ଟ୍ରେନ୍ ଦୁର୍ଘଟଣାକୁ ସାମ୍ପ୍ରଦାୟୀକ ରଙ୍ଗ ଦେବା ଉଦ୍ୟମ ପରେ ଆକ୍ସନରେ ଓଡ଼ିଶା ପୋଲିସ, ଦୃଢ କାର୍ଯ୍ୟାନୁଷ୍ଠାନ ପାଇଁ ଦେଲା ଚେତାବନୀ
ଭୁବନେଶ୍ୱର: ବାଲେଶ୍ୱର ବାହାନଗାରେ ଭୟଙ୍କର ଟ୍ରେନ୍ ଦୁର୍ଘଟଣା ପରେ ଏହାର ତଦନ୍ତ ଚାଲିଛି। ବର୍ତ୍ତମାନ ସୁଦ୍ଧା ରେଲୱେ ପକ୍ଷରୁ ପ୍ରାରମ୍ଭିକ ତଦନ୍ତ ସମ୍ପର୍କରେ ସୂଚନା ମିଳିଛି। ଏହାରି ମଧ୍ୟରେ ସୋସିଆଲ ମିଡିଆରେ ଦେଖିବାକୁ ମିଳିଛି ଯେ, କିଛି ଲୋକେ ଏହି ଦୁର୍ଘଟଣାକୁ ସାମ୍ପ୍ରଦାୟିକ ରୂପ ଦେବାକୁ ଚେଷ୍ଟା କରୁଛନ୍ତି। ତେବେ ଏହି ଘଟଣାକୁ ନେଇ ଓଡିଶା ପୋଲିସ ଚେତାବନୀ ଦେଇଛି।
We appeal to all concerned to desist from circulating such false and ill-motivated posts. Severe legal action will be initiated against those who are trying to create communal disharmony by spreading rumours.
— Odisha Police (@odisha_police) June 4, 2023
ପୋଲିସ କହିଛି ଯେ, “ଦୁର୍ଘଟଣାର କାରଣ ତଥା ଅନ୍ୟାନ୍ୟ ଦିଗକୁ ଓଡିଶାରେ GRP ଅନୁସନ୍ଧାନ କରୁଛି। ତେବେ ଦେଖିବାକୁ ମିଳିଛି ଯେ, କିଛି ସୋସିଆଲ ମିଡିଆରେ କିଛି ଲୋକେ ଏହି ଘଟଣାକୁ ଭୁଲ୍ ଭାବରେ ସାମ୍ପ୍ରଦାୟିକ ରଙ୍ଗ ପ୍ରଦାନ କରୁଛି। ଏହା ଅତ୍ୟନ୍ତ ଦୁର୍ଭାଗ୍ୟଜନକ, ଏହିପରି ମିଥ୍ୟା ଏବଂ ଖରାପ ପ୍ରେରିତ ପୋଷ୍ଟଗୁଡିକ ପ୍ରଚାର ନକରିବାକୁ ଆମେ ସମ୍ପୃକ୍ତ ସମସ୍ତଙ୍କୁ ନିବେଦନ କରୁଛୁ। ଯେଉଁମାନେ ଗୁଜବ ପ୍ରଚାର କରି ସାମ୍ପ୍ରଦାୟିକ ଅସହଯୋଗ ସୃଷ୍ଟି କରିବାକୁ ଚେଷ୍ଟା କରୁଛନ୍ତି ସେମାନଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।”
ଓଡ଼ିଶା ପୋଲିସ ଏହି ଅପିଲ୍ ଏପରି ସମୟରେ ଆସିଛି, ଯେତେବେଳେ ଟ୍ରେନ ଦୁର୍ଘଟଣା ଫଟୋ ଏବଂ ଭିଡିଓକୁ ସୋସିଆଲ ମିଡିଆରେ ସେୟାର କରାଯାଇଛି । ଯେଉଁଥିରେ କିଛି ୟୁଜର ସାମ୍ପ୍ରଦାୟୀକ ଦିଗ ଦର୍ଶାଇବାକୁ ଉଦ୍ୟମ କରୁଛନ୍ତି ଏବଂ ଦାବି କରୁଛନ୍ତି ଯେ ଦୁର୍ଘଟଣାସ୍ଥଳରୁ ଅଳ୍ପ ଦୂରରେ ଏକ ମସଦିଜ ରହିଛି ।
Hello @arunbothra @DGPOdisha @odisha_police @CMO_Odisha, Will there be any action against this dangerous and Communal Misinformation blaming a community for #CoromandelTrainTragedy https://t.co/KnlAxGgxEC pic.twitter.com/NToz74NGAo
— Mohammed Zubair (@zoo_bear) June 3, 2023