(Video) ଟ୍ରେନ ଟ୍ରାକରେ ମହିଳା, ଅଟକିଲା ଟ୍ରେନ୍, ଉଠାଇନେଲେ ଯାତ୍ରୀ
ବରେଲି- ଏବେ ରିଲ୍ସ ନିଶା ଲୋକଙ୍କ ଭିତରେ ମହାମାରୀ ପରି ବ୍ୟାପିବାରେ ଲାଗିଛି । କିଛି ଫଲୋୟର୍ସ ଓ ଶସ୍ତା ଲୋକପ୍ରିୟତା ଏମିତି ଅନ୍ଧ କରିଛି କି ଏହି ରିଲ୍ସ ମାନିଆ ନିଜ ଜୀବନକୁ ବିପନ୍ନ କରିବାକୁ ବି ପଛଉ ନାହାନ୍ତି । ସେମିତି ଜଣେ ମହିଳାଙ୍କୁ ଖୋଜୁଛି ପୋଲିସ ।
ୟୁପି, ବରେଲିର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ମହିଳା ଜଣେ ରିଲ୍ସ ତିଆରି କରିବାରେ ବ୍ୟସ୍ତ । ରେଳ ଧାରଣା ଉପରେ ଚାଲିଥାନ୍ତି ମହିଳା, ଆଗରୁ ଆସୁଛି ଟ୍ରେନ । ମହିଳା ଏମିତି ରିଲ୍ସ ପାଇଁ ବାଇଆ ଥିଲେ କି ଟ୍ରେନକୁ ଆଗରେ ଆସୁଥିବା ଦେଖି ବି ଅକଟିଲେ ନାହିଁ । ଲୋକୋ ପାଇଲଟ ବାଧ୍ୟହୋଇ ଅଟକାଇଲେ ଟ୍ରେନ । ଏହି ମହିଳାଙ୍କ ଭିଡିଓ ଏବେ ଇଣ୍ଟରନେଟରେ ଭାଇରାଲ ହେଉଛି । ଏମିତି କି ଟ୍ରେନ ଅଟକିବା ପରେ ମଧ୍ୟ ମହିଳାଙ୍କ ରିଲ୍ସ ତିଆରି ଜାରି ଥିଲା । ଟ୍ରେନ ଅଟକିବା ପରେ ଯାତ୍ରୀ ଟ୍ରେନରୁ ଓହ୍ଲାଇ ମହିଳାଙ୍କୁ ଟ୍ରାକରୁ ଟାଣି ହଟାଇଥିଲେ ।
ଭିଡିଓ ଭାଇରାଲ ହେବା ପରେ ପୋଲିସ ନଜରକୁ ଆସିଛି । ଏହାକୁ ଗମ୍ଭୀରତା ସହ ନେଇଛି ବରେଲିର ବହେଡି ପୋଲିସ । ଘଟଣାର ତଦନ୍ତ କରିବା ସହ ମହିଳାଙ୍କୁ ଧରିବାକୁ ଖୋଜା ଆରମ୍ଭ କରିଛି । ହେଲେ ଏହି ରିଲ୍ସ ମାନିଆଙ୍କ ପାଇଁ ଅନେକ ସମୟରେ ଅନେକ ଅଘଟଣ ଘଟୁଛି । କେତେବେଳେ ରିଲ୍ସ ମାନିଆ ନିଜ ଜୀବନ ହରାଉଛନ୍ତି ତ ପୁଣି କେତେବେଳେ ଅନ୍ୟମାନଙ୍କ ଜୀବନ ଯାଉଛି । ଏମିତି ଖବର ବିଭିନ୍ନ ଗଣମାଧ୍ୟମ ଦ୍ୱାରା ଲୋକଙ୍କ ଦୃଷ୍ଟିକୁ ନିଆ ଯାଉଛି, ହେଲେ କୌଣସି ଫରକ ପଡୁନି ଏମାନଙ୍କ ଭିତରେ ।
बरेली के बहेड़ी का वीडियो वायरल, ट्रेन के सामने खड़ी होकर महिला ने बनाया रील pic.twitter.com/W2hWRGWsNv
— crime junction (@crimejunction) December 15, 2024
