ଆଇଏନଏସ ବ୍ରହ୍ମପୁତ୍ରରେ ଭୟାବହ ଅଗ୍ନିକାଣ୍ଡ; ବ୍ୟାପକ କ୍ଷତି, ଜଣେ ନାବିକ ନିଖୋଜ

ନୂଆଦିଲ୍ଲୀ: ଯୁଦ୍ଧ ଜାହାଜ ଆଇଏନଏସ ବ୍ରହ୍ମପୁତ୍ରରେ ନିଆଁ ଲାଗିଯିବା ପରେ ଏହାର ଅନେକ କ୍ଷତି ହୋଇଛି । ଏହି ଘଟଣା ପରଠାରୁ ଜଣେ ନାବିକ ନିଖୋଜ ଅଛନ୍ତି। ସୋମବାର ଭାରତୀୟ ନୌସେନା ପକ୍ଷରୁ ଏହି ସୂଚନା ଦିଆଯାଇଛି। ନୌସେନା କହିଛି ଯେ ପ୍ରଥମେ ଏହି ଜାହାଜରେ ନିଆଁ ଲାଗିଥିଲା, ପରେ ଏହା ଧୀରେ ଧୀରେ ଗୋଟିଏ ପାର୍ଶ୍ୱକୁ ଝୁଲି ଯାଇଥିଲା ଏବଂ ବର୍ତ୍ତମାନ ସମାନ ସ୍ଥିତିରେ ଛିଡ଼ା ହୋଇଛି। ଭାରତୀୟ ନୌସେନା ପକ୍ଷରୁ ଜାରି ବିବୃତିରେ କୁହାଯାଇଛି ଯେ ଆଇଏନଏସ ବ୍ରହ୍ମପୁତ୍ର ରେ ଭୟାବହ ଅଗ୍ନିକାଣ୍ଡ ପରେ ଜାହାଜଟି ସମୁଦ୍ରର ଗୋଟିଏ ପାର୍ଶ୍ୱକୁ ଝୁଲି ଯାଇଥିଲା । ଅଗ୍ନିକାଣ୍ଡ ପରଠାରୁ ନିଖୋଜ ଥିବା ଜଣେ ନାବିକଙ୍କୁ ଖୋଜୁଛନ୍ତି କର୍ତ୍ତୃପକ୍ଷ । ସୂଚନା ଅନୁଯାୟୀ, ଜୁଲାଇ ୨୧ ତାରିଖ ସନ୍ଧ୍ୟାରେ ଭାରତୀୟ ନୌସେନାର ମଲ୍ଟି ରୋଲ ଫ୍ରିଗେଟ୍ ଜାହାଜ ବ୍ରହ୍ମପୁତ୍ର ମରାମତି ପାଇଁ ଏନ୍ଡି (ଏମ୍ବିଆଇ) ଯାଉଥିବା ବେଳେ ନିଆଁ ଲାଗିଯାଇଥିଲା।

ଜୁଲାଇ ୨୨ ତାରିଖ ସକାଳ ସୁଦ୍ଧା ମୁମ୍ବାଇର ନୌସେନା ଡକ୍ୟାର୍ଡ ଏବଂ ବନ୍ଦରରେ ଥିବା ଅନ୍ୟ ଜାହାଜର ଅଗ୍ନିଶମ କର୍ମଚାରୀଙ୍କ ସହାୟତାରେ ଜାହାଜର କର୍ମଚାରୀମାନେ ନିଆଁକୁ ଆୟତ୍ତ କରିଥିଲେ। ବିବୃତ୍ତିରେ ଆହୁରି ମଧ୍ୟ କୁହାଯାଇଛି ଯେ ଫ୍ରିଗେଟ୍ ଆଇଏନଏସ ବ୍ରହ୍ମପୁତ୍ରରେ ହୋଇଥିବା ଅଗ୍ନିକାଣ୍ଡ ଘଟଣାରେ ଯୁଦ୍ଧ ଜାହାଜଟି ଗୋଟିଏ ପାର୍ଶ୍ୱକୁ ଝୁଲି ପଡ଼ିଥିଲା। ବହୁ ଚେଷ୍ଟା ସତ୍ତ୍ୱେ ଜାହାଜକୁ ସିଧା କରାଯାଇ ପାରିନଥିଲା। ଜାହାଜଟି ତା’ର ବର୍ଥ ସହିତ ଆହୁରି ଝୁଲୁଥିଲା ଏବଂ ବର୍ତ୍ତମାନ ଗୋଟିଏ ପାର୍ଶ୍ୱରେ ବିଶ୍ରାମ ନେଉଛି । ଜଣେ କନିଷ୍ଠ ନାବିକଙ୍କ ବ୍ୟତୀତ ଅନ୍ୟ ସମସ୍ତ କର୍ମଚାରୀଙ୍କୁ ଠାବ କରାଯାଇଛି ଏବଂ ସେମାନଙ୍କୁ ଖୋଜା ଚାଲିଛି। ଭାରତୀୟ ନୌସେନା ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛି।