ଏତେ ରାଗ.. ମାଙ୍କଡକୁ ଗୁଳି କରି ମାରିଦେଲେ ବ୍ୟକ୍ତି, ଗ୍ରାମବାସୀଙ୍କ କାର୍ଯ୍ୟାନୁଷ୍ଠାନ ଦାବି

ଭୁବନେଶ୍ବର: ମଣିଷ ବି ଏତେ ନିଷ୍ଠୁର ବେଳେବେଳେ ଏଭଳି ଭାବିବା ପାଇଁ ବାଧ୍ୟ କରୁଛି । କିଛି ଘଟଣା ମନକୁ ଆନ୍ଦୋଳିତ କରିଥାଏ । ଫସଲ ନଷ୍ଟ କରିବାକୁ ମାଙ୍କଡକୁ ଗୁଳି ମାରିଥିବା ଅଭିଯୋଗ ହୋଇଛି । କଟକ ସାଲେପୁର ଗୋପିନାଥପୁର ଗ୍ରାମରୁ ସାମ୍ନାକୁ ଆସିଛି ଏଭଳି ଘଟଣା । ତେବେ ଗୁଳିମାଡରେ ମାଙ୍କଡର ଜୀବନ ମଧ୍ୟ ଯାଇଛି । ତେବେ ଗୁଳି ମାରିଥିବା ବ୍ୟକ୍ତିର ନାମ ସାମ୍ନାକୁ ଆସୁନଥିବା ବେଳେ ତେବେ ଜଣେ ପ୍ରଭାବଶାଳୀ ବ୍ୟକ୍ତିଙ୍କ ପୁଅ ଏହି କାଣ୍ଡ ଘଟାଇଥିବା ଜଣାପଡିଛି । ତେବେ ସ୍ଥାନୀୟ ଲୋକଙ୍କ ଅଭିଯୋଗ ପରେ ତଦନ୍ତ ଆରମ୍ଭ କରିଛି ପୋଲିସ ।

ସୂଚନା ଅନୁସାରେ, ଗତ କିଛିଦିନ ଧରି ମାଙ୍କଡମାନଙ୍କର ଉପଦ୍ରବ ଜାରି ରହିଥିଲା । ଲୋକଙ୍କୁ ଭୟଭୀତ କରିବା ସହିତ ଫସଲ ମଧ୍ୟ ନଷ୍ଟ କରୁଥିଲା । ତେବେ ଏହାକୁ ସହ୍ୟ କରିନପାରି ହଠାତ୍ ଜଣେ ପ୍ରଭାବଶାଳୀ ବ୍ୟକ୍ତିଙ୍କ ପୁଅ ଗୁଳିମାଡ କରିଥିଲେ । କିନ୍ତୁ ଉକ୍ତ ବ୍ୟକ୍ତିଙ୍କ ନାଁ ନେଉନାହାନ୍ତି ଗ୍ରାମବାସୀ । ତେବେ କିଛି ଲୋକ କାର୍ଯ୍ୟାନୁଷ୍ଠାନ ଦାବି କରି ପୋଲିସ ଏବଂ ବନ ବିଭାଗ ନିକଟରେ ଅଭିଯୋଗ କରିଛନ୍ତି । କେଉଁ ପରିସ୍ଥିତି ସେ ଗୁଳିମାଡ କରିଲେ କାହା ଜାଣିବା ସହିତ କଡା କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।