ଆଜି ଦ୍ୱିତୀୟ ଟି -୨୦: ସିରିଜ ହାତେଇବା ଲକ୍ଷ୍ୟରେ ପଡିଆକୁ ଓଲ୍ଲାଇବ ଭାରତ; ସଞ୍ଜୁ ସାମସନ୍ ଆଉଟ୍, ଫେରିପାରନ୍ତି ଆର୍ଶଦୀପ
ପୁଣେ: ଭାରତ ଏବଂ ଶ୍ରୀଲଙ୍କା ମଧ୍ୟରେ ଟି -୨୦ ମ୍ୟାଚ୍ ସିରିଜର ଦ୍ୱିତୀୟ ମ୍ୟାଚ୍ ଗୁରୁବାର ଅର୍ଥାତ ଆଜି ପୁଣେର ମହାରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଗୁରୁବାର ଖେଳାଯିବ। ପ୍ରଥମ ମ୍ୟାଚକୁ ଭାରତ ୨ରନରେ ଜିତିଥିବା ଆଜିର ମ୍ୟାଚ ଜିତି ସିରିଜ ହାତେଇବାକୁ ଚେଷ୍ଟା କରିବ। ତେବେ ଦ୍ୱିତୀୟ ଟି -୨୦ ପାଇଁ ଭାରତୀୟ ଏକାଦଶ ଖେଳୁଥିବା ଭାରତୀୟ ବିଷୟରେ ଆଲୋଚନା, ପରିବର୍ତ୍ତନ ହୋଇପାରେ। ଆଣ୍ଠୁରେ ଆଘାତ କାରଣରୁ ସଞ୍ଜୁ ସାମସନ ସିରିଜରୁ ବାଦ ପଡିଥିବାବେଳେ ଅସୁସ୍ଥତା କାରଣରୁ ପ୍ରଥମ ମ୍ୟାଚରେ ଅର୍ଶଦୀପଙ୍କୁ ବସିବାକୁ ପଡିଥିଲା। ଅର୍ଶଦୀପଙ୍କ ସ୍ୱାସ୍ଥ୍ୟ ଉପରେ ଏକ ଅପଡେଟ୍ ଅଛି ଯେ, ସେ ୨ୟ ଟି-୨୦ ପାଇଁ ଫିଟ୍ ଏବଂ ଖେଳିବା ପାଇଁ ଉପଲବ୍ଧ।
ପ୍ରଥମ ଟି -୨୦ ରେ ଫିଲ୍ଡିଂ କରୁଥିବା ବେଳେ ସଞ୍ଜୁ ସାମସନଙ୍କ ଆଣ୍ଠୁରେ ଆଘାତ ଲାଗିଥିଲା। ସଞ୍ଜୁ ପୁରା ମ୍ୟାଚ୍ ସମୟରେ ଫିଲ୍ଡିଂ କରିଥିଲେ, କିନ୍ତୁ ଖେଳ ଶେଷ ହେବା ପରେ ତାଙ୍କ ଆଣ୍ଠୁ ଫୁଲି ଯାଇଥିଲା। ଏହି ଆଘାତ ହେତୁ ସେ ଦଳ ସହ ପୁଣେ ଯାଇ ନଥିଲେ। ତାଙ୍କୁ ବିସିସିଆଇ ଡାକ୍ତରୀ ଦଳ ଚିକିତ୍ସା କରୁଛନ୍ତି ଏବଂ ତାଙ୍କୁ ବିଶ୍ରାମ ପାଇଁ ପରାମର୍ଶ ଦିଆଯାଇଛି। ସାମସନଙ୍କ ବଦଳ ଖେଳାଳି ଭାବେ ଦଳରେ ବିଦର୍ଭର ଜିତେଶ ଶର୍ମାଙ୍କୁ ଚୟନ କରାଯାଇଛି।
ପ୍ରଥମ ଟି -୨୦ ସମୟରେ ଅଧିନାୟକ ହାର୍ଦିକ କହିଥିଲେ ଯେ, ଅସୁସ୍ଥତା କାରଣରୁ ଏହି ବାମହାତୀ ବୋଲର ଚୟନ ପାଇଁ ଉପଲବ୍ଧ ନଥିଲେ, କିନ୍ତୁ ବର୍ତ୍ତମାନ ଖବର ପାଇଛି ଯେ ଆର୍ଶଦୀପ ଫିଟ୍ ଏବଂ ଦ୍ୱିତୀୟ ଟି -୨୦ ପାଇଁ ପ୍ରସ୍ତୁତ ଅଛନ୍ତି। ତେବେ ସବୁଠୁ ବଡ ପ୍ରଶ୍ନ ହେଉଛି ସଞ୍ଜୁ ସାମସନଙ୍କ ସ୍ଥାନରେ ଖେଳୁଥିବା ଏକାଦଶରେ କେଉଁ ଖେଳାଳି ସ୍ଥାନ ପାଇବେ। ଦଳରେ କେବଳ ଦୁଇଟି ବିକଳ୍ପ ରହିଛି ରିତୁରାଜ ଗାଇକୱାଡ, ୱାଶିଂଟନ୍ ସୁନ୍ଦର ଏବଂ ରାହୁଲ ତ୍ରିପାଠୀ।
ଏଭଳି ପରିସ୍ଥିତିରେ ରାହୁଲ ତ୍ରିପାଠୀ ଏବଂ ରିତୁରାଜ ଗାଇକୱାଡଙ୍କୁ ସୁଯୋଗ ମିଳିବାର ସମ୍ଭାବନା ଅଧିକ। ଯେହେତୁ ଦଳ ଅକ୍ଷର ପଟେଲ ଏବଂ ୟୁଜଭେନ୍ଦ୍ର ଚହଲଙ୍କ ରୂପରେ ଦୁଇଟି ସ୍ପିନରଙ୍କୁ ଅନ୍ତର୍ଭୁକ୍ତ କରିଥିବାରୁ ସୁନ୍ଦରଙ୍କ ଦଳରେ ସାମିଲ କରିବା କଷ୍ଟସାଧ୍ୟ ଅଟେ। ଅନ୍ୟପକ୍ଷରେ ଅର୍ଶଦୀପ ସିଂଙ୍କ ପ୍ରତ୍ୟାବର୍ତ୍ତନ ଗତ ମ୍ୟାଚରେ ଖରାପ ପ୍ରଦର୍ଶନ କରିଥିବା ହର୍ଷଲ ପଟେଲଙ୍କ ପତ୍ତା କଟିପାରେ।