କ’ଣ ଆପଣ ଖାଲି ପେଟରେ କରୁଛନ୍ତି କି ଘିଅ ସେବନ ? ଜାଣନ୍ତୁ ଶରୀର ପାଇଁ ଭଲ ନା ଖରାପ
ଆଜିକାଲି ସ୍ଲିମ୍ ଫିଗର ପାଇଁ ଯୁବପିଢି ଡାଏଟ୍ ଚାର୍ଟ ଅନୁସରଣ କରନ୍ତି। ତେଣୁ ଆଜିର ଦିନରେ ଏକ ଟ୍ରେଣ୍ଡ ଚାଲିଛି ‘ଯେଉଁମାନେ ପତଳା, ସେମାନେ ଫିଟ୍’। ଏହି ଧାରାକୁ ଅନୁସରଣ କରି ଆଜିର ଯୁବପିଢ଼ି ନିଜକୁ ପତଳା ରଖିବା ଏବଂ ଓଜନ ନିୟନ୍ତ୍ରଣ କରିବା ପାଇଁ ଘିଅ ଏବଂ କ୍ଷୀର, ଦହିଠାରୁ ସମ୍ପୂର୍ଣ୍ଣ ଦୂରେଇ ରୁହନ୍ତି। ଅନ୍ୟପକ୍ଷରେ ଭାରତରେ ଘିଅକୁ ନେଇ ଏକ ଭଲ ଇତିହାସ ରହିଛି। ପ୍ରତ୍ୟେକ ଭାରତୀୟଙ୍କ ରୋଷେଇ ଘରେ ଅଧିକ କିମ୍ବା କମ୍ ମାତ୍ରାରେ ହେଉ ପଛେ ଆପଣ ଘିଅ ଦେଖିବାକୁ ପାଇବେ। ଏଥିରୁ ଆପଣ ଅନୁମାନ କରିପାରିବେ ଯେ ଏହା ଆମର ଜୀବନଶୈଳୀ ଏବଂ ଖାଦ୍ୟର ଏକ ଗୁରୁତ୍ୱପୂର୍ଣ୍ଣ ଅଂଶ।
ଅନ୍ୟପଟେ ଯଦି ଆପଣ ସ୍ୱାସ୍ଥ୍ୟ ବିଶେଷଜ୍ଞ ଏବଂ ଡାଏଟିସିଆନଙ୍କ ଉପରେ ବିଶ୍ୱାାସ କରନ୍ତି, ତେବେ ସେମାନେ କୁହନ୍ତି ଯେ ଯଦି ଆପଣ ପତଳା ହେବାକୁ ଚାହାଁନ୍ତି କିମ୍ବା ଆପଣ ସୁସ୍ଥ ରହିବାକୁ ଚାହାଁନ୍ତି, ତେବେ ନିଶ୍ଚିତ ଭାବରେ ପ୍ରତିଦିନ ଗୋଟିଏ ଚାମଚ ଘିଅ ଖାଆନ୍ତୁ। ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଯଦି ଆପଣ ସୁସ୍ଥ ରହିବାକୁ ଚାହାଁନ୍ତି, ତେବେ ଗୋଟିଏ ଚାମଚ ଘିଅ ଆପଣଙ୍କ ଖାଦ୍ୟରେ ଅନ୍ତର୍ଭୂକ୍ତ କରାଯିବା ଆବଶ୍ୟକ।
କିଛି ଲୋକଙ୍କ ଏପରି ମାନସିକତା ଅଛି ଯେ ଘିଅ ଖାଇବା ଦ୍ୱାରା ସେମାନଙ୍କର ଓଜନ ବଢିଯାଏ। କିମ୍ବା ଘିଅ ଖାଇବା ଦ୍ୱାରା ସେମାନେ ମୋଟା ହୋଇଯାଆନ୍ତି। କିନ୍ତୁ ଯଦି ଆପଣ ପ୍ରତିଦିନ ସୀମିତ ପରିମାଣର ଘିଅ ଖାଆନ୍ତି, ତେବେ ଏହା ଆପଣଙ୍କୁ ମୋଟା କରିବ ନାହିଁ। କିନ୍ତୁ ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ସଞ୍ଜୀବନୀ ବୁଟି ପରି କାମ କରିବ। ଘିଅରେ ଅନେକ ପୋଷକ ତତ୍ତ୍ୱ ଥାଏ। ଯାହା ମାନବ ଶରୀର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆପଣ ସକାଳେ ଖାଲି ପେଟରେ ଘିଅ ଖାଆନ୍ତୁ। ଏହାର ପ୍ରତ୍ୟକ୍ଷ ପ୍ରଭାବ ଆପଣଙ୍କ ଚେହେରାରେ ଦୃଶ୍ୟମାନ ହେବ।
ଆସନ୍ତୁ ଜାଣିବା ଖାଲି ପେଟରେ ଘିଅ ଖାଇଲେ କଣ ଲାଭ ହୁଏ ?
ସକାଳେ ଖାଲି ପେଟରେ ଘିଅ ଖାଇବା ଦ୍ୱାରା ଆମ ପେଟର ପାକସ୍ଥଳୀରେ ଉନ୍ନତି ଆଣେ। ସେହି ସମୟରେ ଏହା ଅମ୍ଳୀୟ ପିଏଚ କିମ୍ବା ଏସିଡିକ ପିଏଚକୁ ହ୍ରାସ କରେ। ତେଣୁ ସକାଳେ ଖାଲି ପେଟରେ ଘିଅ ସେବନ କଲେ ଶୀରରେ ଅନେକ ଲାଭ ମିଳେ। ଖାଲି ପେଟରେ ଗୋଟିଏ ଚାମଚ ଘିଅ ଖାଇଲେ ଆପଣଙ୍କୁ ଦୀର୍ଘକାଳୀନ ଲାଭ ଦେଇଥାଏ। ଯେପରି- ନିଦ୍ରାର ଅଭାବ, ଅସ୍ୱାସ୍ଥ୍ୟକର ଖାଇବା ଅଭ୍ୟାସ, ଦିନସାରା ବସିବାର ଅଭ୍ୟାସ, ଯେଉଁମାନେ କମ୍ ସକ୍ରିୟ, ଯେଉଁମାନେ କମ୍ ଆଣ୍ଟିବାୟୋଟିକ୍ ବ୍ୟବହାର କରନ୍ତି, ସେମାନଙ୍କର ପେଟଜନୀତ ସମସ୍ୟା ଆରମ୍ଭ ହୁଏ। ଏହି ପ୍ରକାରର ସମସ୍ୟା ସହ ସଂଘର୍ଷ କରୁଥିବା ବ୍ୟକ୍ତିମାନେ ସେମାନଙ୍କର ଚିକିତ୍ସା ନିଶ୍ଚୟ କରାଉଥିବେ।
କିନ୍ତୁ ଯଦି ଜଣେ ବ୍ୟକ୍ତିଙ୍କର କୌଣସି ଗୁରୁତର ସମସ୍ୟା ନଥାଏ, ତେବେ ଖାଲି ପେଟରେ ଗୋଟିଏ ଚାମଚ ଘିଅ ଖାଇବାକୁ ଚେଷ୍ଟା କରନ୍ତୁ, ଏହା ଆପଣଙ୍କୁ ଆରାମ ଦେବ। ଯେଉଁମାନଙ୍କର କୋଷ୍ଠକାଠିନ୍ୟ ସମସ୍ୟା ରହିଛି, ସେମାନଙ୍କ ଖାଦ୍ୟରେ ଘିଅକୁ ଅନ୍ତର୍ଭୁକ୍ତ କରିବା ଜରୁରୀ। ଯେଉଁମାନେ ପ୍ରତିଦିନ ଘିଅ ଖାଉଛନ୍ତି, ସେମାନଙ୍କର ହଜମ ପ୍ରକ୍ରିୟା ଅତ୍ୟନ୍ତ ସୁସ୍ଥ ରହିଥାଏ ଏବଂ କୋଷ୍ଠକାଠିନ୍ୟ ସମସ୍ୟାରୁ ମଧ୍ୟ ମୁକ୍ତି ମିଳିଥାଏ।