ଏହିଦିନ ନଖ କାଟିବା ଶୁଭ ହୋଇଥାଏ, ଅଚାନକ ମିଳିବ ଟଙ୍କା ଏବଂ ସଫଳତା!
ନଖ ଗୁଡ଼ିକ ସାଧାରଣତଃ ମୃତ ସ୍ନାୟୁକୋଷ ଅଟେ, କିନ୍ତୁ ହାତ, ପାଦକୁ ଏହା ଅଧିକ ସୁନ୍ଦର କରିଥାଏ । ବେଳେବେଳେ ଏହି ନଖକୁ କାଟିବା ଏବଂ ସଫା କରିବାକୁ ପଡ଼ିଥାଏ । ତେବେ ଧର୍ମଶାସ୍ତ୍ରରେ ଏହି ନଖ କାଟିବାକୁ ନେଇ ଅନେକ ବିଧି ରହିଛି । କେଉଁଦିନ ନଖ କାଟିବା ଶୁଭ ତାହା ଲୋକ ମାନଙ୍କ ମନରେ ପ୍ରଶ୍ନବାଚୀ ହୋଇଥାଏ । ଜ୍ୟେତିଷଶାସ୍ତ୍ର ଅନୁସାରେ, ସୂର୍ଯ୍ୟାସ୍ତ ପରେ କେବେ ବି ନଖ କାଟିବା ଉଚିତ ନୁହେଁ । ଏହା କଲେ ମା ଲକ୍ଷ୍ମୀ ରାଗି ଯାଆନ୍ତି । ସେହିପରି ସପ୍ତାହର ଭିନ୍ନ ଭିନ୍ନ ଦିନରେ ନଖ କାଟିଲେ ଅଲଗା ଅଲଗା ଫଳପ୍ରାପ୍ତି ଘଟିଥାଏ ।
ସୋମବାର: ସୋମବାରର ସମ୍ବନ୍ଧ ଭଗବାନ ଶିବଙ୍କ ସହ ହୋଇଥାଏ । ସୋମବାର ନଖ କାଟିବା ଦ୍ୱାରା ଅସତ୍ୟ ଗୁଣ ଦୂର ହୋଇଯାଏ ବା ଅହଂକାରରୁ ମୁକ୍ତି ମିଳିଥାଏ ।
ମଙ୍ଗଳବାର: ହନୁମାନଙ୍କ ବାର ହେଉଛି ମଙ୍ଗଳବାର, ସେଥିପାଇଁ ଏହି ଦିନ ନଖ କିମ୍ବା ଚୁଟି କାଟିବା ନିଷେଧ ଅଟେ । କିନ୍ତୁ ଏହି ଦିନ ଯଦି ନଖ କଟାଯାଏ ତେବେ କରଜରୁ ମୁକ୍ତି ମିଳିଥାଏ ।
ବୁଧବାର: ବୁଧବାରଦିନ ନଖ କାଟିଲେ ଧନ ଲାଭ ହୋଇଥାଏ । ଏହା ବ୍ୟତୀତ କ୍ୟାରିୟରରେ ବୁଦ୍ଧିମତା ଜରିଆରେ ଟଙ୍କା କମାଇବାର ଯୋଗ ହୋଇଥାଏ ।
ଗୁରୁବାର: ଗୁରୁବାର ଦିନ ବୃହସ୍ପତିଙ୍କ ବାର ହୋଇଥାଏ । ଏହିଦିନ ନଖ କାଟିବା ବାରଣ କରାଯାଇଥାଏ । ଗୁରୁବାର ମା ଲକ୍ଷ୍ମୀଙ୍କ ବାର ମଧ୍ୟ ହୋଇଥାଏ ସେଥିପାଇଁ ନଖ କିମ୍ବା ଚୁଟି କାଟିବା ଅଶୁଭ ଅଟେ ।
ଶୁକ୍ରବାର- ଶୁକ୍ରବାର ଶୁକ୍ର ଗ୍ରହ ପାଇଁ ଉତ୍ସର୍ଗୀକୃତ ଏବଂ ଏହା ପ୍ରେମ, ଧନ ଏବଂ ବିଳାସ ସହିତ ଜଡିତ । ନଖ କାଟିବା ପାଇଁ ଶୁକ୍ରବାର ମଧ୍ୟ ଏକ ଭଲ ଦିନ ବୋଲି ବିବେଚନା କରାଯାଏ । ଏହା କରିବା ଦ୍ୱାରା ଜୀବନରେ ସମ୍ପର୍କକୁ ମଜବୁତ ହୋଇଥାଏ ।
ଶନିବାର- ଶନିବାର ଦିନ ନଖ କାଟିବା ଉଚିତ୍ ନୁହେଁ । ଏହା ଶନିଙ୍କ ରାଶିଫଳରେ ଦୁର୍ବଳ କରିଥାଏ । ଏହା ସହିତ, ଅନେକ ପ୍ରକାରର ମାନସିକ ଏବଂ ଶାରୀରିକ ସମସ୍ୟା ରହିଛି ଏବଂ ଟଙ୍କା ନଷ୍ଟ ହୋଇଥାଏ ।
ରବିବାର- ଛୁଟିଦିନ ହୋଇଥିବାରୁ ଲୋକମାନେ ରବିବାର ଦିନ ନଖ ଓ କେଶ କାଟିବା କାମ କରନ୍ତି, କିନ୍ତୁ ଏହା କରିବା ଉଚିତ୍ ନୁହେଁ । ଏହା କରିବା ଦ୍ୱାରା ଆତ୍ମବିଶ୍ୱାସକୁ ହ୍ରାସ କରେ ।
