ଟ୍ରକକୁ ଧକ୍କାଦେବା ପରେ କାରରେ ଲାଗିଲା ନିଆଁ, ତିନି ଜୀବନ୍ତ ଦଗ୍ଧ
ଶୁକ୍ରବାର ହରିୟାଣାର ପାନିପତଠାରେ ଏକ ଭୟାଭୟ କାର ଅଗ୍ନିକାଣ୍ଡରେ ୮ବର୍ଷର ଶିଶୁ ସମେତ ତିନି ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି । ପାନିପତ ରୋହତକ ରାଜପଥ ଇସରାହନା ନିକଟରେ ଏକ ଟ୍ରକ ସହିତ ଧକ୍କା ଖାଇବା ପରେ କାରଟିରେ ନିଆଁ ଲାଗି ଯାଇଥିଲା । ଏଥିରେ କାରରେ ଭିତରେ ଥିବା ଆଠ ବର୍ଷର ଶିଶୁ ସମେତ ତିନି ଜଣ ଜୀଅନ୍ତା ଜଳି ଯାଇଥିଲେ । ତେବେ ଏପର୍ଯ୍ୟନ୍ତ ମୃତକଙ୍କ ପରିଚୟ ମିଳିପାରି ନାହିଁ ।
ସୂଚନା ଅନୁସାରେ ଟ୍ରକଟି ଦିଗ ପରିବର୍ତ୍ତନ କରୁଥିବା ସମୟରେ ପଛପଟୁ ଆସି କାରଟି ଧକ୍କା ଦେଇଥିଲା । ଏହାପରେ ତୁରନ୍ତ କାରରେ ନିଆଁ ଲାଗିଯାଇଥିଲା । କାର୍ ଭିତରେ ଜଳି ଯାଉଥିବା ପାଟି ଶୁଣି ଆଖପାଖରେ ଥିବା ଲୋକେ ଦୌଡ଼ି ଆସି ନିଜ ପାରୁ ମୁତାବକ ନିଆଁ ଲିଭାଇବାକୁ ଚେଷ୍ଟା କରିଥିଲେ । କିନ୍ତୁ ସେମାନେ ଏଥିରେ ସଫଳ ହୋଇ ନଥିଲେ । ଏହା ପରେ ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ ।
ଏହି ଦୁର୍ଘଟଣାରେ ତିନି ଜଣ ଜଳିଯିବାର ଖବର ପାଇ ପୋଲିସ ଘଟଣା ସ୍ଥଳରେ ସଙ୍ଗେସଙ୍ଗେ ପହଁଞ୍ଚିଥିଲା । ପୋଲିସ କାରର କାଚ ଭାଙ୍ଗି ତିନି ମୃତ ଦେହକୁ ବାହାରକୁ ବାହାର କରିଥିଲା । ଏବଂ ଶବକୁ ବ୍ୟବଚ୍ଛେଦ ପାଇଁ ପଠାଇଥିଲା । ତେବେ ଏପର୍ଯ୍ୟନ୍ତ ଶବର ପରିଚୟ ମିଳିପାରି ନାହିଁ । କାରରେ ନିଆଲାଗି ଯିବାରୁ ଭିତରେ ଥିବା ଲୋକେ ବାହାରକୁ ବାହାରି ପାରି ନଥିଲେ । କାରଟି ପ୍ରାୟ ଏକ ଘଣ୍ଟା ଧରି ଜଳିଥିଲା ।
ପୋଲିସ ସୂଚନା ଦେଇଛି ଯେ ସମସ୍ତ ତିନି ଶବ ଭୟଙ୍କର ଭାବରେ ଜଳି ଯାଇଛି । ଏହି କାରଣରୁ ସେମାନଙ୍କର ପରିଚୟ ମିଳିପାରୁ ନାହିଁ । ଅଗ୍ନିକାଣ୍ଡରେ କାରରେ ଥିବା ସମସ୍ତ କାଗଜପତ୍ର ଜଳି ଯାଇଛି । ଏଭଳି ପରିସ୍ଥିତିରେ କାର୍ ନମ୍ବରୁ ହିଁ ମୃତକଙ୍କ ପରିଚୟ ମିଳିପାରିବ ବୋଲି ପୋଲିସ କହିଛି ।
