ଗୋଟିଏ ପରେ ଦ୍ୱିତୀୟ ସ୍ତନକୁ ବ୍ୟାପିପାରେ କ୍ୟାନ୍ସର: ବର୍ତ୍ତିବା ପାଇଁ ଆପଣାନ୍ତୁ ଏହି ଉପାୟ
ସାରା ବିଶ୍ୱରେ ପ୍ରତିବର୍ଷ ସ୍ତନ କର୍କଟ ମାମଲା ବଢ଼ିବାରେ ଲାଗିଛି । ଏହି କାରଣରୁ ମୃତ୍ୟୁ ସଂଖ୍ୟା ମଧ୍ୟ ବଢ଼ିଯାଉଛି । ମହିଳାମାନଙ୍କ କ୍ଷେତ୍ରରେ ଏହା ସବୁଠାରୁ ସାଧାରଣ କ୍ୟାନ୍ସର । ବର୍ତ୍ତମାନ ସ୍ତନ କର୍କଟ ବିଷୟରେ ଆଉ ଏକ ସୂଚନା ସାମ୍ନାକୁ ଆସିଛି । ମେୟୋ କ୍ଲିନିକ୍ କମ୍ପେରେସିଭ୍ କ୍ୟାନ୍ସର୍ ସେଣ୍ଟର ଦ୍ୱାରା ପରିଚାଳିତ ଏକ ଅଧ୍ୟୟନ ଅନୁଯାୟୀ, ଯେଉଁ ମହିଳାଙ୍କ ଗୋଟିଏ ସ୍ତନରେ କ୍ୟାନ୍ସର ହୋଇଥାଏ, ସେମାନଙ୍କ ଦ୍ୱିତୀୟ ସ୍ତନରେ କ୍ୟାନ୍ସର ହେବାର ଅଧିକ ସମ୍ଭାବନା ଥାଏ ।
ଯେତେବେଳେ ମହିଳାମାନଙ୍କଠାରେ ଜେନେଟିକ୍ ପରିବର୍ତ୍ତନ ଆସେ, ସେତେବେଳେ ଏହା ହୁଏ । ଯେଉଁଥିପାଇଁ ଦ୍ୱିତୀୟ ସ୍ତନରେ ମଧ୍ୟ କର୍କଟ ବ୍ୟାପିବାର ଆଶଙ୍କା ଥାଏ । ଏହି ଗବେଷଣା ଜର୍ଣ୍ଣାଲ୍ ଅଫ୍ କ୍ଲିନିକାଲ୍ ଅଙ୍କୋଲୋଜିରେ ପ୍ରକାଶିତ ହୋଇଛି । ଅଧ୍ୟୟନର ଲେଖକମାନଙ୍କ ଅନୁଯାୟୀ, ଏହି ଅନୁସନ୍ଧାନ ସ୍ତନ କର୍କଟ ରୋଗର ସ୍କ୍ରିନିଂ ଏବଂ ଚିକିତ୍ସାରେ ସାହାଯ୍ୟ କରିବ ।
ଏହି ଅନୁସନ୍ଧାନରେ ୧୫,୧୦୪ ମହିଳାଙ୍କ ତଥ୍ୟ ବ୍ୟବହୃତ ହୋଇଥିଲା । ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ, ଯେଉଁ ମହିଳାମାନଙ୍କର ବିଆରସିଏ୧, ବିଆରସିଏ ୨ କିମ୍ବା ସିଏଚଇକେ୨ ମ୍ୟୁଟେସନ୍ ହୋଇଥାଏ, ଉଭୟ ସ୍ତନରେ କର୍କଟ ହେବାର ଆଶଙ୍କା ଅତି କମରେ ଦୁଇଗୁଣ ବଢ଼ିଯାଏ, ଯାହାକୁ କଣ୍ଟ୍ରାଲୋରେଟାଲ୍ ସ୍ତନ କର୍କଟ କୁହାଯାଏ । ବିଆରସିଏ ୧ ରେ କର୍କଟ ଏବଂ ଅନ୍ୟାନ୍ୟ ପ୍ରକାର ଜେନେଟିକ୍ସ ମାଧ୍ୟମରେ ମିଳିଥାଏ । ଅର୍ଥାତ୍ ଏହା ଏକ ପିଢ଼ିରୁ ଅନ୍ୟ ପିଢ଼ିକୁ ବ୍ୟାପିଥାଏ ।
ଏହିପରି ମହିଳାମାନଙ୍କଠାରେ କର୍କଟ ରୋଗର ଗୋଟିଏ ସ୍ତନରୁ ଅନ୍ୟ ସ୍ତରକୁ ବ୍ୟାପିବାର ସମ୍ଭାବନା ଥାଏ । ସେଥିପାଇଁ ଯେଉଁ ମହିଳାମାନଙ୍କର ମା ସ୍ତନ କର୍କଟ ରୋଗରେ ଆକ୍ରାନ୍ତ, ସେମାନେ ୨୫ ବର୍ଷ ବୟସ ପରେ ନିଜକୁ ସ୍କ୍ରିନିଂ କରିବା ଆବଶ୍ୟକ । ଯଦି ସ୍ତନରେ ଫୁଲା, ଟାଣ ହେବା, ଡିସଚାର୍ଜ ଭଳି କୌଣସି ଅସୁବିଧା ଅଛି, ତେବେ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।
ସ୍ତନ କର୍କଟକୁ କିପରି ରୋକାଯାଇପାରିବ :-
-ନିଜ ଛୁଆକୁ ସ୍ତନ୍ୟପାନ କରାନ୍ତୁ ।
– ୩୦ ରୁ ୩୫ ବର୍ଷ ବୟସରେ ଗର୍ଭନିରୋଧକ ବଟିକା ଖାଇବା ଠାରୁ ଦୂରେଇ ରୁହନ୍ତୁ ।
– ପ୍ରତିଦିନ ବ୍ୟାୟାମ କରନ୍ତୁ ।
– ମଦ ପିଅ ନାହିଁ ଏବଂ ଧୂମପାନ କର ନାହିଁ ।
– ପ୍ରତିଦିନ ବ୍ୟାୟାମ କରନ୍ତୁ ।
