କେନ୍ଦ୍ର ସରକାରଙ୍କ ନୂଆବର୍ଷ ଭେଟି: ଆଜିଠାରୁ ‘ଏନ୍ଏଫ୍ଏସଏ’ ଅଧୀନରେ ବର୍ଷକ ପାଇଁ ମାଗଣା ମିଳିବ ଖାଦ୍ୟଶସ୍ୟ
ନୂଆଦିଲ୍ଲୀ: ଜାତୀୟ ଖାଦ୍ୟ ସୁରକ୍ଷା ଆଇନ୍ ଅନୁସାରେ କେନ୍ଦ୍ର ସରକାର ଆଜିଠାରୁ ଏକ ବର୍ଷ ପାଇଁ ମାଗଣା ଖାଦ୍ୟଶସ୍ୟ ଯୋଗାଇଦେବେ । ଗତ ସପ୍ତାହରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୈଠକରେ ଏହି ନିଷ୍ପତ୍ତି ନିଆଯାଇ ୨୦୨୩ବର୍ଷ ପାଇଁ ୮୧ କୋଟି ହିତାଧିକାରୀଙ୍କୁ ମାଗଣା ଖାଦ୍ୟଶସ୍ୟ ଯୋଗାଇଦେବାକୁ ସ୍ଥିର କରାଯାଇଥିଲା । ସରକାର ସାମାଜିକ ଏବଂ ଆଇନ୍ଗତ ପ୍ରତିବଦ୍ଧତା ଅନୁସାରେ ଦେଶର ସମସ୍ତ ନାଗରୀକଙ୍କୁ ଖାଦ୍ୟ ଓ ପୌଷ୍ଟିକ ସୁରକ୍ଷା ପ୍ରଦାନ କରିବାକୁ ଏଭଳି ନିଷ୍ପତ୍ତି ନେଇଥିବା ଉପଭୋକ୍ତା ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ସେହିପରି ଆଜିଠାରୁ ଏକକ ଖାଦ୍ୟ ସୁରକ୍ଷା ଯୋଜନା ଅଧୀନରେ ଜାତୀୟ ଖାଦ୍ୟ ସୁରକ୍ଷା ଆଇନ୍ (ଏନ୍.ଏଫ୍.ଏସ୍.ଏ.) ହିତାଧିକାରୀଙ୍କ ସମେତ ଅନ୍ତୋଦୟ ଅନ୍ନ ଯୋଜନା ଏବଂ ଅନ୍ୟାନ୍ୟ ଖାଦ୍ୟ ସୁରକ୍ଷା ଯୋଜନାର ହିତାଧିକାରୀମାନଙ୍କୁ ନିଶୁଳ୍କ ଖାଦ୍ୟଶସ୍ୟ ମିଳିବ । ସାରା ଦେଶରେ ଥିବା ୫ଲକ୍ଷରୁ ଅଧିକ ସୁଲଭ ଖାଦ୍ୟ ଭଣ୍ଡାର ମାଧ୍ୟମରେ ଏହି ଖାଦ୍ୟଶସ୍ୟ ଯୋଗାଇ ଦିଆଯିବ । ଏଥିପାଇଁ କେନ୍ଦ୍ର ସରକାର ବାର୍ଷିକ ୨ଲକ୍ଷ କୋଟି ଟଙ୍କା ରିହାତି ପ୍ରଦାନ କରିବେ । ଆମ ସମ୍ବାଦଦାତା ଜଣାଇଛନ୍ତି, ଏହି ନିଷ୍ପତ୍ତି ଦ୍ୱାରା ଜାତୀୟ ଖାଦ୍ୟ ସୁରକ୍ଷା ଆଇନ୍ ଅନୁସାରେ ଗରିବମାନଙ୍କ ନିକଟରେ ସୁଲଭ ଦରରେ ଖାଦ୍ୟଶସ୍ୟର ଉପଲବ୍ଧତା ଓ ସୁଗମତା ପ୍ରତିପାଦିତ ହେବ ।
Centre to roll out new integrated Food Security Scheme from today. As per the decision of Union Cabinet, the new Scheme will provide free food grains to over 81 crore beneficiaries under National Food Security Act (#NFSA) in 2023. pic.twitter.com/7BIu9jhQOB
— All India Radio News (@airnewsalerts) January 1, 2023
