ସରକାର ବଢାଇ ଦେଲେ ମହଙ୍ଗା ଭତ୍ତା : ଜାଣନ୍ତୁ ସମସ୍ତ ତଥ୍ୟ
ନୂଆଦିଲ୍ଲୀ : ପାର୍ବଣ ଋତୁ ସମୟରେ କେନ୍ଦ୍ର ସରକାର ପେନସନ ଏବଂ କେନ୍ଦ୍ରୀୟ କର୍ମଚାରୀଙ୍କୁ ଏକ ବଡ଼ ଉପହାର ଦେଇଛନ୍ତି । କେନ୍ଦ୍ର ସରକାର ପେନସନ ଉପଭୋକ୍ତା ଏବଂ ସରକାରୀ କର୍ମଚାରୀଙ୍କ ପାଇଁ ମହଙ୍ଗା ରିଲିଫ ଏବଂ ମହଙ୍ଗା ଭତ୍ତାରେ ୪% ବୃଦ୍ଧି କରିବାକୁ ଘୋଷଣା କରିଥିଲେ । ଏହି ଡିଏ ଏବଂ ଡିଆର ଜୁଲାଇ ୧ରୁ କାର୍ଯ୍ୟକାରୀ ଅଟେ । କିନ୍ତୁ ପ୍ରଶ୍ନ ଏହା ଯେ, ଲୋକଙ୍କୁ କିପରିଏବଂ କେତେ ଟଙ୍କା ମିଳିବ?
ବାସ୍ତବରେ, ମହଙ୍ଗା ଭତ୍ତା ବୃଦ୍ଧି ପରେ ପେନସନ ଉପଭୋକ୍ତା ଏବଂ କର୍ମଚାରୀଙ୍କ ରିଲିଫ ଭତ୍ତା ୪୨% ରୁ ବୃଦ୍ଧି ପାଇ ୪୬% ହୋଇଯାଇଛି । ନିକଟରେ କେନ୍ଦ୍ର ସରକାରଙ୍କ ଦ୍ୱାରା ଏକ ସ୍ମାରକପତ୍ର ଜାରି କରାଯାଇଛି। ଯେଉଁଥିରେ କୁହାଯାଇଛି ଯେ, କେଉଁ ପେନସନ ଉପଭୋକ୍ତାଙ୍କୁ ମହଙ୍ଗା ଭତ୍ତା ବୃଦ୍ଧିର ସୁବିଧା ଦିଆଯିବ ଏବଂ ବୃଦ୍ଧି ହୋଇଥିବା ମହଙ୍ଗା ଭତ୍ତା କେବେ ପାଇବେ?
DoPPW ଅନୁଯାୟୀ, ସାଧାରଣ ନାଗରିକ ସରକାରୀ ପେନସେନ ଉପଭୋକ୍ତା କିମ୍ବା ପରିବାର ପେନସେନ ଉପଭୋକ୍ତା, ପ୍ରତିରକ୍ଷା କ୍ଷେତ୍ର ସଶସ୍ତ୍ର ବାହିନୀ ପେନସେନ ଉପଭୋକ୍ତା ଏବଂ ବେସାମରିକ ପେନସେନ ଉପଭୋକ୍ତା, ଅଲ ଇଣ୍ଡିଆ ସେବା ପେନସେନ ଉପଭୋକ୍ତା, ରେଳ ପେନସେନ ଉପଭୋକ୍ତା, ପେନସେନ ଉପଭୋକ୍ତା ଏବଂ ବର୍ମାରୁ କିଛି ପେନସେନ ଉପଭୋକ୍ତାଙ୍କ DRରେ ବୃଦ୍ଧି ପାଇବେ। ଏହା ବ୍ୟତୀତ, ଜଷ୍ଟିସ ବିଭାଗର ଆଦେଶ ପରେ ସୁପ୍ରିମକୋର୍ଟର ଅବସରପ୍ରାପ୍ତ ବିଚାରପତି ମଧ୍ୟ ବର୍ଦ୍ଧିତ DRର ସୁବିଧା ପାଇପାରିବେ।
କେନ୍ଦ୍ର ସରକାର ପେନସନଭୋଗୀଙ୍କ ପାଇଁ DR ୦ ପ୍ରତିଶତ ବୃଦ୍ଧି କରିଛନ୍ତି। ଯଦି ପେନସନଭୋଗୀଙ୍କ ମୌଳିକ ପେନସେନ ୪୦ ହଜାର ଟଙ୍କା ଯଦି ଅଛି, ତେବେ ୪୨ ପ୍ରତିଶତ DR ଅନୁଯାୟୀ, ମହଙ୍ଗା ରିଲିଫ ୧୬ ହଜାରରୁ ଅଧିକ ହେବ । ନୂତନ ବୃଦ୍ଧି ପରେ, ମୌଳିକ ପେନସନର ମହଙ୍ଗା ରିଲିଫ ୧୮ହଜାରରୁ ଅଧିକ ହେବ । ଏହାର ଅର୍ଥ ହେଉଛି ପେନସନଭୋଗୀମାନେ ପ୍ରତି ମାସରେ ୧୦୦୦ ରୁ ଅଧିକ ପେନସନ ପାଇବେ ।
