‘ଲୋକ ସଚେତନ ହେଲେ ସ୍ଵଚ୍ଛତା ହୋଇପାରିବ ପ୍ରଶାସନିକ ବ୍ୟବସ୍ଥା’: RTI କ୍ଲିନିକ ର ଆବାହକ ମନୋରଞ୍ଜନ ପଣ୍ଡା

ଭୁବନେଶ୍ୱର: ଲୋକ ସଚେତନ ହେଲେ ପ୍ରଶାସନିକ ବ୍ୟବସ୍ଥା ସ୍ଵଚ୍ଛତା ହୋଇପାରିବେ। ଯାହାକି ଆଜିର ସମୟରେ ପ୍ରତିଟି ବ୍ୟକ୍ତିଙ୍କ ଜାଣିବା ଗୁରୁତ୍ୱପୂର୍ଣ୍ଣ। ଆଜି ସୂଚନା ଅଧିକାର ଦିବସ ଉପଲକ୍ଷେ RTI କ୍ଲିନିକ୍ ପକ୍ଷରୁ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। rti କ୍ଲିନିକ ର ଆବାହକ ମନୋରଞ୍ଜନ ପଣ୍ଡା କହିଛନ୍ତି ଯେ ଯେପର୍ଯ୍ୟନ୍ତ ଏକ ବିଜ୍ଞ ଓ ସଚେତନ ନାଗରିକତ୍ୱ ସୃଷ୍ଠି ହୋଇପାରିନାହିଁ ସେ ଯାଏ ଏକ ବିକଶିତ ଭାରତର ନିର୍ମାଣ କରିବା ସମ୍ଭବ ନୁହଁ।

ଭାରତରେ ଅକ୍ଟୋବର ୧୨, ୨୦୦୫ ମସିହାରୁ ସୂଚନା ଅଧିକାର ଆଇନ କାର୍ଯ୍ୟକାରୀ ହୋଇଆସୁଛି | ଆଜି ଏହାକୁ ୧୯ ବର୍ଷ ପୁରିଛି । ଦେଶର ପ୍ରଶାସନିକ ବ୍ୟବସ୍ଥାକୁ ସ୍ବଚ୍ଛ ଓ ଉତ୍ତରଦାୟୀ କରିବା ଏବଂ ଜନସାଧାରଣଙ୍କୁ ସୂଚନା ଯୋଗାଇଦେବାରେ ଏହି ଆଇନର ଭୂମିକା ବେଶ ଗୁରୁତ୍ୱପୂର୍ଣ ରହିଛି।

ଏହି ଅବସରରେ ଆଜି ସଭିଏଁ ଗୋଟିଏ ଗୋଟିଏ #RTI ଦରଖାସ୍ତ କରିବା ଓ ସରକାରୀ ଦପ୍ତରରୁ ବୃହତ୍ତର ସ୍ୱାର୍ଥ ସାଧନ ହେବାପରି କିଛି ସୂଚନା ମାଗିବା ଏବଂ ସୂଚନା ଅଧିକାର ଆଇନକୁ ଜୀବିତ ରଖିବା ପାଇଁ ଅନୁଷ୍ଠାନ ତରଫରୁ ଏକ ଆହ୍ଵାନ ଦିଆଯାଇଛି।