ଛତୁ ଚାଷ କରି ମାଲାମାଲ ହେଉଛନ୍ତି ଚାଷୀ, ସରକାର ଦେଉଛନ୍ତି ୫୦ ପ୍ରତିଶତ ଅନୁଦାନ
ନୂଆଦିଲ୍ଲୀ: ଚାଷୀମାନଙ୍କ ଅଗ୍ରଗତି ପାଇଁ କେନ୍ଦ୍ର ସରକାର ଅନେକ ଯୋଜନା କାର୍ଯ୍ୟକାରୀ କରିଛନ୍ତି । ଏଥିସହ ଅନେକ ସହାୟତା ରାଶି ମଧ୍ୟ ପ୍ରଦାନ କରୁଛନ୍ତି । ଏହାରି ମଧ୍ୟରେ ବିହାର ରାଜ୍ୟରେ ମହିଳାମାନେ ମଧ୍ୟ ପୁରୁଷମାନଙ୍କ ଭଳି ଚାଷ କରୁଛନ୍ତି । ଆଜି ଆମେ ଏପରି କିଛି ବିଷୟରେ କହିବାକୁ ଯାଉଛୁ ଯେଉଁଥିରେ ମହିଳାମାନେ ଛତୁ ଚାଷ କରି ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି ।
ରାଷ୍ଟ୍ରୀୟ କୃଷି ବିକାଶ ଯୋଜନା ଅନୁଯାୟୀ, ନଡାରେ ଛତୁ ଚାଷ କରୁଥିବା ଲାଭାର୍ଥୀ ମମତା କୁମାରୀଙ୍କ କହିବା ଅନୁଯାୟୀ, ସେ ୨୦୧୮ ମସିହାରୁ ଛତୁ ଛାଷ କରୁଛନ୍ତି । ତାଙ୍କର ଏସଏସଜୀ ଗ୍ରୁପ ମଧ୍ୟ ହୋଇଛି ଏବଂ ସରକାରଙ୍କ ତରଫରୁ ଛତୁ ଉତ୍ପାଦାନ ପାଇଁ ୯୦ ହଜାର ଟଙ୍କା ପ୍ରଦାନ କରାଯାଇଛି । ଏଥିରେ ଆମକୁ ବହୁ ସହାୟତା ମିଳୁଛି ଏବଂ ଆଗକୁ ବଢିବା ଲାଗି ସୁଯୋଗ ମିଳୁଛି । ଛତୁରୁ ତିଆରି ହେଉଥିବା ଉତ୍ପାଦ ଯଥା- ବିସ୍କୁଟ, ପାମ୍ପଡ଼, ଆଚାର ଆଦି ମଧ୍ୟ ଉତ୍ପାଦନ କରାଯାଉଛି ।
ଏମଆଇଡିଏଚ ଯୋଜନା ଅନ୍ତର୍ଗତ ଛତୁ, ଛତୁ ସ୍ପାନ ଏବଂ ଛତୁ କମ୍ପୋଷ୍ଟ ଉତ୍ପାଦନ ଲାଗି ବିହାର ସରକାର ୫୦ ପ୍ରତିଶତ ଅନୁଦାନ ପ୍ରଦାନ କରୁଛନ୍ତି । ଛତୁ ଚାଷରେ କମ୍ ଖର୍ଚ୍ଚ ଏବଂ ଲାଭ ଅଧିକ ରହିଛି । ଏହି କାରଣରୁ ଛତୁ ଚାଷ ବଢିବାରେ ଲାଗିଛି । ରିପୋର୍ଟ ଅନୁଯାୟୀ, ସାରା ଦେଶରେ ବିହାର ରାଜ୍ୟ ଛତୁ ଉତ୍ପାଦନରେ ଆଗୁଆ । ଗ୍ରାମୀଣ ଅଞ୍ଚଳରେ ରୋଜଗାର ବଢାଇବା ଲାଗି କୃଷକଙ୍କୁ ସରକାରଙ୍କ ତରଫରୁ ଅନୁଦାନ ମଧ୍ୟ ଦିଆଯାଉଛି ।
मशरूम की खेती से बदल रही है बिहार के किसानों की तस्वीर |@KumarSarvjeet6@SAgarwal_IAS@dralokghosh@abhitwittt@Agribih@AgriGoI#agriculture #Mushroom #MushroomProduction #Horticulture #Bihar pic.twitter.com/VhTKziHyFV
— Directorate Of Horticulture, Deptt of Agri, Bihar (@HorticultureBih) August 29, 2023
