ଦେଶକୁ ଫେରିବା ପାଇଁ ଚାହୁଁଛନ୍ତି ରୁଷ ସେନାରେ କାମ କରୁଥିବା ୫୦ ଭାରତୀୟ, ସରକାରଙ୍କୁ କଲେ ନିବେଦନ

ନୂଆଦିଲ୍ଲୀ: ରୁଷ ସେନାରେ କାମ କରୁଥିବା ୫୦ ଭାରତୀୟ ନାଗରିକ ବର୍ତ୍ତମାନ ନିଜ ଦେଶକୁ ଆସିବାକୁ ଚାହୁଁଛନ୍ତି । ବୈଦେଶିକ ମନ୍ତ୍ରାଳୟ ଶୁକ୍ରବାର ଦିନ ଏହାର ସୂଚନା ଦେଇଛନ୍ତି । ବୈଦେଶିକ ମନ୍ତ୍ରାଳୟ କହିଛି ଯେ, ରୁଷ ସେନାରେ କାମ କରୁଥିବା ୫୦ ଜଣ ଭାରତୀୟ ନାଗରିକ ଭାରତୀୟ ଅଧିକାରୀମାନଙ୍କୁ ଯୋଗାଯୋଗ କରୁଛନ୍ତି, ତାଙ୍କୁ ଛୁଟି ଆବଶ୍ୟକ । ଦୁଇ ଦେଶ ଏହି ମାମଲାର ସମାଧାନ ଖୋଜିବା ପାଇଁ କାମ କରୁଛନ୍ତି ।

ୟୁକ୍ରେନରେ ଯୁଦ୍ଧ ପାଇଁ ନିୟୋଜିତ ୟୁନିଟ ସହ ସେବା କରି ଚଳିତ ବର୍ଷ ଚାରିଜଣ ଭାରତୀୟଙ୍କୁ ହତ୍ୟା କରାଯିବା ପରେ ନୂଆଦିଲ୍ଲୀ ରୁଷ ସେନାରେ ଭାରତୀୟଙ୍କ ନିଯୁକ୍ତି ଉପରେ ପ୍ରତିବନ୍ଧକ ଲଗାଇବା ପାଇଁ ଦାବି କରିଥିଲେ । ଆଧକାଂଶ ଭାରତୀୟ ରୋଷେୟା ଏବଂ ସହାୟକ କର୍ମଚାରୀମାନଙ୍କ ଭାବେ ରୁଷ ସେନା ସହ କାର୍ଯ୍ୟ କରୁଥିଲେ ଏବଂ ଯୁଦ୍ଧ ହେବା ପରେ ୟୁନିଟ ସହ ଯୁଦ୍ଧ କ୍ଷେତ୍ରକୁ ଯାଇଥିଲେ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ମସ୍କୋରେ ଅନୁଷ୍ଠିତ ବାର୍ଷିକ ଶିଖର ସମ୍ମିଳନୀରେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଏହି ପ୍ରସଙ୍ଗ ଉଠାଇ ଭାରତୀୟ ନାଗରିକଙ୍କ ଶୀଘ୍ର ମୁକ୍ତ ଏବଂ ଦେଶକୁ ଫେରାଇ ଆଣିବାକୁ ଦାବି କରିଛନ୍ତି।