ପିଏମ୍ ମୋଦୀଙ୍କ ଉପରେ ଆଧାରିତ BBC ଡକ୍ୟୁମେଣ୍ଟାରୀକୁ ସେୟାର କରୁଥିବା ଟ୍ୱିଟ୍ ଓ ୟୁଟ୍ୟୁବ ଭିଡିଓକୁ ବ୍ଲକ୍ କରୁଛି କେନ୍ଦ: ସୂତ୍ର
ନୂଆଦିଲ୍ଲୀ: ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ ବିବିସି ଡକ୍ୟୁମେଣ୍ଟାରୀ “India: The Modi Question” ର ପ୍ରଥମ ଏପିସୋଡକୁ ସେୟାର କରୁଥିବା ଅନେକ ୟୁଟ୍ୟୁବ୍ ଭିଡିଓକୁ ବ୍ଲକ କରିଦିଆଯାଇଛି । ନ୍ୟୁଜ୍ ଏଜେନ୍ସି ଏଏନଆଇ ଶନିବାର ସୂତ୍ରରୁ ଏହି ସୂଚନା ମିଳିଛି । ୟୁଟ୍ୟୁବ୍ ଭିଡିଓ ସହିତ, କେନ୍ଦ୍ର ୟୁଟ୍ୟୁବ୍ ଭିଡିଓଗୁଡିକର ଲିଙ୍କ୍ ଥିବା ୫୦ ରୁ ଅଧିକ ଟ୍ୱିଟକୁ ବ୍ଲକ୍ କରିବାକୁ ଟ୍ୱିଟରକୁ ନିର୍ଦ୍ଦେଶ ଦେଇଛି ।
ଆଇଟି ନିୟମ ୨୦୨୧ ଅନୁଯାୟୀ, ଜରୁରୀକାଳୀନ ଶକ୍ତି ବ୍ୟବହାର କରି ଶୁକ୍ରବାର ଦିନ ସଚିବ, ସୂଚନା ଏବଂ ପ୍ରସାରଣ ଦ୍ୱାରା ନିର୍ଦ୍ଦେଶନାମା ଜାରି ହେବା ପରେ ଉଭୟ ୟୁଟ୍ୟୁବ୍ ଏବଂ ଟ୍ୱିଟର ସହ ସରକାର ମୁହାଁମୁହିଁ ହୋଇଥିଲେ । ୨୦୦୨ ଗୁଜୁରାଟ ଦଙ୍ଗା ସମୟରେ ଗୁଜୁରାଟର ମୁଖ୍ୟମନ୍ତ୍ରୀ ଥିବା ବିଏମ ମୋଦୀଙ୍କ କାର୍ଯ୍ୟକାଳ ଉପରେ ଆକ୍ରମଣ କରି ବିବିସି ଦୁଇ ଭାଗ ବିଶିଷ୍ଟ ଧାରାବାହିକ ପ୍ରସାରଣ କରିଥିଲା । ଡକ୍ୟୁମେଣ୍ଟାରୀକୁ ନେଇ ଲୋକମାନେ ଅସନ୍ତୋଷ ବ୍ୟକ୍ତ କରିଥିଲେ । ଏହାକୁ ସିଲେକ୍ଟ ପ୍ଲାଟଫର୍ମରୁ ହଟାଇଦିଆଯାଇଥିଲା ।
ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବିସିସିଆଇର ଡକ୍ୟୁମେଣ୍ଟାରୀକୁ ନେଇ ଉଠିଥିବା ବିବାଦ ମଧ୍ୟରେ ଗୁରୁବାର ଦିନ ଏହାକୁ ‘ଦୁଃପ୍ରଚାରର ଏକ ଅଂଶ’ ବୋଲି କହି ଖାରଜ କରିଛି ଭାରତ । ଏଥିରେ ପକ୍ଷପାତିତା, ଔପନିବେଶିକ ମାନସିକତା ଦର୍ଶାଉଛି ବୋଲି ଦର୍ଶାଯାଇଛି । ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ, ଏହା ଏକ ଭୁଲ କାହାଣୀକୁ ଆଗକୁ ପ୍ରଚାର କରିବାର ଏକ ଅଂଶ ।
