ପ୍ରଚଣ୍ଡ ଶବ୍ଦ ପରେ ବିସ୍ଫୋରଣ, ୧୭ ମୃତ୍ୟୁ ୧୦୦ରୁ ଅଧିକ ଲୋକ ଆହତ; ଚାଲିଛି ଉଦ୍ଧାର କାର୍ଯ୍ୟ
ଢାକା: ମଙ୍ଗଳବାର ଦିନ ବାଂଲାଦେଶର ରାଜଧାନୀ ଢାକାରେ ଥିବା ଏକ ସାତ ମହଲା କୋଠା ବିସ୍ଫୋରଣ ଘଟିଛି । ଏହି ଦୁର୍ଘଟଣାରେ ଦୁଇ ମହିଳାଙ୍କ ସମେତ ୧୭ ଜଣଙ୍କର ମୃତ୍ୟୁ ଘଟିଥିବା ବେଳେ ୧୦୦ ରୁ ଅଧିକ ଲୋକ ଆହତ ହୋଇଛନ୍ତି। ଏହି ଘଟଣା ସମ୍ପର୍କରେ ପୋଲିସ ସୂଚନା ଦେଇଛି। ଅଗ୍ନିଶମ ସେବା ଘଟଣାସ୍ଥଳରେ ପହଂଚି ଥିଲେ । ବିସ୍ଫୋରଣର କାରଣ ଏପର୍ଯ୍ୟନ୍ତ ଜଣା ପଡିନାହିଁ। ଖବର ଅନୁଯାୟୀ ଏହି ବିସ୍ଫୋରଣରେ ଅତି କମରେ ୧୦୦ ରୁ ଅଧିକ ଲୋକ ଆହତ ହୋଇଛନ୍ତି।
ଖବର ଅନୁଯାୟୀ, ବିଲଡିଂର ତଳ ମହଲାରେ ଅନେକ ଲୋକ ଫସି ରହିଥିବାର ଭୟ ଥିବାରୁ ମୃତ୍ୟୁ ସଂଖ୍ୟା ବଢିପାରେ ବୋଲି ଆଶା କରାଯାଉଛି । ବିସ୍ଫୋରଣ ସ୍ଥାନ ନିକଟରେ ଥିବା ଆଲାମଗିର କହିଛନ୍ତି, “ପ୍ରଚଣ୍ଡ ଶବ୍ଦ ପରେ ଲୋକମାନେ ଶୀଘ୍ର ବିଲ୍ଡିଂରୁ ବାହାରକୁ ଆସିବା ଆରମ୍ଭ କଲେ। ସମସ୍ତେ ଭୟଭୀତ ମନେ ହେଉଥିଲେ।
ପୋଲିସର ସୂଚନାନୁସାରେ ଆହତମାନଙ୍କୁ ଢାକା ମେଡିକାଲ କଲେଜ ଡାକ୍ତରଖାନାକୁ ନିଆଯାଇଛି। ସମସ୍ତେ ଡାକ୍ତରଖାନାର ଜରୁରୀକାଳୀନ ୟୁନିଟରେ ଚିକିତ୍ସିତ ହେଉଛନ୍ତି। ବିଲ୍ଡିଂର ତଳ ମହଲାରେ ସାନିଟାରୀ ଉତ୍ପାଦ ପାଇଁ ଅନେକ ଷ୍ଟୋର ଅଛି ଏବଂ ସଂଲଗ୍ନ ବିଲଡିଂରେ BRAC ବ୍ୟାଙ୍କର ଏକ ଶାଖା ଅଛି। ବିସ୍ଫୋରଣ ହେତୁ ବ୍ୟାଙ୍କ ବିଲ୍ଡିଂର କାଚ କାନ୍ଥ ଭାଙ୍ଗି ଯାଇଛି। ରାସ୍ତାର ଅପର ପାର୍ଶ୍ୱରେ ପାର୍କିଂ ହୋଇଥିବା ବସ୍ ମଧ୍ୟ ବିସ୍ଫୋରଣରେ କ୍ଷତିଗ୍ରସ୍ତ ହୋଇଛି।