(Video) ମେରା ଭାରତ ମହାନ, ପ୍ରଥମ ଦଳିତ ବର ଚଢିଲେ ଘୋଡୀ
ଭୋପାଲ- ମଧ୍ୟପ୍ରଦେଶର ଟିକମଦଗଡ ଜିଲ୍ଲାରେ ଜଣେ ବ୍ୟକ୍ତି ବିବାହ କରିବା ବେଳେ ଦେଖିବାକୁ ମିଳିଛି ବିରଳ ଦୃଶ୍ୟ । ବର ଘୋଡୀ ଚଢି ଯାଉଥିବା ବେଳେ ବରଯାତ୍ରୀ ସାଜିଛନ୍ତି ପୋଲିସବାବୁମାନେ । ସେମାନେ ପୁଣି ୟୁନିଫର୍ମରେ । ଏହି ଭିଡିଓ ଏବେ ଭାଇରାଲ ହେଉଛନ୍ତି । ତେବେ ବାସ୍ତବରେ ପୋଲିସ ସେହି ବାହାଘରରେ ବରଯାତ୍ରୀ ହୋଇନାହିଁ, ବରକୁ ସୁରକ୍ଷା ଦେବାକୁ ମୁତୟନ ହୋଇଛନ୍ତି ।
ଦେଶ ସ୍ୱାଧୀନ ହେବାକୁ ୭୭ ବର୍ଷ ବିତିଯାଇଛି । କିନ୍ତୁ ଆମ ଭିତରେ ଜାତିବାଦ ଆଜି ମଧ୍ୟ ବଳବତ୍ତର ରହିଛି । ଦଳିତଙ୍କ ପାଇଁ ଆଜି ବି ସେମାନଙ୍କ ବାହାଘରରେ ଘୋଡୀ ଚଢିବା ଔଦ୍ଧତ୍ୟ ବୋଲି ଧରାଯାଉଛି । ଘୋଡୀ ଚଢିବା ଆଭିଜାତ୍ୟର ଅଂଶ । ତେଣୁ ଦଳିତ ଘୋଡୀ ଚଢିପାରିବେ ନାହିଁ । ଏହି ନିୟମ ଆଜି ମଧ୍ୟ ମଧ୍ୟପ୍ରଦେଶର ଟିକମଗଡ ଜିଲ୍ଲାରେ ବଳବତ୍ତର ରହିଛି । ତେଣୁ ନିକଟରେ ଜିଲ୍ଲା ବଲ୍ଜବେଗଡ ଥାନା ଅଧୀନ ହଟା ଗାଁର ଜଣେ ଦଳିତ ବିବାହ କରିବା ସମୟରେ କାର ବା ଅନ୍ୟ କୌଣସି ସାଧନ ନ ଚଢି ଘୋଡୀ ଚଢିବାକୁ ବାହାରିଥିଲେ ।
ହେଲେ ଜଣେ ଦଳିତ ଘୋଡୀ ଚଢି ବାହାହେବାକୁ ଯିବା ଉଚ୍ଚବର୍ଣ୍ଣଙ୍କ ନାକ କାଟିବା ପରି ଘଟଣା ହେବ । ତେଣୁ ଏହି ବାହାଘରରେ ଦଳିତ ବରକୁ ସୁରକ୍ଷା ଦେବାକୁ ପୋଲିସ ମୁତୟନ ହୋଇଛନ୍ତି । ପୋଲିସ ବର ଓ ବରଯାତ୍ରୀଙ୍କୁ କନ୍ୟା ଘର ଅଭିମୁଖେ ବାଟ ଗଢେଇ ନେଉଛନ୍ତି । ବର ଘୋଡୀ ଉପରେ ବସି ପଛରେ ଆସୁଥିବା ଦେଖିବାକୁ ମିଳୁଛି ।
ଏହି ଭିଡିଓ ବିଭିନ୍ନ ଗ୍ରୁପରେ ଏକ୍ସ ପ୍ଲାଟଫର୍ମରେ ଭାଇରାଲ ହେଉଛି । ଏଥିରେ ଉଲ୍ଲେଖ ରହିଛି, ସ୍ୱାଧୀନତା ପରେ ପ୍ରଥମଥର ପାଇଁ ଟିକମଗଡରେ ଜଣେ ଦଳିତ ବର ଘୋଡୀ ଚଢିଛି ପୋଲିସ ଉପସ୍ଥିତିରେ । ଏହାକୁ ନେଇ ୟୁଜର୍ସ ବିଭିନ୍ନ ପ୍ରତିକ୍ରିୟା ଦେଉଛନ୍ତି । ଆମଭିତରେ ଥିବା ଏମିତି ବାଛବିଚାରକୁ ଅନେକ ନିନ୍ଦା କରିଛନ୍ତି ।
आजादी के बाद पहली बार पुलिस की मौजूदगी में घोड़ी पर बैठा दलित दूल्हा
मध्यप्रदेश के टीकमगढ़ जिले में बल्देवगढ़ थाना क्षेत्रांतर्गत हटा गांव में पुलिस की मौजूदगी में निकली गांव में दलित दूल्हे की राछ #Video pic.twitter.com/nhSYO2marS
— Ambedkarite People’s Voice (@APVNews_) November 18, 2024
