‘ଗାଜା ସ୍ଥିତ ଭାଇ ଭଉଣୀମାନଙ୍କୁ ଟିକେ ମନେ ପକାନ୍ତୁ…’, ସୋସିଆଲ ମିଡ଼ିଆରେ ପୋଷ୍ଟ କଲେ ପ୍ରିୟଙ୍କା ଗାନ୍ଧୀ
ନୂଆଦିଲ୍ଳୀ: ସାରା ବିଶ୍ୱ ପାଳନ କରୁଛି ନୂଆବର୍ଷ । ସବୁଆଡ଼େ ଉତ୍ସବର ମାହୋଲ । ଏଥିମଧ୍ୟରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ଏକ ପୋଷ୍ଟକୁ ନେଇ ଚର୍ଚ୍ଚା ହେଉଛି । ଗାଜା ଓ ହମାସ ମଧ୍ୟରେ ଜାରି ରହିଥିବା ଯୁଦ୍ଧକୁ ନେଇ ବିଶ୍ୱ ନେତାଙ୍କୁ ଟାର୍ଗେଟ କରିଛନ୍ତି ପ୍ରିୟଙ୍କା । ସୋସିଆଲ ମିଡ଼ିଆ ପ୍ଲାଟଫର୍ମ ‘ଏକ୍ସ’ରେ ଏକ ଭିଡ଼ିଓ ପୋଷ୍ଟ କରି ଲେଖିଛନ୍ତି, ‘ ସମସ୍ତେ ନୂଆ ବର୍ଷକୁ ଉତ୍ସାହର ସହ ପାଳନ କରିବା ସହ ଜୀବନରେ ପ୍ରେମ, ଶାନ୍ତି ଏବଂ ଖୁସିରେ ପରିପୂର୍ଣ୍ଣ ରହୁ ବୋଲି ପରସ୍ପରକୁ ଶୁଭେଚ୍ଛା ଦେଇଥାନ୍ତି । ଆସ, ଗାଜା ସ୍ଥିତ ସମସ୍ତ ଭାଇ ଓ ଭଉଣୀଙ୍କୁ ସ୍ମରଣ କରିବା ଯେଉଁମାନେ ନିଜ ଜୀବନ ସମ୍ମାନ ଓ ସ୍ୱତନ୍ତ୍ରତାର ଅଧିକାର ପାଇଁ ଅନ୍ୟାୟପୂର୍ଣ୍ଣ ଓ ଅମାନବୀୟ ଆକ୍ରମଣର ଶିକାର ହେଉଛନ୍ତି ।’ ସେ ଆହୁରି ମଧ୍ୟ କହିଛନ୍ତି ଯେ ଗୋଟିଏ ପଟେ ଦେଶର ପିଲାମାନେ ଉତ୍ସବ ପାଳନ କରୁଥିବା ବେଳେ ଗାଜାରେ ପିଲାମାନଙ୍କୁ ନିର୍ମମ ଭାବେ ହତ୍ୟା କରାଯାଉଛି । ଏହାକୁ ଦୁନିଆର ତଥାକଥିତ ନେତାମାନେ ନିରବ ଭାବେ ଦେଖୁଛନ୍ତି । ସତ୍ତା(ଗାଦି) ଏବଂ ଲୋଭର ବଶବର୍ତ୍ତୀ ହୋଇ ଆରାମରେ ଆଗକୁ ଅଗ୍ରସର କରୁଛନ୍ତି । ଏହା ସତ୍ତେ୍ୱ ଆମ ଗହଣରେ ଏମିତି ଅନେକ ଅଛନ୍ତି ଯେଉଁମାନେ ଗାଜାରେ ହେଉଥିବା ଭୟାନକ ହିଂସାକାଣ୍ଡକୁ ଶେଷ କରିବା ପାଇଁ ଦାବି କରିଛନ୍ତି । ଆସନ୍ତୁ ସେମାନଙ୍କ ମଧ୍ୟରୁ ଜଣେ ହେବା ।
As we celebrate the beginning of a new year and wish each other that love, peace, laughter and goodness should fill our lives, let us remember our brothers and sisters in Gaza who are facing the most unjust and inhuman assault on their right to life, dignity and freedom.
While… pic.twitter.com/Hs7dwu1uIP
— Priyanka Gandhi Vadra (@priyankagandhi) December 31, 2023