WTC ଫାଇନାଲ ମ୍ୟାଚ ଖେଳିବେନି ରାହୁଲ: ବିକଳ୍ପ ଖୋଜୁଛି ବିସିସିଆଇ
ନୂଆଦିଲ୍ଲୀ: ଜୁନ୍ ୭ରେ ଅଷ୍ଟ୍ରେଲିଆ ବିପକ୍ଷରେ ବିଶ୍ବ ଟେଷ୍ଟ ଚମ୍ପିଆନସିପର ଫାଇନାଲ ମ୍ୟାଚ ଖେଳିବ ଟିମ ଇଣ୍ଡିଆ । କିନ୍ତୁ ଏହାର ଠିକ ପୂର୍ବରୁ ଭାରତୀୟ ଦଳକୁ ଲାଗିଛି ଏକ ଶକ୍ତ ଝଟକା । ଦଳର ଷ୍ଟାର ପ୍ଲେୟର କେ.ଏଲ ରାହୁଲ ଏହି ମ୍ୟାଚରୁ ବାଦ୍ ପଡିଛନ୍ତି । ସୋସିଆଲ ମିଡିଆରେ ଏକ ପୋଷ୍ଟ କରି ସେ ନିଜେ ଏ ନେଇ ସୂଚନା ଦେଇଛନ୍ତି । ପୂର୍ବରୁ ୟର୍କର କିଙ୍ଗ ଜଶପ୍ରୀତ ବୁମରାହ ଏବଂ ୱିକେଟ କିପର ଋଷଭ ପନ୍ତ ମଧ୍ୟ ଆହତ ଯୋଗୁଁ ଏହି ମ୍ୟାଚ ପାଇଁ ଉପଲବ୍ଧ ନାହାନ୍ତି । ବର୍ତ୍ତମାନ ବିସିସିଆଇ ରାହୁଲଙ୍କ ବିକଳ୍ପ ଖୋଜିବା ଆରମ୍ଭ କରିଛି ।
ଆଇପିଏଲରେ ବାଙ୍ଗାଲୋର ବିପକ୍ଷ ମ୍ୟାଚରେ ଫିଲ୍ଡିଂ କରୁଥିବା ବେଳେ ଆହତ ହୋଇଥିଲେ କେ.ଏଲ ରାହୁଲ । ପରେ ସେ ବ୍ୟାଟିଂ କରିବାକୁ ଆସିଥିଲେ ବି ଯନ୍ତ୍ରଣା ଅନୁଭବ କରୁଥିଲେ । ଏହାପରେ ସେ ଆଇପିଏଲ-୨୦୨୩ରୁ ଓହରି ଯାଇଥିଲେ । ବର୍ତ୍ତମାନ ଆସନ୍ତା ବିଶ୍ୱ ଟେଷ୍ଟ ଚମ୍ପିଆନସିପ ଫାଇନାଲରୁ ମଧ୍ୟ ସେ ବାଦ୍ ପଡିଥିବା ନେଇ ସ୍ପଷ୍ଟ କରିଛନ୍ତି କେ.ଏଲ ରାହୁଲ । ଇନଷ୍ଟାଗ୍ରାମରେ ଏକ ଷ୍ଟୋରୀ ଅପଲୋଡ କରି ଏ ନେଇ ସେ ସୂଚନା ଦେଇଛନ୍ତି । ଆହତ ସମସ୍ୟା ଗମ୍ଭୀର ଥିବାରୁ ଡାକ୍ତରୀ ଟିମ୍ ତାଙ୍କୁ ଡାହାଣ ଜଙ୍ଘର ସର୍ଜରୀ କରିବା ପାଇଁ ପରାମର୍ଶ ଦେଇଛନ୍ତି । ତେବେ ଏହି ସର୍ଜରୀ ଯୋଗୁଁ ଆଗାମୀ କିଛି ଦିନ କ୍ରିକେଟରୁ ଦୂରେଇ ରହିବେ କେ.ଏଲ ରାହୁଲ । ତେବେ ସମ୍ପୂର୍ଣ୍ଣ ସୁସ୍ଥ ହେବା ପରେ ସେ ପୁଣିଥରେ ଦଳକୁ କମବ୍ୟାକ କରିପାରିବେ ।
#KLRahul #klrahulinjured #RCBVSLSG #LSGvsRCB pic.twitter.com/6EfIne35CH
— Shribabu Gupta (@ShribabuG) May 1, 2023
ତେବେ ଏହି ପୋଷ୍ଟରେ ରାହୁଲ ଲେଖିଛନ୍ତି ଯେ, ଆଗାମୀ ମାସ(ଜୁନ୍ ୭)ରେ ଟିମ ଇଣ୍ଡିଆ ସହ ନ ରହିବା ମୋ ପାଇଁ ନିରାଶଜନକ ଘଟଣା । କିନ୍ତୁ ମୁଁ ବ୍ଲୁ ଜର୍ସିରେ ଫେରିବା ପାଇଁ ଏବଂ ଟିମର ସହଯୋଗ କରିବା ପାଇଁ ସବୁକିଛି କରିବାକୁ ପ୍ରସ୍ତୁତ । ଏହା ମୋର ପ୍ରାଥମିକତା ହେବ ଏବଂ ଏଥିପ୍ରତି ସମ୍ପୂର୍ଣ୍ଣ ଫୋକସ ମଧ୍ୟ ରହିବ । ତେବେ ରାହୁଲ ବାଦ୍ ପଡିବା ପରେ ବର୍ତ୍ତମାନ ତାଙ୍କ ବିକଳ୍ପ ଖୋଜୁଛି ବିସିସିଆଇ । ଦଳକୁ ଜଣେ ବ୍ୟାକ୍ ଅପ୍ ୱିକେଟ କିପର ବ୍ୟାଟ୍ସମ୍ୟାନ ଖେଳାଳିର ଆବଶ୍ୟକତା ରହିଛି । ଏହି ତାଲିକାରେ ପ୍ରଥମରେ ଇଶାନ କିଶାନ, ସରଫରାଜ ଖାନ୍ ଏବଂ ଜିତେଶ ଶର୍ମା ଆଗରେ ରହିଛନ୍ତି । ଏହାବ୍ୟତୀତ ହନୁମା ବିହାରୀଙ୍କୁ ଦଳରେ ସୁଯୋଗ ଦେଇପାରେ ବିସିସିଆଇ ।
View this post on Instagram
ବିଶ୍ୱ ଟେଷ୍ଟ ଚମ୍ପିଆନସିପ ପାଇଁ ଭାରତୀୟ ଦଳ: ରୋହିତ ଶର୍ମା(ଅଧିନାୟକ), ଶୁଭମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି, ଆଜିଙ୍କ୍ୟ ରାହାଣେ, କେ.ଏସ ଭରତ(ୱିକେଟ କିପର), ଆର. ଅଶ୍ୱୀନ, ରବିନ୍ଦ୍ର ଜାଡେଜା, ଅକ୍ସର ପଟେଲ, ଶାର୍ଦ୍ଦୁଳ ଠାକୁର, ମହମ୍ମଦ ଶାମୀ, ମହମ୍ମଦ ସିରାଜ, ଉମେଶ ଯାଦବ, ଜୟଦେବ ଉନାଦକଟ