ଜୁନ୍ ୨୫ ତାରିଖକୁ ‘ସମ୍ବିଧାନ ହତ୍ୟା ଦିବସ’: ‘ଜରୁରୀକାଳୀନ ପରିସ୍ଥିତି’ ପାଇଁ ଘୋଷଣା କଲେ କେନ୍ଦ୍ର ସରକାର
ନୂଆଦିଲ୍ଲୀ: କେନ୍ଦ୍ରରେ ମୋଦୀ ସରକାରଙ୍କ ତରଫରୁ ଜୁନ୍ ୨୫ ତାରିଖକୁ ‘ସମ୍ବିଧାନ ହତ୍ୟା ଦିବସ’ ଭାବରେ ଘୋଷଣା କରିଛନ୍ତି । ଏ ନେଇ କେନ୍ଦ୍ର ସରକାର ନୋଟିଫିକେସନ୍ ଜାରି କରିଛନ୍ତି । ୧୯୭୫ ମସିହା ଜୁନ୍ ୨୫ ତାରିଖରେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଦେଶରେ ଆପାତକାଳୀନ ପରିସ୍ଥିତି ଲାଗୁ କରିଥିଲେ । ଏହାକୁ ଦୃଷ୍ଟିରେ ରଖି ମୋଦୀ ସରକାର କଂଗ୍ରେସକୁ ଘେରିବା ସହ ଏହି ଦିନକୁ ‘ସମ୍ବିଧାନ ହତ୍ୟା ଦିବସ’ ଭାବରେ ଘୋଷଣା କରିଛନ୍ତି ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଟ୍ୱିଟରରେ ଏ ନେଇ ସୂଚନା ଦେଇଛନ୍ତି । ସେ ପୋଷ୍ଟ କରି ଲେଖିଛନ୍ତି ଯେ, ‘୧୯୭୫ ମସିହା ଜୁନ୍ ୨୫ ତାରିଖରେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଦେଶରେ ‘ଜରୁରୀକାଳୀନ ପରିସ୍ଥିତି’ ଲାଗୁ କରିଥିଲେ । ତାଙ୍କର ଏହି ନିଷ୍ପତ୍ତି ଲୋକତନ୍ତ୍ର ଆତ୍ମାର ହତ୍ୟା କରିଥିବା କୁହାଯାଇଛି । ଏହି ନିଷ୍ପତ୍ତି ପରେ ଲକ୍ଷ ଲକ୍ଷ ଲୋକଙ୍କୁ ବିନା କୌଣସି ଦୋଷରେ ଜେଲଦଣ୍ଡ ଦିଆଗଲା । ଏହାବ୍ୟତୀତ ମିଡିଆକୁ ମଧ୍ୟ ଚାପ ପକାଇ ସ୍ୱରକୁ ବନ୍ଦ କରିବାକୁ ଚେଷ୍ଟା ହୋଇଥିଲା । ତେଣୁ ପ୍ରତ୍ୟେକ ବର୍ଷ ଏହି ଦିନ (ଜୁନ୍ ୨୫)କୁ ‘ସମ୍ବିଧାନ ହତ୍ୟା ଦିବସ’ ଭାବରେ ଘୋଷଣା କରିଛନ୍ତି କେନ୍ଦ୍ର ସରକାର ।
On June 25, 1975, the then PM Indira Gandhi, in a brazen display of a dictatorial mindset, strangled the soul of our democracy by imposing the Emergency on the nation. Lakhs of people were thrown behind bars for no fault of their own, and the voice of the media was silenced.
The… pic.twitter.com/9sEfPGjG2S
— Amit Shah (@AmitShah) July 12, 2024
୧୯୭୫ର ଏହି ଜରୁରୀକାଳୀନ ପରିସ୍ଥିତିରେ ଅମାନବୀୟ କାଣ୍ଡର ଶିକାର ହୋଇଥିବା ଏବଂ ଯନ୍ତ୍ରଣା ସହ୍ୟ କରିଥିବା ସମସ୍ତ ଲୋକମାନଙ୍କୁ ମନେ ପକାଇବା ପାଇଁ ଏଭଳି ଏକ ଘୋଷଣା କରାଯାଇଛି । ଏହାପରେ ଅମିତ ଶାହ କହିଛନ୍ତି ଯେ, ‘ସେହି ସମୟରେ ଯାତନା ସହ୍ୟ କରିଥିବା ଲକ୍ଷ ଲକ୍ଷ ଲୋକଙ୍କ ସଂଘର୍ଷକୁ ସାମନା କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର ସରକାର ଏହି ନିଷ୍ପତ୍ତି ନେଇଛନ୍ତି । ପ୍ରତ୍ୟେକ ଭାରତୀୟଙ୍କ ମଧ୍ୟରେ ଲୋକତନ୍ତ୍ରର ରକ୍ଷା ଏବଂ ବ୍ୟକ୍ତିଗତ ସ୍ୱତନ୍ତ୍ରତାର ଅମର ଜ୍ୟୋତିକୁ ଜୀବିତ ରଖିବା ପାଇଁ ‘ସମ୍ବିଧାନ ହତ୍ୟା ଦିବସ’ ପାଳନ କରାଯିବ । ଫଳରେ ଆଗାମୀ ଭବିଷ୍ୟତରେ ଏହାର ପୁନରାବୃତ୍ତି ହୋଇପାରିବ ନାହିଁ ।