Breaking: ଶୁକ୍ରବାର ଆସି ରବିବାର ଦିଲ୍ଲୀ ଫେରିବେ ପ୍ରଧାନମନ୍ତ୍ରୀ, ରାଜଭବନରେ କରିବେ ରାତ୍ରୀଯାପନ

ଭୁବନେଶ୍ୱର: ଆସିଲା ପ୍ରଧାନମନ୍ତ୍ରୀଙ୍କ ଓଡ଼ିଶା ଗସ୍ତ କାର୍ଯ୍ୟସୂଚୀ । କାଲି ଦିନ ୪ଟା ୨୫ ମିନିଟରେ ଭୁବନେଶ୍ୱରରେ ପହଞ୍ଚିବେ ପ୍ରଧାନମନ୍ତ୍ରୀ । ଏୟାରପୋର୍ଟରୁ ସିଧା କାର୍ଯ୍ୟକ୍ରମସ୍ଥଳରେ ପହଞ୍ଚିବେ ମୋଦି । ସନ୍ଧ୍ୟା ୫ଟା ୧୫ ମିନିଟରେ ରାଜଭବନ ଯିବେ । ଏହାପରେ ୬ଟା ୩୦ ମିନିଟରେ ବିଜେପି ରାଜ୍ୟ କାର୍ଯ୍ୟାଳୟ ଯିବେ । ବିଜେପି କାର୍ଯ୍ୟକର୍ତ୍ତାଙ୍କ ସହ ବୌଠକରେ ରହିବେ ଗୋଟିଏ ଘଣ୍ଟା । ଶନିବାର ସକାଳ ୮ଟା ୨୫ରେ ଲୋକସେବା ଭବନ ଯିବେ । ଡିଜିପି ସମ୍ମିଳନୀରେ ସାମିଲ ହେବେ ମୋଦି । ଶୁକ୍ରବାର ଏବଂ ଶନିବାର ଦୁଇରାତି ରାଜଭବନରେ ପ୍ରଧାନମନ୍ତ୍ରୀ ରାତ୍ରୀଯାପନ କରିବେ । ରବିବାର ଦିନ ସକାଳ ୮ଟା ୨୫ରୁ ସାଢ଼େ ୪ଟା ପର୍ଯ୍ୟନ୍ତ ଡିଜିପି ସମ୍ମିଳନୀରେ ରହି ସନ୍ଧ୍ୟାରେ ଦିଲ୍ଲୀ ଫେରିଯିବେ ପ୍ରଧାନମନ୍ତ୍ରୀ ।