ଦୀପାବଳୀ ଅଘଟଣ; ପୁରୀରେ ବାଣ ବିସ୍ଫୋରଣରେ ଗୁରୁତର ଯୁବକଙ୍କ ମୃତ୍ୟୁ, ଭୁବନେଶ୍ବର ବାପୁଜୀ ନଗର ଭେଣ୍ଡିଂ ଜୋନ୍ରେ ଅଗ୍ନିକାଣ୍ଡ
ପୁରୀ: ବାଣ ବିସ୍ଫୋରଣରେ ଗୁରୁତର ଯୁବକଙ୍କ ମୃତ୍ୟୁ । କଟକ ଏସ୍ସିବିରେ ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ । ପୁରୀ ସଦର ଥାନା ଅଧୀନ ବାଟଗାଁ ରାଉତ ସାହିରେ ଗୁରୁବାର ବାଣ ବିସ୍ଫୋରଣ ହୋଇ ୩ଜଣ ଗୁରୁତର ହୋଇଛନ୍ତି। ଗୁରୁତର ମଧ୍ୟରେ ଜଣେ ମହିଳା ଥିବା ବେଳେ ୨ଜଣ ନାବାଳକ ବୋଲି ଜଣାପଡିଛି। ଗୁରୁତରମାନେ ହେଲେ ଗୁଲା ରାଉତ, ଲିପା ରାଉତ ଓ ସଞ୍ଜୟ ଜେନା।
ସେମାନଙ୍କ ଅବସ୍ଥା ଗୁରୁତର ହେବାରୁ ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରାଯାଇଥିଲା । ପୁରୀ ସଦର ମୁଖ୍ୟ ଚକିତ୍ସାଳୟରେ ବର୍ଣ୍ଣ ୟୁନିଟ ନ ଥିବାରୁ ୩ଜଣଙ୍କୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି। ସଞ୍ଜୟ ଜେନା, ଗୁଲା ରାଉତଙ୍କ ୮୦ ପ୍ରତିଶତ ପୋଡି ଯାଇଥିବା ବେଳେ ଲିପା ରାଉତଙ୍କ ୫୦ ପ୍ରତିଶତ ପୋଡି ଯାଇଥିବା ଜଣାପଡିଛି । ୨ ଗୁରୁତର ଭୁବନେଶ୍ବର ଏମ୍ସରେ ଭର୍ତ୍ତି ସୂଚନା ।
ସେପଟେ ରାଜଧାନୀ ଭୁବନେଶ୍ବର ବାପୁଜୀ ନଗର ଭେଣ୍ଡିଂ ଜୋନ୍ରେ ଅଗ୍ନିକାଣ୍ଡ । ନିଆଁ ଲାଗି ଜଳିଗଲା ଭେଣ୍ଡିଂ ଜୋନ୍ର ବନ୍ଦ ଥିବା ୩ଟି ଦୋକାନ । ସର୍ଟ ସର୍କିଟରୁ ଅଗ୍ନିକାଣ୍ଡ ଅନୁମାନ, ଅଗ୍ନିଶମ ଟିମ୍ ଦ୍ବାରା ନିଆଁ ଆୟତ୍ତ କରାଯାଇଛି ।
