ଗର୍ଭବତୀ ହେବା ପରେ ମହିଳାଙ୍କୁ ଚାକିରିରୁ ବାହାର କରିଦେଲା କମ୍ପାନୀ, ୧୫ ଲକ୍ଷ କ୍ଷତିପୂରଣ ଦେବାକୁ କହିଲେ କୋର୍ଟ

ନୂଆଦିଲ୍ଲୀ: ଗର୍ଭବତୀ ଥିବାରୁ ଚାକିରିରୁ ବାହାର କରିଦେଲେ, ଏବେ ୧୫ ଲକ୍ଷ ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଲେ କୋର୍ଟ। ଦି ଟେଲିଗ୍ରାଫର ଏକ ରିପୋର୍ଟ ଅନୁଯାୟୀ, ଏକ ଫାର୍ମର ପ୍ରଶାସନ ବିଭାଗରେ କାର୍ଯ୍ୟ କରୁଥିବା ଜଣେ ମହିଳା ତାଙ୍କ ଗର୍ଭବତୀ ବିଷୟରେ ତାଙ୍କ ମାଲିକଙ୍କୁ ସୂଚନା ଦେଇଥିଲେ। ଏହା ପରେ ମାଲିକ ତାଙ୍କୁ ତୁରନ୍ତ ବାହାର କରି ଦେଇଥିଲେ। ତେବେ ବରଖାସ୍ତ କରାଯିବା ପରେ ପ୍ରାୟ ୧୫ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରିଛି କମ୍ପାନୀ। ରିପୋର୍ଟରେ କୁହାଯାଇଛି ଯେ ୩୪ ବର୍ଷିୟ ଚାର୍ଲୋଟ୍ ଲିଚ୍ ଗର୍ଭବତୀ ଥିବାରୁ ଏସେକ୍ସ ଭିତ୍ତିକ ସୁରକ୍ଷା ବ୍ୟବସ୍ଥା ଯୋଗାଣକାରୀ ତାଙ୍କୁ ଚାକିରିରୁ ବାହାର କରିଦିଆଯାଇଥିଲା। ଏହି ଘଟଣା ପରେ ସେ ନିଜକୁ ଅପମାନିତ ଏବଂ ଖରାପ ଅନୁଭବ କରାଇଥିଲା ବୋଲି ଲିଚ୍ କହିଛନ୍ତି।

ଦି ମିରର୍ ଅନୁଯାୟୀ, ଲିଚ୍ ତାଙ୍କ ମ୍ୟାନେଜରଙ୍କୁ କହିଥିଲେ ଯେ, ଅତୀତରେ ତାଙ୍କର ଅନେକ ଗର୍ଭଧାରଣ ହୋଇଥିଲା ଏବଂ ସେ ତାଙ୍କ ଜନ୍ମିତ ସନ୍ତାନର ସ୍ୱାସ୍ଥ୍ୟ ପାଇଁ ଚିନ୍ତିତ ଥିଲେ। କିନ୍ତୁ ସାନ୍ତ୍ୱନା ବଦଳରେ ତାଙ୍କୁ ଚାକିରିରୁ ବରଖାସ୍ତ କରାଯାଇଥିଲା। ତାଙ୍କ ମାଲିକ ଦାବି କରିଛନ୍ତି ଯେ ଲିଚ୍ କୌଣସି ମାତୃତ୍ୱ ଛୁଟି ପାଇବାକୁ ଯୋଗ୍ୟ ନୁହଁନ୍ତି। କାରଣ ସେ ଏପର୍ଯ୍ୟନ୍ତ ତାଙ୍କର ନୂତନ କର୍ମଚାରୀ ଚୁକ୍ତି ସ୍ୱାକ୍ଷର କରିନାହାଁନ୍ତି। ବହିଷ୍କାର ହେବାର ସପ୍ତାହ ମଧ୍ୟରେ, ଲିଚ୍ ଆଉ ଏକ ଗର୍ଭପାତର ସାମ୍ନା କରିଥିଲେ।

ଟ୍ରିବ୍ୟୁନାଲକୁ କୁହାଯାଇଥିଲା ଯେ ଲିଚ୍ ମେ ମାସ ୨୦୨୧ ମସିହାରେ ବାର୍ଷିକ, ୨୦,୦୦୦ ଦରମା ସହିତ ପ୍ରଶାସନିକ ସହାୟକ ଭାବେ କାର୍ଯ୍ୟ ଆରମ୍ଭ କରିଥିଲେ। ତେବେ ଗର୍ଭଧାରଣ ସହ ଜଡିତ କାରଣରୁ ଚାକିରୀ ବାହାର କରାଯିବାରୁ ଟ୍ରିବ୍ୟୁନାଲ୍ ବର୍ତ୍ତମାନ ତାଙ୍କୁ ୧୪,୮୮୫ (୧୪,୮୬,୮୫୬ ଟଙ୍କା) କ୍ଷତିପୂରଣ ପ୍ରଦାନ କରିବାକୁ ନିର୍ଦେଶ ଦେଇଛନ୍ତି।