରରେ ହୋଇଛି ଗୁଳିମାଡ଼ । ବବକରପୁର ରାଜଗଡ଼ରେ ଘରେ ପଶି ଫାୟାରିଂ କରିଛିନ୍ତି ଦୁର୍ବୃତ୍ତ । ଏହି ଗୁଳିମାଡ଼ରେ ସ୍ୱାମୀଙ୍କର ମୃତ୍ୟୁ ହୋଇଥିବା ବେଳେ ସ୍ତ୍ରୀ ଓ ପୁଅ ଗୁରୁତର ଭାବେ ଆହତ ହୋଇଛନ୍ତି, ଫଳରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ତେବେ ୩ ଜଣ ଦୁର୍ବୃତ୍ତ ଏହି ଗୁଳିମାଡ଼ କରିଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ୨ ଜଣଙ୍କୁ କାବୁ କରି ପୋଲିସ ଜିମା ଦେଇଛନ୍ତି ଗାଁ ଲୋକେ । ଗୁଳି ମାରି ଫେରାର ମାରୁଥିବା ସମୟରେ ଗାଁ ଲୋକେ ସେମାନଙ୍କୁ ଧରିପକାଇଥିଲେ । କିନ୍ତୁ ଏହି ଗୁଳିକାଣ୍ଡ କାହିଁକି କରିଛନ୍ତି ବୋଲି କାରଣ ଏପର୍ଯ୍ୟନ୍ତ ଜଣାପଡିନାହିଁ । ପୋଲିସ ଘଟଣାକୁ ନେଇ ଛାନଭିନ୍ ଜାରି ରଖିଛି ।