ସୁନା ଉପରେ କଷ୍ଟମ୍ ଡ୍ୟୁଟି ହ୍ରାସ ପରେ ବଡ ପଦକ୍ଷେପ ନେବାକୁ ଯାଉଛନ୍ତି ସରକାର: ବନ୍ଦ ହୋଇପାରେ ଏହି ଯୋଜନା
ନୂଆଦିଲ୍ଲୀ: ବଜେଟରେ ସୁନା ଉପରେ କଷ୍ଟମ ଡ୍ୟୁଟି ହ୍ରାସ ଘୋଷଣା କରିବା ପରେ କେନ୍ଦ୍ର ସରକାର ସେପ୍ଟେମ୍ବରରେ ସାର୍ବଭୌମ ଗୋଲ୍ଡ ବଣ୍ଡ (ଏସଜିବି) ଯୋଜନାର ଭବିଷ୍ୟତ ବିଷୟରେ ଚୂଡ଼ାନ୍ତ ନିଷ୍ପତ୍ତି ନେବାକୁ ଯୋଜନା କରୁଛନ୍ତି । କଷ୍ଟମ୍ ଡ୍ୟୁଟି କଟ୍ ପରେ ସୁନା ମୂଲ୍ୟରେ ହ୍ରାସ ଯୋଗୁଁ ଏସଜିବି, ଭୌତିକ ସୁନା ଏବଂ ସୁନା ବିନିମୟ-ବାଣିଜ୍ୟ ପାଣ୍ଠି (ଇଟିଏଫ) ସହିତ ସମସ୍ତ ସୁନା ନିବେଶ ଉପରେ ରିଟର୍ଣ୍ଣକୁ ପ୍ରଭାବିତ କରିଛି, ଯାହାର ଚକ୍ରବୃଦ୍ଧି ବାର୍ଷିକ ଅଭିବୃଦ୍ଧି ହାର (ସିଏଜିଆର) ବର୍ତ୍ତମାନ ୧୦-୧୧ ପ୍ରତିଶତ ହେବାର ଆଶା ରହିଛି ।
ଜଣେ ବିଶ୍ଳେଷକଙ୍କ ଅନୁଯାୟୀ, ଯଦି ଡ୍ୟୁଟି କଟ୍ ହୋଇ ନଥାନ୍ତା ତେବେ ଏହା ୬ରୁ ୭ ପ୍ରତିଶତ ଅଧିକ ହୋଇଥାନ୍ତା ।
ଇଣ୍ଡିଆନ୍ ଏକ୍ସପ୍ରେସକୁ ସୂତ୍ରରୁ ପ୍ରକାଶ ଯେ, ଏସଜିବି ମାଧ୍ୟମରେ ଆର୍ôଥକ ମାନ୍ଦାକୁ ଆର୍ôଥକ ଖର୍ଚ୍ଚ ଅଧିକ ଏବଂ ଏହି ଯୋଜନା ନିବେଶକମାନଙ୍କୁ ପ୍ରଦାନ କରୁଥିବା ସୁବିଧା ସହିତ ଅନୁରୂପ ନୁହେଁ । ଏହି ଭିନ୍ନତା ହେତୁ ସରକାର ଆସନ୍ତା ମାସରେ ହେବାକୁ ଥିବା ବୈଠକରେ ଏହି ଯୋଜନା ବନ୍ଦ କରିବାକୁ ନିଷ୍ପତ୍ତି ନେଇପାରନ୍ତି ।
୧୦ କିସ୍ତିରୁ ଦୁଇକୁ ଚାଲିଆସିଛି :-
ଜଣେ ଅଧିକାରୀ କହିଛନ୍ତି, “ପୂର୍ବରୁ ଆମର ବର୍ଷକୁ ୧୦ ଟି କିସ୍ତି ହେଉଥିଲା, ତା’ପରେ ଆମେ ଚାରିକୁ ଆସିଥିଲୁ ଏବଂ ବର୍ତ୍ତମାନ ଦୁଇଟିକୁ ଆସିଗଲୁ । ସେପ୍ଟେମ୍ବରରେ ଯେବେ ଆମେ ବୈଠକ କରିବୁ, ସେବେ ଆମେ ଚଳିତ ବର୍ଷ କିସ୍ତି ଜାରି କରିବା ଉଚିତ୍ କି ନାହିଁ ବୋଲି ନିଷ୍ପତ୍ତି ନେବୁ । ଏହା ଉଭୟ ନିବେଶକ ଏବଂ ସରକାରଙ୍କ ପାଇଁ ଲାଭଦାୟକ ହେବ କି ନାହିଁ ସେନେଇ ଧ୍ୟାନ ରଖାଯିବ ।
ସୁନା ଦର ହ୍ରାସ ପାଇଲା, କିନ୍ତୁ ଚାହିଦା ବୃଦ୍ଧି ପାଇଲା :-
ଆସନ୍ତୁ ଆପଣଙ୍କୁ କହିବା ଯେ ଜୁଲାଇ ୨୩ ଠାରୁ ଘରୋଇ ସୁନା ମୂଲ୍ୟ ପ୍ରାୟ ୫ ପ୍ରତିଶତ ହ୍ରାସ ପାଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ସୁନା ଉପରେ କଷ୍ଟମ ଶୁଳ୍କକୁ ୧୫ ପ୍ରତିଶତରୁ ୬ ପ୍ରତିଶତକୁ ହ୍ରାସ କରିବା ପରେ ଏହି ହ୍ରାସ ଘଟିଛି । ଏହି ହ୍ରାସ ଯୋଗୁଁ ସୁନା ଦର ହ୍ରାସ ପାଇଛି, କିନ୍ତୁ ଚାହିଦା ବଢ଼ିବାରେ ଲାଗିଛି ।
