ଏକା ଥରେ ୧୦୦ ଲୋକଙ୍କୁ ମାରିପାରିବ ଏହି ବିଶାକ୍ତ ସାପ; କିଛି ସେକେଣ୍ଡରେ ହିଁ ଚାଲିଯାଏ ଜୀବନ
ନୂଆଦିଲ୍ଲୀ: ସାପ ଦୁନିଆର ସବୁଠାରୁ ଭୟଭୀତ ଜୀବମାନଙ୍କ ମଧ୍ୟରୁ ଅନ୍ୟତମ । ବିଭିନ୍ନ ଦେଶରେ ଅନେକ ପ୍ରଜାତିର ସାପ ଦେଖିବାକୁ ମିଳେ । କେତେକ ଅତ୍ୟଧିକ ବିଷାକ୍ତ ସାପ ରହିଛନ୍ତି, ଯେଉଁମାନଙ୍କ କାମୁଡ଼ାରେ କିଛି ଜୀବ କିଛି ସେକେଣ୍ଡରେ ହିଁ ମରିଯାଆନ୍ତି । ବିଷାକ୍ତ ସାପ ବେଳେବେଳେ ବଡ଼ ପଶୁମାନଙ୍କ ଅପେକ୍ଷା ଅଧିକ ମାରାତ୍ମକ ବୋଲି ପ୍ରମାଣିତ ହୋଇଥାନ୍ତି । ବିଶ୍ୱରେ ପ୍ରାୟ ୬୦୦ ପ୍ରଜାତିର ବିଷାକ୍ତ ସାପ ଦେଖିବାକୁ ମିଳିଛି । ଏହି ସାପ ମାନଙ୍କ ମଧ୍ୟରୁ ୨୦୦ ପ୍ରଜାତିର ସାପ ମଣିଷଙ୍କୁ କ୍ଷତି ପହଞ୍ଚାଇବାକୁ ଅଧିକ ସମୟ ନିଅନ୍ତି ନାହିଁ । ତେବେ ଇନଲ୍ୟାଣ୍ଡ ତାଇପାନ୍ ଦୁନିଆର ସବୁଠାରୁ ବିଷାକ୍ତ ବୋଲି କୁହାଯାଇଛି ।
ଏହି ସାପର ବୈଜ୍ଞାନିକ ନାମ କ’ଣ?
ଇନଲ୍ୟାଣ୍ଡ ତାଇପାନକୁ ବୈଜ୍ଞାନିକ ଭାଷାରେ ଅକ୍ସାଇରାନସ୍ ନିକ୍ରୋଲେପିଡୋଟସ୍ ନାମିତ କରାଯାଇଛି । କେବଳ ଏତିକି ନୁହେଁ ଏହାକୁ ‘ଭୟଙ୍କର ସାପ’ ମଧ୍ୟ କୁହାଯାଏ । ଏହି ସାପର ବିଷରେ ଟାଇପୋକ୍ସିନ୍, ମାଇକୋଟକ୍ସିନ, ନ୍ୟୁରୋଟକ୍ସିନ ଏବଂ ପ୍ରୋକୋଗୁଲାଣ୍ଟର ମିଶ୍ରଣ ରହିଥାଏ, ଯାହା ରକ୍ତବାହୀ ଏବଂ ମାଂସପେଶୀ ଟିସୁରେ ରକ୍ତସ୍ରାବ ସୃଷ୍ଟି କରିଥାଏ ଏବଂ ଶ୍ୱାସକ୍ରିୟାରେ ବାଧା ସୃଷ୍ଟି କରିଥାଏ । ଏହି ବିଷାକ୍ତ ସାପର ଗୋଟିଏ କାମୁଡ଼ାରେ ପ୍ରାୟ ୨.୫ ଲକ୍ଷ ମୂଷା ମରିପାରନ୍ତି ।
ଇନଲ୍ୟାଣ୍ଡ ତାଇପାନ୍ ମୁଖ୍ୟତଃ ଅଷ୍ଟ୍ରେଲିଆରେ ଦେଖାଯାଏ । ଏହାର ଏକ ଲମ୍ବା ଆକୃତିର ମୁଣ୍ଡ ରହିଛି । ଅଷ୍ଟ୍ରେଲିଆର ସଂଗ୍ରହାଳୟ ଅନୁଯାୟୀ, ଏହି ସାପଗୁଡ଼ିକ ଦିନର ଆରମ୍ଭ ସମୟରେ ଅଧିକ ସକ୍ରିୟ ରହିଥାନ୍ତି । ଇନଲ୍ୟାଣ୍ଡ ତାଇପାନ୍ ସାପ ଗଭୀର ମାଟି ଖାଲରେ ଦେଖିବାକୁ ମିଳିଥାଏ । ଏକ ଇନଲ୍ୟାଣ୍ଡ ତାଇପାନ କାମୁଡ଼ିବାର ଏକ ଘଣ୍ଟାରୁ କମ୍ ସମୟ ମଧ୍ୟରେ ମଣିଷ ମରିଯାଏ । ରସାୟନ ବିଜ୍ଞାନ ବିଦ୍ୟାଳୟ କହିଛି ଯେ ଏହି ସାପର ଗୋଟିଏ କାମୁଡ଼ାରେ ସର୍ବାଧିକ ବିଷ ୧୧୦ ଏମଜି ରହିଥାଏ । ଏହାର ଅର୍ଥ ହେଉଛି ଏହି ସାପ ଥରେ କାମୁଡ଼ିଲେ ୧୦୦ ରୁ ଅଧିକ ଲୋକ କିମ୍ବା ୨,୫୦,୦୦୦ ମୂଷା ମରିିବା ସହିତ ସମାନ ହେବ ।
