ରାତି ୧୦ରୁ ସକାଳ ୬ଟା ପର୍ଯ୍ୟନ୍ତ ବାଜିବନି ଲାଉଡସ୍ପିକର: ହାଇକୋର୍ଟଙ୍କ କଡ଼ା ନିର୍ଦ୍ଦେଶ
ନୂଆଦିଲ୍ଲୀ: ରାତି ୧୦ଟାରୁ ସକାଳ ୬ଟା ସମୟ ମଧ୍ୟରେ କେଉଁଠାରେ ବି ଲାଉଡସ୍ପିକର ବାଜିବା ନାହିଁ ବୋଲି ରାଜ୍ୟ ସରକାରଙ୍କୁ କଡ଼ା ନିର୍ଦ୍ଦେଶ ଦେଇଛନ୍ତି କର୍ଣ୍ଣାଟକ ସରକାର । ଏହି ନିୟମକୁ କଡାକଡି ଭାବେ ପାଳନ କରିବା ଉଚିତ୍, ଯାହାକୁ ସୁନିଶ୍ଚିତ କରିବାର ଦାୟିତ୍ୱ ନେବେ ରାଜ୍ୟ ସରକାର ।
ଧାର୍ମିକ ସ୍ଥାନ, ପବ୍ ଏବଂ ରେଷ୍ଟୁରାଣ୍ଟ ଇତ୍ୟାଦି ପାଇଁ ଏହି ନିୟମ ଲାଗୁ ହେବ ବୋଲି ହାଇକୋର୍ଟ କହିଛନ୍ତି । ପ୍ରଧାନ ବିଚାରପତି ରିତୁ ରାଜ ଅୱସ୍ତି ଏବଂ ଜଷ୍ଟିସ୍ ଅଶୋକ ଏସ୍ କିନାଗିଙ୍କ ଖଣ୍ଡପୀଠ କର୍ତ୍ତୃପକ୍ଷଙ୍କୁ ଏକ ଅଭିଯାନ ଚଳାଇବାକୁ ଏବଂ ଲାଉଡ ସ୍ପିକରର ଅପବ୍ୟବହାର ଉପରେ ପ୍ରତିବନ୍ଧକ ଲଗାଇବାକୁ ନିର୍ଦ୍ଦେଶ ଦେଇଛି ।
ଜନସାଧାରଣଙ୍କୁ ସମ୍ବୋଧିତ କରିବାର ସିଷ୍ଟମ କିମ୍ବା ସଙ୍ଗୀତର ଯନ୍ତ୍ରଗୁଡ଼ିକୁ ଅନାବଶ୍ୟକ ଭାବରେ ବ୍ୟବହାର କରାଯିବା ଉଚିତ ନୁହେଁ ବୋଲି କୋର୍ଟ କହିଛନ୍ତି । ହାଇକୋର୍ଟ କହିଛନ୍ତି ଯେ, ପ୍ରଶାସନ ଏଭଳି ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ଏବଂ ଏହି ବିଷୟରେ ୩ ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବା ଉଚିତ । ଆବଶ୍ୟକସ୍ଥଳରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି ବୋଲି କୋର୍ଟ କହିଛନ୍ତି । କୋର୍ଟ କହିଛନ୍ତି ଯେ, ‘ଲାଉଡ ସ୍ପିକର ଇତ୍ୟାଦିର ଅପବ୍ୟବହାର କରନ୍ତୁ ନାହିଁ । ରାତି ୧୦ଟାରୁ ସକାଳ ୬ ମଧ୍ୟରେ ସ୍ଥିରଠାରୁ ଅଧିକ ଡେସିବଲ୍ ଧ୍ୱନିରେ ଯନ୍ତ୍ର ବାଜିବା ଉଚିତ୍ ନୁହେଁ ।’
