ସୁପ୍ରିମକୋର୍ଟଙ୍କ ବଡ ନିଷ୍ପତ୍ତି: ମନି ଲଣ୍ଡରିଂ ଆକ୍ଟ ଅଧୀନରେ ଗିରଫ ଓ ସମ୍ପତି ଜବତ କରିବା ଇଡିର ଅଧିକାର
ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ର ଅଧିକାର ଏବଂ ତଥା ମନି ଲଣ୍ଡରିଂ ଆଇନକୁ ଚ୍ୟାଲେଞ୍ଜ କରୁଥିବା ଆବେଦନ ଉପରେ ସୁପ୍ରିମକୋର୍ଟ ଏକ ବଡ ନିଷ୍ପତ୍ତି ନେଇଛନ୍ତି। ଇଡିର ଗିରଫ କରିବାର ଅଧିକାର ରହିଛି ଏହା ମନମାନୀ ନୁହେଁ ବୋଲି କୋର୍ଟ କହିଛନ୍ତି। ମନି ଲଣ୍ଡରିଂ ଆକ୍ଟ (PMLA) ଅନୁଯାୟୀ ଗିରଫ ହେବାର ଅଧିକାରକୁ ସୁପ୍ରିମକୋର୍ଟ ସମର୍ଥନ କରିଛନ୍ତି। ମନି ଲଣ୍ଡରିଂ ଆକ୍ଟ (PMLA) ର ଅନେକ ବ୍ୟବସ୍ଥାର ସାମ୍ବିଧାନିକତାକୁ ଚ୍ୟାଲେଞ୍ଜ କରୁଥିବା ଆବେଦନ ଶୁଣାଣି ବେଳେ ସୁପ୍ରିମକୋର୍ଟ ଏହି ନିଷ୍ପତ୍ତି ଦେଇଛନ୍ତି।
ତେବେ ଆଇନରେ ଫାଇନାନ୍ସ ବିଲ୍ ମାଧ୍ୟମରେ ହୋଇଥିବା ପରିବର୍ତ୍ତନ ମାମଲାକୁ ୭ ଜଣ ବିଚାରପତିଙ୍କ ଏକ ବେଞ୍ଚକୁ କୋର୍ଟ ପଠାଇଛନ୍ତି। ଏହା ସହିତ କୋର୍ଟ କହିଛନ୍ତି ଯେଉଁ ସମୟରେ ଇଡି, SFIO, DRI ଅଧିକାରୀ ପୂର୍ବରୁ ରେକର୍ଡ କରାଯାଇଥିବା ବିବୃତ୍ତି ମଧ୍ୟ ବୈଧ ପ୍ରମାଣ ଅଟେ। ଏହା ସହିତ ବେଞ୍ଚ କହିଛନ୍ତି ଯେ ଅଭିଯୁକ୍ତଙ୍କୁ ECIR (ଅଭିଯୋଗର କପି) ଦେବା ଜରୁରୀ ନୁହେଁ। ଯେଉଁ ଅଭିଯୋଗରେ ତାଙ୍କୁ ଗିରଫ କରାଯାଉଛି ତାହା ଉପରେ ଅଭିଯୁକ୍ତଙ୍କୁ କହିବା ଉଚିତ୍। ଏହା ସହିତ ଜାମିନ ସର୍ତ୍ତକୁ କୋର୍ଟ ମଧ୍ୟ ସମର୍ଥନ କରିଛନ୍ତି।
ଗିରଫ, ଜାମିନ ପ୍ରଦାନ, PMLA ଅଧିନିୟମ ଅନୁଯାୟୀ ସମ୍ପତ୍ତି ଜବତ କରିବାର ଅଧିକାର CrPC ର ବାହାରେ। ସୁପ୍ରିମକୋର୍ଟରେ ଦାଖଲ ହୋଇଥିବା ପିଟିସନରେ PMLA ଅଧିନିୟମକୁ ଅସାମ୍ବିଧାନିକ ବୋଲି ବର୍ଣ୍ଣନା କରାଯାଇଥିଲା। ଏଥିସହ କୁହାଯାଇଥିଲା ଯେ କୌଣସି ଜଣାଶୁଣା ଅପରାଧର ଯାଞ୍ଚ ଏବଂ ବିଚାର ସମ୍ବନ୍ଧରେ ଏହାର CrPC ରେ ଦିଆଯାଇଥିବା ପ୍ରକ୍ରିୟା ପାଳନ କରାଯାଉ ନାହିଁ। କିନ୍ତୁ ଆଜି ସୁପ୍ରିମକୋର୍ଟ PMLA ଅଧିନିୟମ ଅନୁଯାୟୀ ଇଡିର ପ୍ରାଧିକରଣକୁ ସମର୍ଥନ କରିଛନ୍ତି।
ସୋମବାର ଲୋକସଭାରେ ଏକ ପ୍ରଶ୍ନର ଉତ୍ତରରେ କେନ୍ଦ୍ର ସରକାର କହିଛନ୍ତି ଯେ ୧୭ ବର୍ଷ ପୂର୍ବେ ଏହି ଆଇନ ଲାଗୁ ହେବା ପରଠାରୁ ଚଗଖଇ ଅଧୀନରେ ପଞ୍ଜୀକୃତ ହୋଇଥିବା ୫,୪୨୨ ମାମଲାରେ କେବଳ ୨୩ ଜଣଙ୍କୁ ଦୋଷୀ ସାବ୍ୟସ୍ତ କରାଯାଇଛି। ମାର୍ଚ୍ଚ ୩୧, ୨୦୨୨ ପର୍ଯ୍ୟନ୍ତ, ଚଗଖଇ ଅଧୀନରେ ପ୍ରାୟ ୧,୦୪,୭୦୨ କୋଟି ଟଙ୍କା ସମ୍ପତ୍ତି ସଂପୃକ୍ତ ଏବଂ ୯୯୨ ମାମଲାରେ ଚାର୍ଜସିଟ୍ ଦାଖଲ କରିଥିଲା ଯେଉଁଥିରେ ୮୬୯.୩୧ କୋଟି ଟଙ୍କା ଜବତ କରାଯାଇଥିଲା ଏବଂ ୨୩ ଅଭିଯୁକ୍ତ ଦୋଷୀ ସାବ୍ୟସ୍ତ ହୋଇଥିଲେ।
