ଆପଣଙ୍କ ଇନଷ୍ଟାଗ୍ରାମ ହ୍ୟାକ୍ ହୋଇଛି କି? ଜାଣିବାକୁ ତୁରନ୍ତ ଆପଣାନ୍ତୁ ଏହି ଟିପ୍ସ
ନୂଆଦିଲ୍ଲୀ: ଆଜିକାଲି ଇଣ୍ଟରନେଟ୍ ରେ ନିଜର ସ୍ୱତନ୍ତ୍ର ପରିଚୟ ବନାଇବା ସମସ୍ତଙ୍କ ପାଇଁ ଏକ ସାଧାରଣ କଥା। ସେଥିପାଇଁ ସମସ୍ତେ ସୋସିଆଲ ମିଡିଆ ଆପ୍ ବ୍ୟବହାର କରିଥାନ୍ତି। ଇନଷ୍ଟାଗ୍ରାମରେ ଆମେ ଆମର ସାଙ୍ଗ ଏବଂ ପରିବାର ସହିତ ଅନେକ କଥା ସେୟାର କରିଥାଉ। ଅନେକ ସମୟରେ ଏହି ଆକାଉଣ୍ଟ ସବୁକୁ କଛି ଖଳ ଲୋକ ହ୍ୟାକ୍ କରିଥାନ୍ତି। ଆଉ ବ୍ୟକ୍ତିଗତ ତଥ୍ୟ ହାସଲ କରି ବିଭିନ୍ନ ପ୍ରକାରର ମନ୍ଦ କାର୍ଯ୍ୟ କରିଥାନ୍ତି।
ଯଦି କେହି କାହାର ପ୍ରାଇଭେସି ବିଷୟରେ ଜାଣିବାକୁ ଚାହୁଁଛନ୍ତି, ତେବେ ତାହା ଆଦୌ ଭଲ ଲାଗେ ନାହିଁ। ତେଣୁ ସମସ୍ତେ ଆକାଉଣ୍ଟ ହ୍ୟାକ୍ ହେବାରୁ ରୋକିବା ପାଇଁ କିଛି ସ୍ୱତନ୍ତ୍ର ସେଟିଂସ୍ କରିବା ଅତ୍ୟନ୍ତ ଜରୁରୀ। ଆପଣଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ସୁରକ୍ଷିତ ରଖିବାର ସର୍ବୋତ୍ତମ ଉପାୟ ହେଉଛି ଟୁ-ଫ୍ୟାକ୍ଟର ଅଥେଣ୍ଟିକେସନ୍ ଅନ୍ କରିବା। ଏହା ଆପଣଙ୍କ ଆକାଉଣ୍ଟରେ ସୁରକ୍ଷାର ଆଉ ଏକ ସ୍ତର ଯୋଡିଥାଏ
। ଯେତେବେଳେ ବି ଆପଣ କୌଣସି ନୂଆ ଫୋନ୍ କିମ୍ବା କମ୍ପ୍ୟୁଟରରୁ ଲଗଇନ୍ କରିବେ, ଆପଣଙ୍କ ମୋବାଇଲକୁ ଏକ କୋଡ୍ ପଠାଯିବ, ଯାହାକୁ ଆପଣଙ୍କୁ ପ୍ରବେଶ କରିବାକୁ ପଡ଼ିବ। ଏହାକୁ ଟର୍ନ୍ ଅନ୍ କରିବା ପାଇଁ, ଆପଣଙ୍କୁ ନିମ୍ନରେ ଦିଆଯାଇଥିବା କିଛି ଷ୍ଟେପ୍ ଅନୁସରଣ କରିବାକୁ ପଡିବ।
- ପ୍ରଥମେ, ଆପଣଙ୍କ ପ୍ରୋଫାଇଲ୍ କୁ ଯାଆନ୍ତୁ ଏବଂ ସେଟିଂସକୁ ଯାଆନ୍ତୁ।
- ଏହାପରେ ସିକ୍ୟୁରିଟିକୁ ଯାଇ ଟୁ ଫ୍ୟାକ୍ଟର ଅଥେଣ୍ଟିକେସନ୍ ଉପରେ କ୍ଲିକ୍ କରନ୍ତୁ।
- ଏଠାରେ ଆପଣଙ୍କୁ ଏସଏମଏସ କିମ୍ବା ଆପ୍ ଚୟନ କରିବାକୁ ପଡିବ।
- ତା’ପରେ ଏଠାକୁ ଯାଆନ୍ତୁ ଏବଂ ଲଗଇନ୍ କାର୍ଯ୍ୟକଳାପ ଯାଞ୍ଚ କରନ୍ତୁ।
- ଆପଣଙ୍କ ଆକାଉଣ୍ଟ କେବେ ଏବଂ କେଉଁ ଡିଭାଇସରୁ ଲଗ୍ ଇନ୍ ହୋଇଛି ତାହା ଦେଖିବାକୁ, ଆପଣ ଆପଣଙ୍କ ଲଗଇନ୍ କାର୍ଯ୍ୟକଳାପ ଯାଞ୍ଚ କରିପାରିବେ।
- ଏହା କରିବାକୁ ସେଟିଂସରେ ସିକ୍ୟୁରିଟିକୁ ଯାଆନ୍ତୁ ଏବଂ ଲଗଇନ୍ କାର୍ଯ୍ୟକଳାପ ଉପରେ କ୍ଲିକ୍ କରନ୍ତୁ। ଏଠାରେ ଆପଣ ଦେଖିପାରିବେ ଯେ ଏକ ଡିଭାଇସ୍ କେତେ ଥର ଲଗ୍ ଇନ୍ ହୋଇଛି।
- ଯଦି ଆପଣ ଏକ ଅଜଣା ଡିଭାଇସ୍ ଦେଖନ୍ତି, ତୁରନ୍ତ ଲଗ୍ ଆଉଟ୍ କରନ୍ତୁ।
ସର୍ବଦା ଏକ ପାସୱାର୍ଡ୍ ରଖନ୍ତୁ ଯାହା କେହି ସହଜରେ ଖୋଲିପାରିବେ ନାହିଁ । ଏଥିରେ ଅକ୍ଷର, ସଂଖ୍ୟା ଏବଂ ସ୍ୱତନ୍ତ୍ର ଚିହ୍ନର ବି ରହିବା ଉଚିତ୍ । ସମୟ ସମୟରେ ପାସୱାର୍ଡ୍ ପରିବର୍ତ୍ତନ କରନ୍ତୁ ଏବଂ କାହା ସହିତ ସେୟାର କରନ୍ତୁ ନାହିଁ।
