ବାଲେଶ୍ୱର ନୂଆବଜାରରେ ଅଗ୍ନିକାଣ୍ଡ, ଏକ ଗାଈ ଓ ଦୁଇ ବାଛୁରୀ ଜୀବନ୍ତ ଦଗ୍ଧ
ବାଲେଶ୍ୱର: ବାଲେଶ୍ୱର ସହରର ନୂଆବଜାରରେ ଭୀଷଣ ଅଗ୍ନିକାଣ୍ଡ ଖବର ସାମ୍ନାକୁ ଆସିଛି । ଏହି ଦୁର୍ଘଟଣାରେ ଗୋଟିଏ ଗାଈ ସହିତ ଦୁଇଟି ବାଛୁରୀ ଜୀବନ୍ତ ଦଗ୍ଧ ହୋଇଛନ୍ତି । ସୂଚନା ଅନୁଯାୟୀ, ସେଠାରେ ଥିବା ଏକ ହୋଟେଲରେ ନିଆଁ ଲାଗି ପାଖ ଦୋକାନ ଗୁଡିକରେ ବ୍ୟାପିଯାଇଛି । ବିଭିନ୍ନ ଦୋକାନରେ ଥିବା ସିଲିଣ୍ଡର ଫାଟିଯାଇ ଭୟଙ୍କର ଶବ୍ଦ ହୋଇଥିଲା । ଏହାସହ ବଜାରରେ ଥିବା ଏକ ନର୍ସରୀରେ ମଧ୍ୟ ଅଗ୍ନିକାଣ୍ଡ ଘଟିଛି ।
ଏହି ନର୍ସରୀରେ ଥିବା ଗୋଟିଏ ଗାଈ ଏବଂ ଦୁଇଟି ବାଛୁରୀ ନିଆଁରେ ଜଳିଯାଇ ମୃତ୍ୟୁ ଘଟିଛି । ପୋଲିସ ଏବଂ ଅଗ୍ନିଶମ ବାହିନୀ ପହଁଚି ନିଆଁ ଲିଭା କାର୍ଯ୍ୟ ଆରମ୍ଭ କରିଛନ୍ତି । ନିଆଁ ଲାଗିବାର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି, ଘଟଣାସ୍ଥଳରେ ପୋଲିସର ଛାନଭିନ ।
