ପଞ୍ଚଭୂତରେ ବିଲୀନ ହେଲେ ବିଶିଷ୍ଟ ଗାୟକ ପଙ୍କଜ ଉଧାସ

ମୁମ୍ବାଇ: ପଞ୍ଚଭୂତରେ ବିଲୀନ ହେଲେ ଗଜଲ ଗାୟକ ପଙ୍କଜ ଉଧାସ।  ପଙ୍କଜ ଉଧାସ ଆଉ ଆମ ଭିତରେ ନାହାନ୍ତି ସତ ହେଲେ ସବୁବେଳେ ସ୍ମୃତିରେ ରହିବେ । ଅଗ୍ନାଶୟ କର୍କଟ ରୋଗରେ ପୀଡ଼ିତ ହୋଇ ସୋମବାର ତାଙ୍କର ଦେହାନ୍ତ ହୋଇଥିଲା । ସେ ଦୀର୍ଘଦିନ ଧରି ଅସୁସ୍ଥ ହୋଇ ଚିକିତ୍ସିତ ହେଉଥିଲେ । ମୃତ୍ୟୁବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା । ଗତକାଲି ହଠାତ୍ ତାଙ୍କର ଦେହାନ୍ତ ଖବର ଆସିବା ପରେ ସଙ୍ଗୀତପ୍ରେମୀଙ୍କ ସମେତ ସାରା ଭାରତରେ ଶୋକର ଛାୟା ଖେଳିଯାଇଥିଲା। ଦୀର୍ଘ ଦିନ ଧରି ଅସୁସ୍ଥ ରହିବା ପରେ ତାଙ୍କ ଝିଅ ନୟାବ ସୋସିଆଲ ମିଡିଆରେ ତାଙ୍କ ବାପାଙ୍କ ଦେହାନ୍ତ ଖବର ପୋଷ୍ଟ କରିଥିଲେ।

ମଙ୍ଗଳବାର ସକାଳେ ସେ ଘନିଷ୍ଠ ଓ ଶିଳ୍ପ ସଂସ୍ଥା ସହ ତାଙ୍କ ଘରେ ପହଞ୍ଚି ଶେଷ ଦର୍ଶନ କରିଥିଲେ। ସେମାନଙ୍କ ମଧ୍ୟରେ ଶଙ୍କର ମହାଦେବନ, ଜାକିର ହୁସେନଙ୍କ ସମେତ ଅନେକ ଜଣାଶୁଣା ବ୍ୟକ୍ତି ଥିଲେ। ସକାଳେ ତାଙ୍କ ମୃତଦେହ ଡାକ୍ତରଖାନାରୁ ଆସିବା ପରେ ତାଙ୍କ ସହ ଘରେ ପହଞ୍ଚିଥିବା ଝିଅ ରେଭା ମଧ୍ୟ କାନ୍ଦିଥିବା ଦେଖିବାକୁ ମିଳିଥିଲା। ମୁମ୍ବାଇର ଓର୍ଲି ଶ୍ମଶାନରେ ତାଙ୍କର ଅନ୍ତିମ ସଂସ୍କାର କରାଯାଇଛି। ପଙ୍କଜ ଉଧାସଙ୍କୁ ବିଦ୍ୟୁତ ଶ୍ମଶାନରେ ଅନ୍ତିମ ସଂସ୍କାର କରାଯାଇଛି। ଶେଷ ଥର ପାଇଁ ତାଙ୍କ ପରିବାର ଲୋକେ ହାତ ଯୋଡ଼ି ତାଙ୍କୁ ଭେଟିଥିଲେ। ଏବେ ସ୍ୱର୍ଗତ ଗଜଲ ଗାୟକ ଲୋକଙ୍କ ହୃଦୟରେ ସବୁଦିନ ପାଇଁ ରହିବେ । ସଙ୍ଗୀତ ଜଗତକୁ ତାଙ୍କର ଅବଦାନକୁ ସମସ୍ତେ ମନେରଖିବେ।