(Video) ରାତି ୩ଟାରେ ଚାଲିଥିଲା ମେଳା, ଏକତ୍ର ହୋଇଥିଲେ ୧୫ ହଜାର ଲୋକ, ହଠାତ୍ ଗହଳି ଭିତରକୁ ପଶିଗଲା ଏକ ଷଣ୍ଢ
ନୂଆଦିଲ୍ଳୀ: ଅନେକ ସମୟରେ କିଛି ମେଳା, ମହୋତ୍ସବ ଭଳି ସାର୍ବଜନିକ କାର୍ଯ୍ୟକ୍ରମ ସମୟରେ କିଛି ଅଘଟଣ ଘଟିଥାଏ । ତେବେ ନିକଟରେ ଏଭଳି ଏକ ଭୟଙ୍କର ଦୃଶ୍ୟ ସାମ୍ନାକୁ ଆସିଛି । ମେଳାରେ ହଜାର ହଜାର ଲୋକ ରୁଣ୍ଡ ହୋଇଥିବା ବେଳେ ଏହି ସମୟରେ ହଠାତ୍ ଭିଡ଼ ଭିତରକୁ ଏକ ଷଣ୍ଢ ପଶିଯାଇଥିଲା । ଷଣ୍ଢଟି ଗୋଟିଏ ମୁଣ୍ଡରୁ ଆର ମୁଣ୍ଡକୁ ଦୌଡ଼ିବାରେ ଲାଗିଥିଲା ।
ସୂଚନା ମୁତାବକ, ମହାରାଷ୍ଟ୍ରରେ ଖ୍ୱାଜା ଶାମସୁଦ୍ଦିନ ଗାଜିଙ୍କର ଉର୍ସ ମେଳା ଚାଲିଥିବା ସମୟରେ ଏହି ଅଘଟଣ ଦେଖିବାକୁ ମିଳିଥିଲା । ମହାରାଷ୍ଟ୍ରର ଧରାଶିବ ଜିଲ୍ଲାରେ ଘଟିଥିବା ଏହି ଘଟଣାରେ ୧୪ ଜଣ ଲୋକ ଆହତ ହୋଇଛନ୍ତି । ରାତି ପାଖାପାଖି ୩ଟା ସମୟରେ ଏହି ଘଟଣା ଘଟିଥିଲା । ଏହି ମେଳାରେ ପାଖାପାଖି ୧୫ ହଜାର ଲୋକ ଯୋଗ ଦେଇଥିଲେ ।
ତେବେ ୨୮ ସେକେଣ୍ଡ ବିଶିଷ୍ଟ ଏହି ଭିଡିଓରେ ଷଣ୍ଢଟି ଭିଡ଼ ଭିତରକୁ ହଠାତ୍ ପଶିଯାଇ ଗୋଟିଏ ମୁଣ୍ଡରୁ ଆର ମୁଣ୍ଡକୁ ଦୌଡ଼ିବାରେ ଲାଗିଥିଲା । କେହି କିଛି ବୁଝିବା ପୂର୍ବରୁ ଷଣ୍ଢଟି ଯାହାକୁ ପାଇଲା ତାକୁ ଦଳି ଚାଲିଥିଲା । ଏହି ଘଟଣାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଷଣ୍ଢକୁ ନେଇ ମେଳାରେ ସତେ ଯେମିତି ଭୂକମ୍ପ ସୃଷ୍ଟି ହୋଇଯାଇଥିଲା ।
महाराष्ट्र के उस्मानाबाद में ख्वाजा शमशुद्दीन गाजी के उर्स मेले में घुसा सांड..बुधवार देर रात उर्स मेले में सांड घुसने से लोगो मे अफरा-तफरी मची..सांड के हमले में करीब 14 लोग हुए घायल..उर्स मेले करीब 15 हजार लोग हुए थे शामिल @indiatvnews @CMOMaharashtra pic.twitter.com/bijblU9OtT
— Atul singh (@atuljmd123) February 9, 2023
