ଭବାନୀପାଟଣାରେ ଓଲଟିଲା କୋଇଲା ବୋଝେଇ ଟ୍ରକ, ଗାଡି ତଳେ ଫସିରହିଛନ୍ତି ଡ୍ରାଇଭର

ଓଡିଶା ଭାସ୍କର; ଭବାନୀପାଟଣାରେ ଏକ ଅଭାବନୀୟ ଦୁର୍ଘଟଣା ଘଟିଥିବା ଖବର ଏବେ ସାମ୍ନାକୁ ଆସିଛି । ଫୁରଲୀଝରନ ନିକଟରେ ଏକ କୋଇଲା ବୋଝେଇ ଟ୍ରକ ଓଲଟିପଡି ଦୁର୍ଘଟଣାର ସମ୍ମୁଖୀନ ହୋଇଛି । ଏଥିରେ ଥିବା ହେଲପର ଜଣଙ୍କ ଗୁରୁତର ଭାବେ ଆହତ ହୋଇଥିବା ବେଳେ ଟ୍ରକ ତଳେ ଫସିରହିଛନ୍ତି ଗାଡିର ଡ୍ରାଇଭର । ଚକା ଫାଟିଯିବାରୁ ଏଭଳି ଦୁର୍ଘଟଣା ହୋଇଥିବାର ସୂଚନା ମିଳିଛି । ଆହତ ହେଲପରଙ୍କୁ ମେଡିକାଲକୁ ସ୍ଥାନାନ୍ତରିତ କରାଯାଇଥିବା ବେଳେ ଫସି ରହିଥିବା ଡ୍ରାଇଭରଙ୍କୁ ଉଦ୍ଧାର କରିବା ପାଇଁ ଚେଷ୍ଟା ଜାରି ରହିଛି ।