ଭାରତକୁ ଭୁଲ ମାଗିଲେ ଏଲନ ମସ୍କ; ଦେଶରେ ଟ୍ୱିଟର ସେବାକୁ ନେଇ ଏପରି କହିଲେ ମସ୍କ…
ନୂଆଦିଲ୍ଲୀ: ଟ୍ୱିଟରର ମାଲିକ ଏଲନ୍ ମସ୍କ କମ୍ପାନୀର ଅଧିଗ୍ରହଣ ହାତକୁ ନେବା ପରେ ଗୋଟିଏ ପରେ ଗୋଟିଏ ନୂତନ ପଦକ୍ଷେପ ଗ୍ରହଣ କରୁଛନ୍ତି । ଯାହାକୁ ନେଇ ଟ୍ୱିଟରରେ କାମ କରୁଥିବା କର୍ମଚାରୀମାନଙ୍କ ଠାରୁ ଆରମ୍ଭ କରି ୟୁଜର୍ସମାନଙ୍କ ପର୍ଯ୍ୟନ୍ତ ସମସ୍ତଙ୍କ ଚିନ୍ତା ବଢିଛି । କାରଣ ଟ୍ୱିଟରେ ଥିବା ବ୍ଲୁ ଟିକ ପାଇଁ ୟୁଜର୍ସମାନଙ୍କୁ ଚାର୍ଜ ଦେବାକୁ ହେଉଥିବା ବେଳେ ସେଠାରେ କାମ କରୁଥିବା ଅନେକ କର୍ମଚାରୀଙ୍କୁ ମଧ୍ୟ ଚାକିରିରୁ ଛଟେଇ କରିଦିଆ ଯାଇଛି । ତେବେ ଏହିସବୁ ମଧ୍ୟରେ ମସ୍କଙ୍କ ଟ୍ୱିଟକୁ ନେଇ ଚର୍ଚ୍ଚା ଜୋର ଧରିଛି । ସେ ଭାରତ ସମେତ ଟ୍ୱିଟର ବ୍ୟବହାରକାରୀଙ୍କୁ କ୍ଷମା ମାଗିଥିବା ଜାଣା ପଡିଛି ।
ତେବେ ମିଳିଥିବା ସୂଚନା ଅନୁଯାୟୀ, ଏଲନ ମସ୍କ ଗତକାଲି ଜଣେ ଆପ୍ ଡେଭଲପରକୁ ଚାକିରିରୁ ବରଖାସ୍ତ କରଥିଲେ । । ଏହି ବରଖାସ୍ତ ସେ ଟ୍ୱିଟରରେ ହିଁ କରିଥିଲେ । ଏହାପରେ ସେ ଟ୍ୱିଟ କରି କହିଥିଲେ ଯେ ଭାରତ , ଇଣ୍ଡୋନେସିଆ ସମେତ ଆନ୍ୟାନ୍ୟ ଦେଶରେ ଟ୍ୱିଟର ମନ୍ଥର ଗତିରେ ଚାଲୁଛି । ତେବେ ଏହା କୌଣସି ଦାବି ନୁହେଁ ସତ୍ୟ ଅଟେ । ଏଥିସହିତ ସେ ଟ୍ୱିଟର ବ୍ୟବହାରକାରୀଙ୍କୁ ମଧ୍ୟ କ୍ଷମା ମିଗିଥିଲେ ।
ମସ୍କ ଏହା ମଧ୍ୟ କହିଥିଲେ ହୋମଲାଇନ ରିଫ୍ରେସ ହେବା ପାଇଁ ୧୦ ରୁ ୧୫ ସେକେଣ୍ଡ ସମୟ ଲାଗିଥାଏ । ବେଳେବେଳେ ଏହା ଆଣ୍ଡ୍ରଏଡ୍ ଫୋନରେ କାମ କରି ନଥାଏ । ଏହା ପରେ ମସ୍କ ଅନ୍ୟ ଏକ ଟ୍ୱିଟ୍ରେ କହିଛନ୍ତି ଯେ ଅନେକ ଦେଶରେ ଟ୍ୱିଟର ବହୁତ ମନ୍ଥର ହୋଇଥିବାରୁ ସେ କ୍ଷମା ମାଗୁଛନ୍ତି । ଯାହାକି ବର୍ତ୍ତମା ଚର୍ଚ୍ଚାର ବିଷୟ ପାଲଟିଛି ।
Twitter is very slow in India, Indonesia & many other countries. This is fact, not “claim”.
10 to 15 secs to refresh homeline tweets is common. Sometimes, it doesn’t work at all, especially on Android phones.
Only question is how much delay is due to bandwidth/latency/app.
— Elon Musk (@elonmusk) November 15, 2022
