ଜଟାଧାରୀ ଅବତାରରେ ଦେଖାଦେଇଛନ୍ତି ଏବେ ଖିଲାଡ଼ି : ରିଲିଜ ହେଲା ‘OMG 2’ ର ଟିଜର
ଭୁବନେଶ୍ୱର : ବର୍ତ୍ତମାନ ପବିତ୍ର ଶ୍ରାବଣ ମାସ ଚାଲିଛି । ଏହି ସମୟରେ ଖିଲାଡି ଜଟାଧାରୀ ଅବତାରରେ ଦର୍ଶକଙ୍କ ପାଇଁ ଏକ ବଲିଉଡ ଫିଲ୍ମ ନେଇ ଆସିଛନ୍ତି, ଯାହା ଏବେ ଖୁବ ଚର୍ଚ୍ଚାର ବିଷୟ ପାଲଟିଛି । ଏହି ଫିଲ୍ମଟିର ନାଁ ହେଉଛି ‘ ଓ ମାଇ ଗଡ୍ 2’ । ଏଥରରେ ଅକ୍ଷୟ କୁମାର ମୁଖ୍ୟ ଭୂମିକାରେ ନଜର ଆସିବେ । ତେବେ ପ୍ରଶଂସକ ପସନ୍ଦ କରୁଥିବା ଏହି ଫିଲ୍ମରେ ଅକ୍ଷୟ ଏକ ନୂଆ ଲୁକରେ ସାମ୍ନାକୁ ଆସିବେ । ଏନେଇ ଖୁବ ଶୀଘ୍ର ଏହି ଫିଲ୍ମର ଟିଜର ରିଲିଜ ହେବ ବୋଲି ସୂଚନା ମିଳିଛି ।
ଅକ୍ଷୟ କୁମାର ନିଜର ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ଶେୟାର କରି କହିଛନ୍ତି । ଏଥିରେ ତାଙ୍କର ଲୁକ ଜବରଦସ୍ତ ରହିବ ଏବଂ ଏହି ଫିଲ୍ମରେ ତାଙ୍କୁ ଭଗବାନ ଶିବଙ୍କ ରୂପରେ ଦେଖିବାକୁ ମିଳିବ । ଏନେଇ ଦର୍ଶକ ଖିଲାଡ଼ିଙ୍କୁ ବହୁତ ପ୍ରଶଂସା କରିଛନ୍ତି । ନୂଆ ଲୁକରେ ଅକ୍ଷୟ କୁମାର ମଥାରେ ପାଉଁଶ, ବେକରେ ରୁଦ୍ରାକ୍ଷ ମାଳା ପିନ୍ଧି ଜଟାଧାରୀ ଅବତାରରେ ଦେଖାଯାଉଛନ୍ତି ।
ଏହା ସହିତ ଦର୍ଶକ ଅକ୍ଷୟ କୁମାରଙ୍କୁ ନିବେଦନ କରି କହିଛନ୍ତି ଯେ, ଏହି ଫିଲ୍ମରେ ଯେପରି ସନାତନ ଧର୍ମଙ୍କୁ ପରିହାସ ନ କରାଯାଉ । ଇନଷ୍ଟାଗ୍ରାମ ଆକାଉଣ୍ଟରେ ଭିଡିଓ ଶେୟାର କରିବା ସହିତ ଅକ୍ଷୟ କୁମାର ଫିଲ୍ମ ଟିଜର ରିଲିଜର ତାରିଖ ଘୋଷଣା କରିଛନ୍ତି । ଟିଜରଟି ଜୁଲାଇ ୧୧ ଅର୍ଥାତ ଆଜି ରିଲିଜ ହେବ ବୋଲି ସେ କହିଥିଲେ ।
View this post on Instagram
