କାହାର ହେଲେ ମହମ୍ମଦ ଶାମୀ? ଆଇପିଏଲ-୨୦୨୫ ପାଇଁ ନୂଆ ଦଳରେ ହେଲେ ଡାଭିଡ ମିଲର

ନୂଆଦିଲ୍ଲୀ: ଆଇପିଏଲ-୨୦୨୫ ପାଇଁ ଷ୍ଟାର ବୋଲର ମହମ୍ମଦ ଶାମୀଙ୍କୁ ମିଳିଛି ନୂଆ ପରିଚୟ । ଆସନ୍ତା ସଜନ ପାଇଁ ନୂଆ ଦଳରେ ସାମିଲ ହୋଇଛନ୍ତି ଶାମୀ । ୧୦ କୋଟି ଟଙ୍କା ଖର୍ଚ୍ଚରେ ଶାମୀ ସନରାଇଜର୍ସ ହାଇଦ୍ରାବାଦ ଦଳରେ ସାମିଲ ହୋଇଛନ୍ତି । ରାଇଟ ଟୁ ମ୍ୟାଚ୍ ଉପôଲ୍ଧ ଥାଇ ମଧ୍ୟ ଗୁଜରାଟ ଟାଇଟନ୍ସ ଏହାକୁ ଶାମୀଙ୍କ ପାଇଁ ବ୍ୟବହାର କରିନାହିଁ । ଫଳରେ ଶାମୀଙ୍କୁ ହାଇଦ୍ରାବାଦ ନିଜ ଦଳରେ ସାମିଲ କରିଛି ।

ସେହିପରି ଗୁଜରାଟ ଟାଇଟନ୍ସର ପୂର୍ବତନ କ୍ରିକେଟର ଡାଭିଡ ମିଲର ମଧ୍ୟ ଦ୍ୱିତୀୟ ପର୍ଯ୍ୟାୟରେ ନିଲାମ ହୋଇଛନ୍ତି । ଆଇପିଏଲ-୨୦୨୪ରେ ଗୁଜରାଟ ଟାଇଟନ୍ସ ପାଇଁ ପ୍ରମୁଖ ଭୂମିକା ତୁଲାଇଥିଲେ ମିଲର । ତେବେ ଆଇପିଏଲ-୨୦୨୫ ପୂର୍ବରୁ ତାଙ୍କୁ ଦଳ ରିଲିଜ କରିଥିଲା । ଏହାପରେ ନୂଆ ସିଜନ ପାଇଁ ନୂଆ ଦଳରେ ସାମିଲ ହୋଇଛନ୍ତି ଡାଭିଡ ମିଲର । ଆଇପିଏଲ-୨୦୨୫ରେ ଲକ୍ଷେ୍ନø ସୁପର ଜିଆଣ୍ଟସ ତରଫରୁ ଖେଳିବେ ମିଲର । ଋଷଭ ପନ୍ତଙ୍କ ପରେ ଡାଭିଡ ମିଲରଙ୍କୁ ଦଳରେ ସାମିଲ କରିଛି ଏଲଏସଜି ।