ଆଇପିଏଲ ୨୦୨୪; ଭାଙ୍ଗିଗଲା ପଞ୍ଜାବ କିଙ୍ଗସର ପ୍ଲେଅଫ୍ ସ୍ୱପ୍ନ, ବଢ଼ିଲା ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଆଶା

ମୁମ୍ୱାଇ: ଆଇପିଏଲ ୨୦୨୪ର ୫୮ତମ ମ୍ୟାଚରେ ପଞ୍ଜାବ କିଙ୍ଗସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମୁହାଁମୁହିଁ ହୋଇଥିଲେ। ଆଇପିଏଲ୍ ପ୍ଲେଅଫ୍ ରୁ ଏପର୍ଯ୍ୟନ୍ତ ଦୁଇଟି ଦଳ ବାଦ୍ ପଡ଼ିଛନ୍ତି। କିନ୍ତୁ ଏପର୍ଯ୍ୟନ୍ତ କୌଣସି ଦଳ ପ୍ଲେଅଫ୍ ପାଇଁ ଯୋଗ୍ୟତା ଅର୍ଜନ କରିନାହାନ୍ତି। ଚଳିତ ଆଇପିଏଲରେ ଏପର୍ଯ୍ୟନ୍ତ ଅନେକ ରୋଚକ ମ୍ୟାଚ୍ ଖେଳାଯାଇଛି। ଗୁରୁବାର ପଞ୍ଜାବ ବିପକ୍ଷରେ ବେଙ୍ଗାଲୁରୁର ବିଜୟ ପରେ ବେଙ୍ଗାଲୁରୁର ପ୍ଲେଅଫ୍ ଆଶା ବଢ଼ିଯାଇଛି। ପଏଣ୍ଟ ଟେବୁଲରେ ବେଙ୍ଗାଲୁରୁର ୧୦ ପଏଣ୍ଟ ରହିଛି। ବର୍ତ୍ତମାନର ନେଟ୍ ରନ୍ ରେଟ୍ ହେଉଛି +୦.୨୧୭। ରୟାଲ ଚ୍ୟାଲେଞ୍ଜର୍ସକୁ ଅତି କମରେ ୧୪ ପଏଣ୍ଟ ଦରକାର। ଏବେ ବେଙ୍ଗାଲୁରୁ ପାଖରେ ଆଉ ଦୁଇଟି ମ୍ୟାଚ୍ ବାକି ରହିଛି। ଏହାର ପରବର୍ତ୍ତୀ ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଏବଂ ଶେଷ ମ୍ୟାଚ୍ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଖେଳାଯିବ।

ଚେନ୍ନାଇ ସୁପର କିଙ୍ଗ୍ସ ପ୍ରଥମେ ଗୁଜରାଟ ଟାଇଟନ୍ସ ଓ ରାଜସ୍ଥାନ ରୟାଲ୍ସଠାରୁ ପରାସ୍ତ ହେବ। ଏହାପରେ ଲକ୍ଷ୍ନୌ ସୁପର ଜାଏଣ୍ଟସକୁ ବାକି ଦୁଇଟି ମ୍ୟାଚ୍ ମଧ୍ୟରୁ ଅତି କମ୍ରେ ଗୋଟିଏ ରେ ହାରିବାକୁ ପଡ଼ିବ। ଏହାପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ଗ୍ରୁପ୍ ପର୍ଯ୍ୟାୟର ଦ୍ୱିତୀୟ ତଥା ଅନ୍ତିମ ମ୍ୟାଚ୍ ରେ ଚେନ୍ନାଇ ସୁପର କିଙ୍ଗ୍ସକୁ ପରାସ୍ତ କରିବାକୁ ପଡ଼ିବ। ଏହାପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୧୪ ପଏଣ୍ଟ ପାଇବ। ଦିଲ୍ଲୀ କ୍ୟାପିଟାଲ୍ସ ଓ ଲକ୍ଷ୍ନୌ ସୁପର ଜାଏଣ୍ଟସ୍ ର ୧୨ କିମ୍ବା ୧୪ ପଏଣ୍ଟ ଏବଂ ଚେନ୍ନାଇ ସୁପର କିଙ୍ଗ୍ସର ୧୨ ପଏଣ୍ଟ ରହିବ। ଏହାପରେ ବେଙ୍ଗାଲୁରୁ ଭଲ ନେଟ୍ ରନ୍ ରେଟ୍ ଯୋଗୁଁ ଚତୁର୍ଥ ସ୍ଥାନକୁ ଉଠିବ।

ପ୍ଲେ ଅଫ୍ ରୁ ବାଦ୍ ପଡ଼ିଲେ ଦୁଇ ଦଳ । ଆଇପିଏଲ୍ ୨୦୨୪ର ୫୮ତମ ମ୍ୟାଚ୍ ସୁଦ୍ଧା ଦୁଇଟି ଦଳ ବାଦ୍ ପଡ଼ିଛନ୍ତି। ଆଇପିଏଲ୍ ୨୦୨୪ର ୫୭ତମ ମ୍ୟାଚ୍ ରେ ଲକ୍ଷ୍ନୌ ସୁପର ଜାଏଣ୍ଟସ୍ ଓ ସନରାଇଜର୍ସ ହାଇଦ୍ରାବାଦ ପରେ ମୁମ୍ବାଇ ଇଣ୍ଡିଆନ୍ସ ପ୍ରଥମ ଦଳ ଭାବେ ଆଇପିଏଲ୍ ୨୦୨୪ ପ୍ଲେଅଫ୍ ଦୌଡ଼ରୁ ଆନୁଷ୍ଠାନିକ ଭାବେ ବାଦ୍ ପଡ଼ିଛି। ଏହାପରେ ୫୮ତମ ମ୍ୟାଚ୍ ରେ ବେଙ୍ଗାଲୁରୁଠାରୁ ହାରିବା ପରେ ପଞ୍ଜାବ କିଙ୍ଗ୍ସ ଦ୍ୱିତୀୟ ଦଳ ଭାବେ ପ୍ଲେଅଫ୍ ଦୌଡ଼ରୁ ବାଦ୍ ପଡ଼ିଥିଲା।