୧୨ ଘଣ୍ଟା ଡ୍ୟୁଟିକୁ ୮ ଘଣ୍ଟାର ଦରମା… କମ୍ପାନୀର ମନମାନୀକୁ ନେଇ ଆନ୍ଦୋଳନ ଚେତାବନୀ ଦେଲା ୧୦୮ ଆମ୍ବୁଲାନ୍ସ କର୍ମଚାରୀ ମହାସଂଘ
ପୁରୀ: ଆସନ୍ତା ୧ ତାରିଖରୁ ଆନ୍ଦୋଳନ ଚେତାବନୀ ଦେଇଛନ୍ତି ୧୦୮ ଆମ୍ବୁଲାନ୍ସ କର୍ମଚାରୀ ମହାସଂଘ । ନୂଆ ଟେଣ୍ଡର ନେଇଥିବା କମ୍ପାନୀ ବିରୋଧରେ ମହାସଂଘ ଏହାର ଅସନ୍ତୋଷ ବ୍ୟକ୍ତ କରିଛି । କମ୍ପାନୀ ମନମାନୀ କରୁଥିବା ଅଭିଯୋଗରେ ଅନ୍ଦୋଳନ ଡାକରା ଦେଇଛି ମହାସଂଘ ।
୧୦୮ ଆମ୍ବୁଲାନ୍ସ କର୍ମଚାରୀ ମହାସଂଘ ତରଫରୁ ଆନ୍ଦୋଳନ ଚେତାବନୀ ଦିଆଯାଇଛି । ଅକ୍ଟୋବର ୩୦ ତାରିଖରେ ଜିପିଏସ୍ ବନ୍ଦ କରି ଡ୍ୟୁଟି କରିବାକୁ ନିଷ୍ପତ୍ତି ନିଆଯାଇଛି । ସେହିପରି ଆସନ୍ତା ୧ ତାରିଖରୁ ସମ୍ପୂର୍ଣ୍ଣ କାର୍ଯ୍ୟର୍ବନ୍ଦ ଚେତାବନୀ ଦିଆଯାଇଛି । କର୍ମଚାରୀଙ୍କ ୧୨ ଘଣ୍ଟା ଡ୍ୟୁଟି, ୮ ଘଣ୍ଟା ଦରମା । ଏହା ବ୍ୟତୀତ ବୀମା ସୁବିଧାରେ ଅସ୍ପଷ୍ଟତା ଥିବା ଅଭିଯୋଗ ହୋଇଛି ।
