Breaking: ରାସ୍ତାରେ ଯାଉଥିବା ବ୍ୟକ୍ତିଙ୍କ ଉପରେ ଓଲଟିଲା ବସ୍, ଜଣେ ମୃତ, ୧୦ ଯାତ୍ରୀ ଆହତ

ଭଦ୍ରକ: ଭଦ୍ରକ ବନ୍ତ ଥାନା ଜାଗୁଳାଇପଦା ଛକରେ ଓଲଟି ପଡ଼ିଲା ବସ୍ । ବସ୍ ଓଲଟି ରାସ୍ତାରେ ଯାଉଥିବା ଜଣେ ବ୍ୟକ୍ତିଙ୍କ ମୃତୁ୍ୟ ଘଟିଛି । ଘଟଣାରେ ୧୦ ଜଣ ଆହତ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ହିଁ ପଥଚାରୀଙ୍କ ମୃତୁ୍ୟ ଘଟିଛି । ଅନ୍ୟପକ୍ଷେ ବସରେ ଥିବା ୧୦ ଯାତ୍ରୀ ଗୁରୁତର ଆହତ ହୋଇଛନ୍ତି । ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ବସ୍ଟି ଭଦ୍ରକରୁ ବନ୍ତ ଅଭିମୁଖେ ଯାତ୍ରା କରୁଥିବା ସୂଚନା । ଅଘଟଣ ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖିବାକୁ ମିଳିଛି ।