ସାମ୍ନାକୁ ଆସିଲା ରାମଙ୍କ ଚରଣ ପାଦୁକାର ଫଟୋ, ୧ କିଲୋ ସୁନା ଏବଂ ୭ କିଲୋ ରୂପାରେ ହୋଇଛି ତିଆରି
ନୂଆଦିଲ୍ଲୀ: ଅଯୋଧ୍ୟାରେ ତିଆରି ହେଉଥିବା ଭବ୍ୟ ରାମ ମନ୍ଦିରର ଉଦଘାଟନକୁ ନେଇ ଖୁବ ଜୋରରେ ପ୍ରସ୍ତୁତି ଚାଲିଛି । ବର୍ତ୍ତମାନ ଭଗବାନ ରାମଙ୍କ ଚରଣ ପାଦୁକାର ତିଆରି ହୋଇସାରିଛି । ଯାହାକୁ ଏସଜି ହାଇୱେରେ ଥିବା ତିରୁପତି ବାଲାଜୀ ମନ୍ଦିରରେ ଦର୍ଶନ ପାଇଁ ରଖାଯାଇଛି।
ଏହି ପାଦୁକା ହାଇଦ୍ରାବାଦର ଶ୍ରୀ ଚଲ୍ଲା ଶ୍ରୀନିବାସ ଶାସ୍ତ୍ରୀ ତିଆରି କରିଛନ୍ତି । ପାଦୁକାକୁ ତିଆରି କରିବା ପାଇଁ ୧ କିଲୋ ସୁନା ଏବଂ ୭ କିଲୋ ରୂପାର ବ୍ୟବହାର କରାଯାଇଛି । ଏହା ବ୍ୟତୀତ ପାଦୁକାରେ ବହୁମୂଲ୍ୟ ରତ୍ନ ମଧ୍ୟ ଲଗାଯାଇଛି । ଶ୍ରଦ୍ଧାଳୁମାନଙ୍କୁ ପାଦୁକା ଦର୍ଶନର ଲାଭ ଦିଆଯାଇଛି । ଏହାକୁ ପ୍ରଥମେ ରବିବାର ଦିନ ରାମେଶ୍ୱରମରୁ ଅହମଦାବାଦ ଅଣାଯାଇଥିଲା ।
ଅଯୋଧ୍ୟାରେ ୨୨ ଜାନୁଆରୀରେ ରାମଙ୍କ ପ୍ରାଣ-ପ୍ରତିଷ୍ଠାର କାର୍ଯ୍ୟକ୍ରମ ହେବ । ଏହା ପୂର୍ବରୁ ୧୯ ଜାନୁଆରୀ ଦିନ ଚରଣ ପାଦୁକା ଅଯୋଧ୍ୟାରେ ପହଁଚିଯିବ । ଏହି ଚରଣ ପାଦୁକା ହାତରେ ନେଇ ଶ୍ରୀ ଚଲ୍ଲା ଶ୍ରୀନିବାସ ଅଯୋଧ୍ୟାରେ ନିର୍ମାଣଧୀନ ମନ୍ଦିରର ୪୧ ଦିନର ପରିକ୍ରମା ମଧ୍ୟ କରିସାରିଛନ୍ତି ।
