ଡୋନାଲ୍ଡ ଟ୍ରମ୍ପଙ୍କ ଉପରେ ଲାଗିଲା ନିର୍ବାଚନ ଫଳାଫଳ ବଦଳାଇବାର ଅଭିଯୋଗ, ଗୁରୁବାର ଦିନ କୋର୍ଟରେ ହେବେ ହାଜର
ନୂଆଦିଲ୍ଲୀ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ବିପଦ ମାଡି ମାଡି ଆସୁଛି । ଆମେରିକାର ଏକ ଅଦାଲତ ୨୦୨୦ ମସିହାର ରାଷ୍ଟ୍ରପତି ନିର୍ବାଚନର ଫଳାଫଳାକୁ ବଦଳାଇବାର ଷଡଯନ୍ତ୍ର ପାଇଁ ଟ୍ରମ୍ପଙ୍କୁ ଦୋଷୀ ବୋଲି ବିବେଚନା କରାଯାଇଛି । ଟ୍ରମ୍ପ ଏହା ପୂର୍ବରୁ କହିଥିଲେ ଯେ, ତାଙ୍କୁ ଅପରାଧୀ ବୋଲି ସାବ୍ୟସ୍ତ କରାଯାଇପାରେ ।
ବିଦେଶୀ ଗଣମାଧ୍ୟମର ରିପୋର୍ଟ ଅନୁଯାୟୀ, ୱାଶିଂଟନ୍ ଡିସିରେ ଥିବା ଏକ ଫେଡେରାଲ୍ ଗ୍ରାଣ୍ଡ୍ ଜୁରି ଟ୍ରମ୍ପଙ୍କ ବିରୋଧରେ ମାମଲାର ଶୁଣାଣି କରିଥିଲେ। ସ୍ୱତନ୍ତ୍ର ପରାମର୍ଶଦାତା ଜ୍ୟାକ୍ ସ୍ମିଥଙ୍କ ଯୁକ୍ତି ଏବଂ ପ୍ରମାଣ ଯାଞ୍ଚ କରିବା ପରେ ବୁଧବାର କୋର୍ଟ ରାଷ୍ଟ୍ରପତି ନିର୍ବାଚନର ଫଳାଫଳକୁ ବଦଳାଇବାକୁ ଚେଷ୍ଟା କରି ଟ୍ରମ୍ପଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ନିକଟରେ ଟ୍ରମ୍ପ କହିଛନ୍ତି ଯେ, ତାଙ୍କୁ ଏକ ଚିଠି ମିଳିଛି ଯେଉଁଥିରେ ଲେଖା ଅଛି ଯେ, ସେ ଅନୁସନ୍ଧାନ କରୁଛନ୍ତି। ସେ କହିଛନ୍ତି ଯେ, ଏହାର ଅର୍ଥ ହେଉଛି ତାଙ୍କ ବିରୋଧରେ ଅଭିଯୋଗ ହୋଇପାରିବ। ଟ୍ରମ୍ପ ପୂର୍ବରୁ ସୋସିଆଲ ମିଡିଆରେ କହିଥିଲେ ଯେ, ସେ ଆଜି ଯେକୌଣସି ସମୟରେ ଜ୍ୟାକ୍ ସ୍ମିଥଙ୍କ ଦ୍ୱାରା ଅଭିଯୁକ୍ତ ହେବେ ବୋଲି କରିଥିଲେ। ଟ୍ରମ୍ପ କହିଛନ୍ତି ଯେ, ଜ୍ୟାକ୍ ଅଢେଇ ବର୍ଷ ପୂର୍ବେ ଏହି ଅଭିଯୋଗ କାହିଁକି କରିନାହାଁନ୍ତି। ଆପଣ ଏତେ ଦିନ କାହିଁକି ଅପେକ୍ଷା କରିଥିଲେ?
ଟ୍ରମ୍ପଙ୍କ ବିରୋଧରେ ସ୍ୱତନ୍ତ୍ର ପରାମର୍ଶଦାତା ଜ୍ୟାକ୍ ସ୍ମିଥ୍ ଏହି ଅଭିଯୋଗ କରିଛନ୍ତି:
-ଆମେରିକାକୁ ଠକିବା ପାଇଁ ଷଡଯନ୍ତ୍ର।
-ସରକାରୀ ପ୍ରକ୍ରିୟାରେ ବାଧା ସୃଷ୍ଟି କରିବାକୁ ଷଡଯନ୍ତ୍ର।
-ସରକାରୀ ପ୍ରକ୍ରିୟାରେ ବାଧା ସୃଷ୍ଟି କରୁବା।
-ସରକାରୀ କାର୍ଯ୍ୟରେ ବାଧା ସୃଷ୍ଟି କରିବାକୁ ଚେଷ୍ଟା।
-ଅଧିକାରୀଙ୍କ ବିରୋଧରେ ଷଡଯନ୍ତ୍ର।