ଡୋନାଲ୍ଡ ଟ୍ରମ୍ପଙ୍କ ଜୀବନ ବଞ୍ଚାଇଲେ ମହାପ୍ରଭୁ ଶ୍ରୀଜଗନ୍ନାଥ? ୪୮ ବର୍ଷ ତଳେ ରଥଯାତ୍ରା ପାଇଁ ସହାୟତା କରିଥିଲେ ଟ୍ରମ୍ପ, ଏବେ ଭକ୍ତର ବିପଦ ବେଳେ ସାହା ହେଲେ କାଳିଆ ଠାକୁର….
ଭୁବନେଶ୍ୱର(ଓଡ଼ିଶା ଭାସ୍କର): ଆମେରିକାର ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ ପାର୍ଟିର ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ପଙ୍କ ଉପରେ ହୋଇଥିବା ଗୁଳିମାଡ଼ରେ ସେ ଅଳ୍ପକେ ବର୍ତ୍ତି ଯାଇଛନ୍ତି । ପେନସିଲଭାନିଆରେ ଏକ ରାଲିକୁ ସମ୍ବୋଧିତ କରୁଥିବା ସମୟରେ ଟ୍ରମ୍ପଙ୍କ ଉପରେ ଏହି ମରଣାନ୍ତକ ଆକ୍ରମଣ ହୋଇଥିଲା । ଟ୍ରମ୍ପଙ୍କ ଡାହାଣ କାନର ଉପର ଭାଗ ଦେଇ ଗୁଳି ଚାଲିଯାଇଥିଲା । କିଛି ସେମି ଦୂରତା ପାଇଁ ବିଶ୍ୱର ଜଣେ ପ୍ରମୁଖ ଲିଡରଙ୍କ ଜୀବନ ବଞ୍ଚିଯାଇଛି । ଏହାର ଏକ ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଗୁଳିମାଡ଼ ହେବା ସମୟରେ ଯଦି ଟ୍ରମ୍ପ ତାଙ୍କର ମୁଣ୍ଡକୁ ବୁଲାଇଥାନ୍ତେ ତେବେ ସେ ନିଶ୍ଚିତ ଭାବେ ମୃତ୍ୟୁବରଣ କରିଥାନ୍ତେ ବୋଲି ଜଣେ ୟୁଜର୍ସ କହିଛନ୍ତି । ତେଣୁ ଏହାକୁ ଦୈବୀକୃପା ବୋଲି କୁହାଯାଉଛି । ଏହି ଘଟଣା ପରିପ୍ରେକ୍ଷୀରେ କୋଲକତା ଇସ୍କନର ଉପାଧ୍ୟକ୍ଷ ରାଧାରମଣ ଦାସଙ୍କ ମଧ୍ୟ ୟୁଜର୍ସଙ୍କ କଥାକୁ ସମର୍ଥନ କହିଛନ୍ତି ।
ରାଧାରମଣ ଦାସ ଏହି ଘଟଣାରେ ଚିନ୍ତାବ୍ୟକ୍ତ କରିବା ସହିତ କହିଛନ୍ତି, ଆଜିଠାରୁ ଠିକ୍ ୪୮ ବର୍ଷ ପୂର୍ବେ ଟ୍ରମ୍ପ ଜଗନ୍ନାଥ ରଥଯାତ୍ରା ଉତ୍ସବକୁ ବଞ୍ଚାଇଥାନ୍ତେ । ଆଜି ସାରା ଦୁନିଆ ପୁଣି ଥରେ ରଥଯାତ୍ରା ଉତ୍ସବ ପାଳନ କରୁଛି । ତେଣୁ ଏଭଳି ସମୟରେ ଟ୍ରମ୍ପଙ୍କ ଉପରେ ଯେତେବେଳେ ଆକ୍ରମଣ ହୋଇଛି ସେହି ସମୟରେ ଜଗନ୍ନାଥ ଟ୍ରମ୍ପଙ୍କ ଜୀବନ ବଞ୍ଚାଇ ଋଣ ପରିଶୋଧ କରିଛନ୍ତି । ୧୯୭୬ ମସିହା ଜୁଲାଇ ମାସରେ ଟ୍ରମ୍ପ ରଥ ନିର୍ମାଣ ପାଇଁ ନିଜର ଟ୍ରେନ ୟାର୍ଡ ମାଗଣାରେ ଦେଇ ଇସ୍କନ ଭକ୍ତଙ୍କୁ ରଥଯାତ୍ରା ଆୟୋଜନରେ ସହାୟତା କରିଥିଲେ । ରିୟଲ ଇଷ୍ଟେଟ ଟାଇକନ ଟ୍ରମ୍ପଙ୍କ ସେହି ବଦାନ୍ୟତା ବିଷୟରେ ଶ୍ରୀ ଦାସ ବର୍ଣ୍ଣନା କରିଛନ୍ତି ।
ଆଜି ଯେତେବେଳେ ଦୁନିଆ ୯ ଦିନିଆ ଜଗନ୍ନାଥ ରଥଯାତ୍ରା ଉତ୍ସବ ପାଳନ କରୁଛି, ସେହି ସମୟରେ ଟ୍ରମ୍ପଙ୍କ ଉପରେ ଏକ ଭୟାନକ ଆକ୍ରମଣ ହୋଇଥିଲା । ତେଣୁ ଏହି ଆକ୍ରମଣରେ ଟ୍ରମ୍ପ ଅଳ୍ପକେ ବଞ୍ଚିବା ଜଗନ୍ନାଥଙ୍କର ହସ୍ତକ୍ଷେପ ବୋଲି ଦର୍ଶାଉଛି । ସାରା ବ୍ରହ୍ମାଣ୍ଡରେ ଭଗବାନ ମହାପ୍ରଭୁ ଜଗନ୍ନାଥଙ୍କ ପ୍ରଥମ ରଥଯାତ୍ରା ୧୯୭୬ରେ ଏନୱାଇସି ସଡ଼କରେ ସଂଯୁକ୍ତ ରାଜ୍ୟ ଆମେରିକାର ସେ ସମୟର ୩୦ ବର୍ଷୀୟ ଯୁବ ରିୟଲ ଇଷ୍ଟେଲ ଟାଇକନ ଟ୍ରମ୍ପଙ୍କ ସହାୟତାରେ ଆରମ୍ଭ ହୋଇଥିଲା । ତେଣୁ ଆଜି ଯେତେବେଳେ ସେହି ଭକ୍ତର ଜୀବନ ବିପଦରେ ପଡ଼ିଥିଲା, ସେହି ସମୟରେ ପ୍ରଭୁ ଆଶିର୍ବାଦ କରି ଭକ୍ତକୁ ରକ୍ଷା କରିଥିଲେ ।
ସୂଚନାଯୋଗ୍ୟ ଯେ, ପୁରୀର ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ରଥଯାତ୍ରା ଗତ ୭ ତାରିଖରେ ଆରମ୍ଭ ହୋଇଥିଲା । ଆଗକୁ ପ୍ରଭୁଙ୍କର ବାହୁଡ଼ାଯାତ୍ରା ଓ ସୁନାବେଶ ପାଳନ କରାଯିବ । ଏହି ଅବସରରେ ଦେଶ, ବିଦେଶରୁ ଲକ୍ଷାଧିକ ଭକ୍ତଙ୍କର ସୁଅ ପୁରୀକୁ ଛୁଟିବ । ଦେଶ, ବିଦେଶର ବିଭିନ୍ନ ସ୍ଥାନରେ ଶ୍ରୀଜଗନ୍ନାଥଙ୍କ ରଥଯାତ୍ରା, ବାହୁଡ଼ା ଯାତ୍ରା, ସୁନାବେଶ ଆଦି ପାଳନ କରାଯାଉଛି । ବିଭିନ୍ନ ସ୍ଥାନରେ ଭକ୍ତମାନେ ନୀତିକାନ୍ତି ମାନି କାଳିଆ ଠାକୁରଙ୍କ ପୂଜା କରିଥାନ୍ତି ।
Yes, for sure it's a divine intervention.
Exactly 48 years ago, Donald Trump saved the Jagannath Rathayatra festival. Today, as the world celebrates the Jagannath Rathayatra festival again, Trump was attacked, and Jagannath returned the favor by saving him.
In July 1976, Donald… https://t.co/RuTX3tHQnj
— Radharamn Das राधारमण दास (@RadharamnDas) July 14, 2024