Google ଦେଉଛି ଇଣ୍ଟର୍ନସିପ୍ କରିବାକୁ ସୁଯୋଗ : ଯଦି ସିଲେକ୍ଟ ହୁଅନ୍ତି ତେବେ ପ୍ରତି ମାସରେ ପାଇବେ ୮୦ ହଜାର ଟଙ୍କା!
ନୂଆଦିଲ୍ଲୀ: ଇଞ୍ଜିନିୟରିଂ ଏବଂ ଟେକ୍ନୋଲୋଜି ଛାତ୍ରଛାତ୍ରୀମାନଙ୍କ ପାଇଁ ଗୁଗଲ୍ ଏକ ଭଲ ଇଣ୍ଟର୍ନସିପ୍ ସୁଯୋଗ ଆଣିଛି । ଯଦି ଆପଣଙ୍କର ଆବଶ୍ୟକ ଯୋଗ୍ୟତା ଅଛି, ତେବେ ଏଥି ପାଇଁ ଆବେଦନ କରନ୍ତୁ । ଯଦି ମନୋନୀତ ହୁଅନ୍ତି, ତେବେ ଆପଣ ପ୍ରତି ମାସରେ ୮୦ ହଜାରରୁ ଅଧିକ ଟଙ୍କା ପାଇପାରିବେ ।
ଟଙ୍କା ବ୍ୟତୀତ ଏପରି କମ୍ପାନୀ ସହିତ କ୍ୟାରିୟର ଆରମ୍ଭ କରିବାର ସୁଯୋଗକୁ କେହି ହାତଛଡ଼ା କରିବା ଉଚିତ୍ ନୁହେଁ । ଏଠାରେ ଆପଣ କାମର ନୂଆ ନୂଆ ଟେକନିକ୍ ବିଷୟରେ ଜାଣିବେ ଏବଂ କମ୍ପାନୀ ସହିତ ଭଲ ଗ୍ରୋ କରିବାର ସୁଯୋଗ ମଧ୍ୟ ପାଇବେ । ଏହି ଇଣ୍ଟର୍ନସିପ୍ ର ସବିଶେଷ ତଥ୍ୟ ଆସନ୍ତୁ ଜାଣିବା ।
କେଉଁ ଛାତ୍ରଛାତ୍ରୀମାନେ ସୁଯୋଗ ପାଇବେ :-
କମ୍ପ୍ୟୁଟର ସାଇନ୍ସ କିମ୍ବା ଆନୁଷଙ୍ଗିକ ଶାଖାରେ ସ୍ନାତକ, ମାଷ୍ଟର କିମ୍ବା ଡୱେଲ ଡିଗ୍ରୀ ପ୍ରୋଗ୍ରାମର ଅନ୍ତିମ ବର୍ଷର ଛାତ୍ରଛାତ୍ରୀମାନେ ଏହି ଇଣ୍ଟର୍ନସିପ୍ ପାଇଁ ଆବେଦନ କରିପାରିବେ । ଏହା ହେଉଛି ଏକ ସଫ୍ଟୱେର୍ ଇଞ୍ଜିନିୟରିଂ ଇଣ୍ଟରନେଟ୍ ପୋଜିସନ୍, ଯେଉଁଥିପାଇଁ ଆପଣଙ୍କୁ ଗୁଗୁଲ୍ ୱିଣ୍ଟର ଇଣ୍ଟର୍ନସିପ୍ ରେ ପଞ୍ଜିକରଣ କରିବାକୁ ପଡିବ ।
ଇଣ୍ଟର୍ନସିପ୍ କେବେ ଆରମ୍ଭ ହେବ?
ଏହି ଇଣ୍ଟର୍ନସିପ୍ (ପଦବୀ ମୁତାବକ) ଜାନୁଆରୀ ୨୦୨୪ ରୁ ଆରମ୍ଭ ହେବ କିନ୍ତୁ ଆବେଦନ ଏବେ କରିବାକୁ ପଡିବ । ଏଥିପାଇଁ ଆବେଦନ କରିବାର ଶେଷ ତାରିଖ ହେଉଛି ୧ ଅକ୍ଟୋବର ୨୦୨୩ । ଏହି ଇଣ୍ଟର୍ନସିପ୍ ର ଅବଧି ୨୨ ରୁ ୨୪ ସପ୍ତାହ ହେବ । ମନୋନୀତ ପ୍ରାର୍ଥୀଙ୍କୁ ଗୁଗଲର ହାଇଦ୍ରାବାଦ କିମ୍ବା ବାଙ୍ଗାଲୋର କେନ୍ଦ୍ରରେ ଯୋଗଦେବାକୁ ପଡିବ । ମନୋନୀତ ପ୍ରାର୍ଥୀମାନେ ମାସକୁ ୮୦ ହଜାର ଟଙ୍କା ପର୍ଯ୍ୟନ୍ତ ଷ୍ଟାଇପେଣ୍ଡ ପାଇବେ ।
ଏହି ସୂଚନା ଗୁରୁତ୍ୱପୂର୍ଣ୍ଣ :-
ଡିଗ୍ରୀ ବ୍ୟତୀତ ଆବେଦନକାରୀ ପ୍ରାର୍ଥୀଙ୍କର ଅନ୍ୟାନ୍ୟ ବୈଷୟିକ ଜ୍ଞାନ ମଧ୍ୟ ରହିବା ଉଚିତ୍ । ତାଙ୍କର ଡେଭଲମେଣ୍ଟର ଅଭିଜ୍ଞତା ରହିବା ଉଚିତ ଏବଂ ବେସିକ୍ କୋଡିଂ ଭାଷା ଯଥା C, C++, Java, JavaScript, Python ଇତ୍ୟାଦି ଜଣାଥିବା ଆବଶ୍ୟକ ।
ଏହିପରି ଆବେଦନ କରନ୍ତୁ :-
-ଆବେଦନ କରିବାକୁ ପ୍ରଥମେ ଅଫିସିଆଲ୍ ୱେବସାଇଟ୍ ଯଥା careers.google.comକୁ ଯାଆନ୍ତୁ ।
-ଏଠାରେ Internship Applicaiton ଖୋଜ ଏବଂ ଏଥିରେ କ୍ଲିକ୍ କର ।
-ବର୍ତ୍ତମାନ ଖୋଲୁଥିବା ପେଜରେ Resume ସେକ୍ସନକୁ ଯାଆନ୍ତୁ ଏବଂ ଆପଣଙ୍କର ସିଭି ଆଟାଚ୍ କରନ୍ତୁ । ଏଥିରେ କୋଡିଂ ଭାଷା ବିଷୟରେ ତୁମର ଜ୍ଞାନ ଉଲ୍ଲେଖ କରିବାକୁ ଭୁଲନ୍ତୁ ନାହିଁ ।
-ବର୍ତ୍ତମାନ Higher Educationକୁ ଯାଆନ୍ତୁ ଏବଂ ଆବଶ୍ୟକ କଲମଗୁଡିକ ପୂରଣ କରନ୍ତୁ ଏବଂ ‘Now Attending’ ସିଲେକ୍ଟ କରନ୍ତୁ । ଏହା ଆପଣଙ୍କୁ “Degree Status” ଅଧୀନରେ ମିଳିଯିବ ।
-ଏବେ ଆପଣଙ୍କ କରେଣ୍ଟ ଅଫିସିଆଲ୍ କିମ୍ବା ଅନଅଫିସିଆଲ ଇଂରାଜୀ ଟ୍ରାନ୍ସକ୍ରିପ୍ଟ ଅପଲୋଡ୍ କରନ୍ତୁ ।
-ଆପଣ କେଉଁ ସ୍ଥାନକୁ ପସନ୍ଦ କରିବେ ତାହା ମଧ୍ୟ ପୂରଣ କରନ୍ତୁ ।