ଟ୍ବିନ୍ ସିଟିରେ ଝିପଝିପ ବର୍ଷା, 3 ଘଣ୍ଚା ସାବଧାନ ରୁହନ୍ତୁ ଏହି ଜିଲ୍ଲା! ସତର୍କ କଲା ପାଣିପାଗ ବିଭାଗ

ଭୁବନେଶ୍ବର: ଝିପିଝିପି ବର୍ଷାରେ ଭିଜିଲା ଟ୍ବିନସିଟି । କଟକ ଭୁବନେଶ୍ବର ସମେତ ବିଭିନ୍ନ ଜିଲ୍ଲାରେ ବର୍ଷା ଜାରି ରହିଛି । ଗତକାଲି(ସୋମବାର) ଦିନ ପାଗ କୋହଲା ରହିଥିବା ବେଳେ ରାତିରେ ବର୍ଷା ଆରମ୍ଭ ହୋଇଥିଲା । ବର୍ଷା ଆଜି ମଧ୍ୟ ଜାରି ରହିଛି । ତେବେ ବର୍ଷା ପଶ୍ଚିମାଝଡ ପ୍ରଭାବରୁ ବୋଲି ଅନୁମାନ କରାଯାଉଛି । 11 ଜିଲ୍ଲାରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ନେଇ ପୂର୍ବାନୁମାନ କରାଯାଇଛି । ତେବେ ବର୍ଷା ବନ୍ଦ ହୋଇଗଲେ ମଧ୍ୟ ଖୋର୍ଦ୍ଧା, କଟକ, ଢେଙ୍କାନାଳ, ପୁରୀ, ଯାଜପୁରରେ କୋହଲା ପାହ ରହିବ ବୋଲି ଆକଳନ କରାଯାଇଛି । ସେହିପରି ଉପକୂଳ ଆଭ୍ୟନ୍ତରୀଣ ଓଡିଶାରେ ବର୍ଷା ହେବା ନେଇ ଆକଳନ କରାଯାଇଛି । ସେହିପରି ରାଜ୍ୟର ବିଊିନ୍ନ ଜିଲ୍ଲାକୁ 3 ଘଣ୍ଟା ପାଇଁ ସତର୍କତା ଜାରି କରାଯାଇଛି । ବିଭିନ୍ନ ଜିଲ୍ଲାରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି କୁହାଯାଇଛ । କେନ୍ଦ୍ରାପଡା, ଜଗତସିଂହପୁର, ପୁରୀକୁ ଆଲର୍ଚ ଜାରି କରାଯାଇଛି ।

ତେବେ ଏହି ବର୍ଷା ଶୀତ ଆଣିପାରେ ବୋଲି କୁହାଯାଉଛି । ତାପମାତ୍ରା ଆଜିଠାରୁ କମ୍ ହୋଇପାରେ । 3ରୁ 4 ଡିଗ୍ରୀ ପାରଦ ଖସିପାରେ ଆକଳନ କରାଯାଇଛି । ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଆହୁରି ଘନୀଭୂତ ହେବ। ୧୨ ତାରିଖରୁ ଏହା ଶ୍ରୀଲଙ୍କା ଉପକୂଳ ଛୁଇଁପାରେ। ଆଜିଠାରୁ ପାରଦ ଖସିବ ଓ ଥଣ୍ତା ବଢିବ ବୋଲି ପାଣିପାଗ ବିଶେଷଜ୍ଞ କହିଛନ୍ତି ।