(Video) ଅଟୋରେ ୫୦ ଜଣ ଯାତ୍ରୀ! ଏଇଟା କ’ଣ ବସ୍ ନା ଟ୍ରେନ୍, ଜୀବନକୁ ଏମାନଙ୍କର ଲୋଭ ନାହିଁ ବୋଧେ
ନୂଆଦିଲ୍ଲୀ: ଆମ ସମାଜରେ ଅନେକ ସମୟରେ କିଛି ଅଜବ ପ୍ରକାରର ଘଟଣା ସବୁ ଘଟିଥାଏ । ଏପରି କିଛି ଘଟଣା ଯାହାକି ବିପଦପୂର୍ଣ୍ଣ ହୋଇଥିଲେ ହେଁ ମଜାଦାର ବି ହୋଇଥାଏ । ତେବେ ନିକଟରେ ଏପରି ଏକ ଘଟଣା ସାମ୍ନାକୁ ଆସିଛି । ସାଧାରଣ ଭାବେ ଗ୍ରାମାଞ୍ଚଳରେ ଯାତାୟାତ କରୁଥିବା ଯାତ୍ରୀବାହୀ ବସଗୁଡ଼ିକରେ ପାସେଞ୍ଜର ଫୁଲ୍ ହୋଇଥାନ୍ତି । ମାତ୍ର ଯଦି ଗୋଟିଏ ଅଟୋରେ ପାଖାପାଖି ୫୦ ଜଣ ଯାତ୍ରୀ ଚଢ଼ିବେ ତେବେ ଏହାକୁ ଦେଖି ଆପଣ ଆଶ୍ଚର୍ଯ୍ୟ ହେବେ ନା ହସିବେ?
ମଧ୍ୟପ୍ରଦେଶର ଆଦିବାସୀ ବହୁଳ ଜିଲ୍ଲା ଅଲୀରାଜପୁରରୁ ଏଭଳି ଏକ ଭିଡିଓ ସାମ୍ନାକୁ ଆସିଛି । ଏକ ଅଟୋରେ ପାଖାପାଖି ୫୦ ଜଣ ଯାତ୍ରୀ ଚଢ଼ି ଯାଉଥିବା ଦେଖାଯାଉଛି । ଏହି ଭିଡିଓକୁ ଯିଏ ଦେଖୁଛି ହସିହସି ଗଡ଼ି ଯାଉଛି । ଯାତ୍ରୀମାନେ ପରିବା ବସ୍ତା ପରି ପରସ୍ପର ସହ ଜାକିଜୁକି ହୋଇ ଯାତ୍ରା କରୁଥିଲେ । ତେବେ ଏହି ଭିଡିଓ ଭାଇରାଲ ହେବା ପରେ ପୋଲିସ ଉକ୍ତ ଅଟୋକୁ ରେଜିଷ୍ଟ୍ରେସନ ନମ୍ବର ଆଧାରରେ ତଲାସୀ କରି ଜବତ କରିଥିଲା ।
ତେବେ ଜଣାପଡ଼ିଛି ଯେ, ଏକ ମେଳା ଦେଖି ସାରିବା ପରେ ସମସ୍ତ ଯାତ୍ରୀ ଜୋବଟଠାରୁ ନିଜ ଗ୍ରାମ ବିଲାସାକୁ ଯାତ୍ରା କରୁଥିଲେ । ଉକ୍ତ ଅଟୋରେ ଅନେକ ମହିଳା ଯାତ୍ରୀ ମଧ୍ୟ ରହିଥିଲେ । ସମସ୍ତ ଯାତ୍ରୀ ଅତ୍ୟନ୍ତ ବିପଜ୍ଜନକ ଭାବେ ଯାତ୍ରା କରୁଥିଲେ । ଏମିତି ଲାଗୁଥିଲା ସତେ ଯେମିତି ଜୀବନକୁ କାହାର ଭୟ ନାହିଁ । ଗ୍ରାମାଞ୍ଚଳମାନଙ୍କରେ ଗାଡ଼ିର ଅଭାବ କାରଣରୁ ଦୂରଦୂରାନ୍ତରୁ ଯିବାଆସିବା କରୁଥିବା ଲୋକମାନେ ଏହି ଅଟୋରେ ଯାତ୍ରା କରିବାକୁ ବାଧ୍ୟ ହୋଇଥାନ୍ତି । ତେବେ ଏହି ଅଟୋଟି ଅଲିରାଜପୁରର ମେଟ୍ରୋ ଟ୍ରେନ, ଓଲା, ଉବର ବୋଲି ଜଣେ ୟୁଜର ଏହି ଭିଡିଓକୁ ଟ୍ୱିଟରରେ ଶେୟାର କରିବା ଅବସରରେ ଲେଖିଛନ୍ତି ।
अलीराजपुर एक्सप्रेस !
मध्य प्रदेश के आदिवासी बहुल अलीराजपुर ज़िले की यही मैट्रो ट्रेन है और यही OLA, UBER। यहां ऑटो में लोग बैठाए नहीं ठूसे जाते है।
यह ज़िला देश के सबसे साफ़ शहर इंदौर से सिर्फ़ 200 किलोमीटर की दूरी पर है। pic.twitter.com/qTDq6WxUjo
— काश/if Kakvi (@KashifKakvi) December 6, 2022
