(Video)ଅଭିନେତ୍ରୀଙ୍କୁ ନଜଣାଇ ବିମାନରୁ ବ୍ୟାଗ ଓହ୍ଲାଇଲା Indigo, ଭିଡିଓ ଜାରି କରି ଝାଡିଲେ ସମିତା
ନୂଆଦିଲ୍ଲୀ: ଇଣ୍ଡିଗୋ ଏୟାରଲାଇନ୍ସ ଉପରେ ରାଗିଗଲେ ଫିଲ୍ମ ଅଭିନେତ୍ରୀ ସମିତା ଶେଟ୍ଟୀ । ସୋସିଆଲ ମିଡିଆରେ ଏକ ଭିଡିଓ ରିଲିଜ କରି ନିଜର କ୍ରୋଧ ପ୍ରକାଶ କରିଛନ୍ତି । ସମିତା ଶେଟ୍ଟୀ ନିଜର କ୍ରୋଧ ପ୍ରକାଶ କରି କହିଛନ୍ତି ଯେ, ସେ ଏକ କାର୍ଯ୍ୟକ୍ରମ ପାଇଁ ଚଣ୍ଡିଗଡ଼କୁ ଆସିଛନ୍ତି, କିନ୍ତୁ ବିମାନ କମ୍ପାନୀ ତାଙ୍କୁ କିଛି ନ ଜଣାଇ ବିମାନରୁ ତାଙ୍କ ଲଗେଜ୍ ବାହାର କରିଦେଇଛି । ଏଭଳି ପରିସ୍ଥିତିରେ ମୁଁ କିପରି କାର୍ଯ୍ୟକ୍ରମରେ ଅଂଶଗ୍ରହଣ କରିପାରିବି? ଏହା ଅତ୍ୟନ୍ତ ଦାୟିତ୍ୱହୀନ ବୋଲି ସେନିଜର କ୍ରୋଧ ପ୍ରକାଶ କରିଛନ୍ତି ।
ସମିତା ଶେଟ୍ଟୀ X ରେ ଏକ ଭିଡିଓ ପୋଷ୍ଟ କରି କହିଛନ୍ତି,”ମୁଁ ଚଣ୍ଡିଗଡ଼ ବିମାନବନ୍ଦରରେ ଫସି ରହିଛି । ଇଣ୍ଡିଗୋ ଏୟାରଲାଇନ୍ସରେ ଜୟପୁରରୁ ଚଣ୍ଡିଗଡ଼ ଅଭିମୁଖେ ଯାତ୍ରା କରିଥିଲି । ମୋତେ କୌଣସି ପ୍ରକାରେ ନଜଣାଇ ମୋର ବ୍ୟାଗକୁ ବିମାନରୁ ବାହାର କରିଦିଆଯାଇଛି । ମୁଁ ଏକ ଇଭେଣ୍ଟ ପାଇଁ ଏଠାକୁ ଆସିଛି। ମୋର ହେୟାର ଡ୍ରେସର ଏବଂ ବ୍ୟାଗ ଓଜନ ପାଇଁ ବ୍ୟାଗକୁ ବାହାର କରିଦିଆଯାଇଛି । କିନ୍ତୁ ଏନେଇ ମୋତେ କୌଣସି ପ୍ରକାରେ ମଧ୍ୟ ଅବଗତ କରାଗଲା ନାହି ।”
ସେ ଆହୁରି ମଧ୍ୟ କହିଛନ୍ତି, ଇଣ୍ଡିଗୋ ଏୟାରଲାଇନ୍ସ ମୋତେ ନଜଣାଇ ଏପରି କିପରି କରିପାରିଲେ । ଚଣ୍ଡିଗଡ ଆସିବାକୁ ଥିବା ଆଉ ଏକ ଫ୍ଲାଇଟରେ ବ୍ୟାଗ ଆଣିବା ନେଇ ସେମାନେ ମୋତେ କହୁଛନ୍ତି । ଏହା ରାତି ପ୍ରାୟ 10.30 ରେ ଇଭେଣ୍ଚ ଶେଷ ହେବା ପରେ ଲ୍ୟାଣ୍ଡ କରିବ । ଗ୍ରାଉଣ୍ଡ ଷ୍ଟାଫକୁ ମଧ୍ୟ ଜଣାନାହିଁ ସେମାନେ କିପରି ସାହାଯ୍ୟ କରିବେ । ତେବେ ଅଭିନେତ୍ରୀଙ୍କ ଆରୋପ ଉପରେ ଇଣ୍ଡିଗୋ ପକ୍ଷରୁ ମଧ୍ୟ ପ୍ରତିଉତ୍ତର ଦିଆଯାଇଛି । ଏୟାରଲାଇନ୍ସ ପକ୍ଷରୁ କୁହାଯାଇଛି, “ଆପଣଙ୍କ ସହ ହୋଇଥିବା ଅସୁବିଧା ପାଇଁ ଆମେ ଦୁଃଖିତ । ଆମେ ଏହାର ସମାଧାନ କରିବାକୁ ଚେଷ୍ଟା କରୁଛୁ । ପଞ୍ଜୀକୃତ ନମ୍ବରରେ ଆପଣଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲୁ, କିନ୍ତୁ କଲ ଉଠାଯାଇ ନଥିଲା। ଆପଣ ଦୟାକରି ଆମକୁ ଏକ ବିକଳ୍ପ ଯୋଗାଯୋଗ ନମ୍ବର ଦେଇ ପାରିବେ କି?
Pardon my French but Indigo airline ur a pretty Shit airline to fly on! N the ground staff is totally useless! Think twice before flying on this airline ! @IndiGo6E #indigo a total no no! pic.twitter.com/UXMo9Oceys
— Shamita Shetty 🦋 (@ShamitaShetty) October 28, 2024
