ଶକ୍ତିଶାଳୀ ଭୂମିକମ୍ପ ଝଟକାରେ ଥରିଲା ମରକ୍କୋ, ଏପର୍ଯ୍ୟନ୍ତ ୨୯୬ ମୃତ
ରବାତ: ମରକ୍କୋରେ ଶୁକ୍ରବାର ରାତିରେ ଖୁବ୍ ଜୋରରେ ଭୂମିକମ୍ପ ଆସିବାରେ ୨୯୬ ଜଣ ଲୋକଙ୍କ ମୃତ୍ୟୁ ଘଟିଥିବା ଜଣାପଡିଛି । ଏଠାରେ ୬.୮ ତୀବ୍ରତାର ଶକ୍ତିଶାଳୀ ଭୂମିକମ୍ପ ଆସିଛି । ସଂଯୁକ୍ତ ରାଜ୍ୟ ଭୂ-ବୈଜ୍ଞାନିକ ସର୍ବେକ୍ଷଣ କହିଛି ଯେ, ଏହି ଶକ୍ତିଶାଳୀ ଭୁମିକମ୍ପ ୧୨୦ ବର୍ଷ ପରେ ଆସିଛି ।
ମରକ୍କୋର ଷ୍ଟେଟ ଟେଲିଭିଜନ କହିଛି ଯେ, ଭୁମିକମ୍ପ ଯୋଗୁଁ ବହୁ ଅଟ୍ଟାଳିକାମାନ ଭୂଷୁଡି ପଡିଛି । ଏଥିରେ ୨୯୬ ଜଣଙ୍କ ମୃତ୍ୟୁ ଘଟିଛି । ସୋସିଆଲ ମିଡିଆରେ ଭୂମିକମ୍ପ ସହ ଜଡିତ ବହୁ ଭିଡିଓ ଖୁବଜୋରରେ ଭାଇରାଲ ହେବାରେ ଲାଗିଛି । ଯେଉଁଥିରେ ଲୋକମାନେ ଏଣେ ତେଣେ ଦୌଡି ପଳାୟନ କରୁଥିବାର ଦେଖାଯାଉଛି ।
ଆଫ୍ରିକୀୟ ଏବଂ ୟୁରାସିଆନ୍ ପ୍ଲେଟ୍ ମଧ୍ୟରେ ଅବସ୍ଥିତ ହେତୁ ମରକ୍କୋରେ ଭୂକମ୍ପ କମ୍ପନ ପ୍ରାୟତଃ ଅନୁଭୂତ ହୁଏ। ୨୦୦୪ ରେ, ଉତ୍ତର-ପୂର୍ବ ମରକ୍କୋରେ ଏଲ୍ ହୋସିମାରେ ଏକ ଶକ୍ତିଶାଳୀ ଭୂକମ୍ପରେ ୬୨୮ ଜଣଙ୍କର ମୃତ୍ୟୁ ଘଟିଥିଲା ଏବଂ ୯୦୦ ରୁ ଅଧିକ ଲୋକ ଆହତ ହୋଇଥିଲେ। ଏହା ବ୍ୟତୀତ ୧୯୮୦ ମସିହାରେ ପଡୋଶୀ ଦେଶ ଆଲଜେରିଆରେ ୭.୩ ମ୍ୟାଗ୍ନିଚ୍ୟୁଡର ଏକ ଭୂମିକମ୍ପ ଘଟିଥିଲା ଯେଉଁଥିରେ ପ୍ରାୟ ୨୫୦୦ ଲୋକଙ୍କର ମୃତ୍ୟୁ ଘଟିଥିଲା ଏବଂ ପ୍ରାୟ ତିନି ଲକ୍ଷ ଲୋକ ଭୂମିହୀନ ହୋଇଥିଲେ।
ମରକ୍କୋରେ ହୋଇଥିବା ଭୂକମ୍ପ ଯୋଗୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି। ସେ କହିଛନ୍ତି ଯେ, ଏହି ଦୁଃଖଦ ସମୟରେ ମୋର ସମ୍ବେଦନଶୀଳତା ମରକ୍କୋ ଲୋକଙ୍କ ସହିତ ଅଛି।ଯେଉଁମାନେ ନିଜର ପ୍ରିୟଜନଙ୍କୁ ହରାଇଛନ୍ତି ସେମାନଙ୍କ ପ୍ରତି ସମବେଦନା। ଆହତମାନଙ୍କ ଶୀଘ୍ର ଆରୋଗ୍ୟ ପାଇଁ ମୁଁ ଭଗବାନଙ୍କୁ ପ୍ରାର୍ଥନା କରୁଛି। ଏହି କଠିନ ସମୟରେ ମରୋକ୍କୋକୁ ଭାରତ ସମସ୍ତ ସମ୍ଭାବ୍ୟ ସହାୟତା ଯୋଗାଇବାକୁ ପ୍ରସ୍ତୁତ ଅଛି।